Esdras 6:10 - Marahay na Bareta Biblia

¹⁰ tanganing makapagdolot sinda nin maninigong atang sa Dios nin langit asin ikapamibi ninda ako saka an sakong mga aki.

Esdras 6:10 ပူးပေါင်းရင်းမြစ်များ

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Esdras 6:9

An ano man na kaipuhan kan mga padi sa Jerusalem—mga torilyong baka, mga kordero, mga karnero para sa tinutong na atang para sa Dios nin langit, o trigo, asin, arak saka lana nin oliba itao nanggad nindo sainda aroaldaw

Esdras 7:23

Gibohon nindo an anoman na ipagboot kan Dios nin langit para sa saiyang Templo, tanganing dai siya maanggot sako asin sa sakong mga aking lalaki.

Exodo 12:32

Daraha nindo an saindong mga karnero, mga kanding, sagkod mga baka dangan humale na kamo. Ipamibi man nindo na mabendisyonan ako.”

Jeremias 29:7

Magtrabaho kamo para sa karahayan kan mga syudad na pinadumanan ko saindo bilang mga bihag. Mamibi kamo sako para sainda, huli ta kun mag-uswag sinda, magigin mauswag man kamo.

Daniel 2:46

Dangan nagluhod sa daga si Hadeng Nebukadnezzar asin nagboot na mag-atang nin mga sakripisyo saka mga dolot ki Daniel.

Levitico 1:13

Huhugasan kan kagdolot an bituka asin an nasa hurihan na mga bitis kan hayop, dangan idodolot kan padi an bilog na atang; tututongon niya iyan gabos sa altar. An parong kaiyan nawiwilihan nin Kagurangnan.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

Efeso 5:2

Maglakaw kamo sa pagkamoot, siring na si Cristo namoot sato. Idinusay niya an saiyang buhay para sato, bilang mahamot na dolot asin sakripisyo sa Dios.