Esdras 5:2 - Marahay na Bareta Biblia

² Kan madangog sinda ni Zerubabel na aking lalaki ni Sealtiel dangan ni Josue na aking lalaki ni Jehozadak, pinonan kan mga ini an paghirahay kan Templo sa Jerusalem, asin tinabangan sinda kan mga propeta.

Esdras 5:2 ပူးပေါင်းရင်းမြစ်များ

Esdras 1:8

An mga kagamitan itinao ni Ciro ki Mitredat, an tesorero na nagbilang kan mga ini para ki Sesbazzar, an gobernador nin Juda.

Esdras 10:18

Ini an lista kan mga lalaki na igwa nin mga dayuhan na agom: Sa mga padi: Sa kamaganakan ni Josue asin kan saiyang mga tugang, an mga aking lalaki ni Johozadak: si Maaseias, si Eliezer, si Jarib, asin si Gedalias.

Esdras 3:2

Nagtindog si Josue na aking lalaki ni Jehozadak, kaiba an kapwa niya mga padi, si Zerubabel na aking lalaki ni Sealtiel, kaiba an saiyang mga kadugo, dangan itinugdok ninda giraray an altar nin Dios nin Israel, tanganing magdolot sinda duman nin mga tinutong na atang, sosog sa nasusurat sa Katogonan ni Moises, an sorogoon nin Dios.

Esdras 3:8

Kaya sa ikaduwang bulan kan ikaduwang taon, pakabalik ninda sa lugar kan Templo sa Jerusalem, an trabaho pinonan ni Zerubabel na aking lalaki ni Sealtiel, ni Josue na aking lalaki ni Jehozadak, kaiba an saindang mga tugang, an mga padi saka an mga Levita na nagbaralik sa Jerusalem hale sa pagkatapokan. An mga Levita na an edad beynteng taon paitaas, iyo an pinamahala kan trabahong paghirahay kan Templo nin Kagurangnan.

Esdras 6:14

Ipinadagos kan mga kamagurangan kan mga Judio an pagtugdok kan Templo; an saindang boot pinakosog kan mga propeta na si Hageo saka si Zacarias na aking lalaki ni Iddo. Hinaman ninda an Templo sosog sa ipinagboot kan Dios nin Israel, asin ni Ciro, ni Dario, saka ni Artajerjes, na mga emperador nin Persia.

Hageo 2:18

Ngunyan iyo an ikabeynte y kwatrong aldaw kan ikasiyam na bulan poon kan ibugtak an pundasyon kan Templo. Horophoropa nindo an mangyayari poon ngunyan.

Zacarias 4:14

Dangan nagsabi siya, “Iyo iyan an duwang lalaking pinili nin Dios asin linahidan tanganing maglingkod saiya, an Kagurangnan kan bilog na kinaban.”

Zacarias 4:4

Hinapot ko an anghel, “Ano an kahulogan kan mga bagay na ini, kagurangnan ko?”

Zacarias 6:11

Gumibo ka nin sarong korona hale sa itinao nindang plata saka bulawan, dangan ibugtak mo iyan sa payo kan Halangkaw na Padi na si Josue na aking lalaki ni Jehozadak.

Zacarias 8:9

“Magmakosog kamo! An parehong mga tataramon na itinaram kan mga propeta kan ibinubugtak an pundasyon para sa pagpatindog giraray kan sakong Templo, iyo an saindong nadadangog ngunyan.

2 Corinto 1:24

Dai kami nagdidikta saindo kun ano an dapat nindong tubodon, huli ta aram ming masarig an tindog nindo sa pagtubod. Kundi naglilingkod kami para sa saindo man sanang kaogmahan.