Esdras 6:11 - Marahay na Bareta Biblia

¹¹ Ipinagboboot ko man na an siisay man na magsalungat sa pagboot na ini, sarong kahabaan na kahoy an tatangkason hale sa saiyang harong, papanasan an sarong poro kan kahoy na iyan dangan itutusok sa saiyang hawak. An saiyang harong gigibohon na sarong tambakan nin ati.

Esdras 6:11 ပူးပေါင်းရင်းမြစ်များ

2 Mga Hade 10:27

Kaya rinaot ninda an harigi ni Baal saka an templo. An templo ginibo nindang kasilyasan sagkod ngunyan.

2 Mga Hade 9:37

An saiyang bangkay mawawarak duman na garo odo, tanganing mayo nin makamidbid saiya.’”

Esdras 7:26

An siisay man na maglapas kan Katogonan nin saimong Dios asin kan mga katogonan kan imperyo, papadusahan tolos sa paagi nin kagadanan o pagtapok o pag-embargo kan pagrogaring o pagkabilanggo.”

Esther 5:4

Nagsimbag si Esther, “Kun pagmarahayon mo, Mahal na Hade, boot kong alokon ka saka si Haman ngunyan na banggi sa bangkete na inandam ko.”

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Daniel 2:5

Nagsimbag sainda an hade, “Nagdesisyon na ako na kaipuhan kamo an mag-osip sako kan pangatorogan ko dangan sabihan nindo ako kun ano an kahulogan kaiyan. Kun dai nindo magibo iyan, ipapapedaso ko kamo asin ipapagaba ko an saindong harong.

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”