Esdras 5:8 - Marahay na Bareta Biblia

⁸ “Mahal na Emperador, kaipuhan na maaraman mo na nagduman kami sa probinsya nin Juda asin nahiling mi an hinihirahay na Templo kan dakulang Dios. Dakulang mga gapo saka kahoy an ginagamit sa pagtugdok asin padagos an maigot saka marahay na pagtrabaho.

Esdras 5:8 ပူးပေါင်းရင်းမြစ်များ

Esdras 2:1

Dakul sa mga nabihag ni Hadeng Nebukadnezzar na dinara sa Babilonia an nagbaralik sa Jerusalem asin sa Juda hale sa probinsya nin Babilon; an lambang saro nagpuli sa sadiri niyang banwa.

Esdras 5:7

“Para ki Emperador Dario, mamayo ka logod na matoninong.

Esdras 5:9

“Hinapot nyamo an kamagurangan kun siisay an nagboot sainda na itugdok giraray saka taposon an Templo.

Esdras 6:10

tanganing makapagdolot sinda nin maninigong atang sa Dios nin langit asin ikapamibi ninda ako saka an sakong mga aki.

Esdras 6:4

An mga lanob gigibohon na igwa nin sarong raya nin kahoy sa lambang tolong taytay nin pinagpatong-patong na gapo. An gabos na gasto babayadan hale sa kayamanan kan hade.

Esdras 7:23

Gibohon nindo an anoman na ipagboot kan Dios nin langit para sa saiyang Templo, tanganing dai siya maanggot sako asin sa sakong mga aking lalaki.

Nehemias 11:3

An banwaan nin Israel, an mga padi, mga Levita, mga trabahador sa Templo asin an mga kapagarakian kan mga sorogoon ni Solomon nag-erok sa ibang mga banwa saka mga syudad sa sadiri nindang rogaring. Iyo ini an lista kan mga ginagalangan na mga namamanwaan sa probinsya nin Juda na nag-erok sa Jerusalem:

Nehemias 7:6

Dakul an mga itinapok na nagbalik sa Jerusalem asin sa Juda hale sa probinsya nin Babilon; an lambang saro nagbalik sa sadiri niyang banwa. An saindang mga pamilya haloy nang nag-erok sa Babilonia magpoon kan mabihag sinda ni Hadeng Nebukadnezzar.

Esther 1:1

Hale sa saiyang trono sa Susa, an pangenot na syudad nin Persia, naghade si Hadeng Jerjes magpoon sa India sagkod sa Etiopia; syento beynte y syete gabos na probinsya an sakop niya.

Esther 1:22

Pinadarahan niya nin surat an mga probinsya na sakop niya, an lambang probinsya sosog sa sadiring lengwahe asin paagi nin pagsurat, tanganing an lambang agom na lalaki iyo an magin kagurangnan kan sadiri niyang harong asin makapagtaram na may kapangyarihan.

Salmo 145:3

An Kagurangnan dakula asin maninigong omawon; daing sukol an saiyang kadakulaan.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 3:26

Kaya nagdolok sa harani kan pintoan kan nagkakalayong horno si Nebukadnezzar dangan nagkurahaw, “Sadrak! Mesak! Abednego! Mga sorogoon kan Kahorohalangkaweng Dios! Luwas kamo!” Kaya nagruluwas tolos an mga inapod.

Daniel 4:2

Pinagmarahay kong ipaaram an mga tanda saka ngangalasan na ipinahiling sako kan Kahorohalangkaweng Dios.

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Deuteronomio 10:17

Huli ta an Kagurangnan na saindong Dios iyo an Dios nin mga dios, an Kagurangnan nin mga kagurangnan, an dakula, an makakamhan asin maninigong katakotan na Dios. Dai siya nin inaapilan asin dai siya nag-aako nin mga suhol.

Deuteronomio 32:31

Naaaraman kan saindang mga kaiwal na maluya an saindang mga dios, bakong arog kakosog kan Dios nin Israel.