Esdras 4:9 - Marahay na Bareta Biblia

⁹ “Surat na hale ki Rehum na gobernador, ki Simsai na sekretaryo kan probinsya, hale man sa mga kairiba ninda, sa mga hukom saka sa iba pang mga opisyal na gikan sa Erek, sa Babilon, asin sa Susa sa daga nin Elam,

Esdras 4:9 ပူးပေါင်းရင်းမြစ်များ

Genesis 10:22

An mga aking lalaki ni Sem iyo si Elam, Assur, Arpaksad, Lud asin Aram.

2 Mga Hade 17:24

An emperador nin Asiria nagkua nin mga tawo hale sa mga syudad nin Babilon, Cut, Ivva, Hamat, saka Sefarvaim dangan pinaerok sinda sa mga syudad nin Samaria bilang kasalihid kan itinapok na mga Israelita. Kaya sinadiri ninda an Samaria saka nag-erok sinda sa mga syudad duman.

Esdras 4:8

Siring man si Rehum na gobernador saka si Simsai na sekretaryo kan probinsya nagsurat man ki Emperador Artajerjes manongod sa Jerusalem. Iyo ini an surat ninda:

Esdras 5:3

Nagduman tolos sa Jerusalem si Tattenai na gobernador kan probinsya sa ibong kan Salog nin Eufrates, si Setar-bozenai, asin an saindang mga kairiba dangan nagsabi, “Siisay an nagboot saindo na itugdok giraray asin taposon an Templong ini?”

Esdras 5:6

Iyo ini an inosip ninda sa emperador:

Esdras 6:6

Dangan ipinadara ni Emperador Dario an simbag na ini: “Para ki Tattenai na gobernador sa probinsya sa ibong kan Salog nin Eufrates, ki Setar-bozenai asin sa saindang kairibang mga opisyal sa probinsya sa ibong kan Salog nin Eufrates. “Magharayo kamo sa Templo,

Nehemias 4:2

Sa atubangan kan saiyang mga kairiba asin kan hukbo nin Samaria, nagsabi siya, “Ano an ginigibo kan mga maluluyang Judiong ini? Boot daw nindang patindogon giraray an syudad? Naghohona daw sinda na kun magdolot sinda nin sakripisyo, matatapos ninda an trabaho sa laog nin saro sanang aldaw? Makakagibo daw sinda nin mga gapo hale sa tambak nin sinulong ragpa?”

Esther 2:3

Pumili ka nin mga opisyal sa lambang probinsya kan imperyo asin pagbotan mo sinda na darahon an gabos na magagayon na hoben na birhen sa saimong harem digdi sa Susa, an pangenot na syudad. An mga babae ibugtak mo sa pangataman ni Hegai, an eunukong namamahala sa saimong mga babae, asin patawan mo sinda nin mga pampagayon na kaipuhan ninda.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Jeremias 49:34

Nagtaram sako an Kagurangnan manongod sa Elam, kan magpoon sa paghahade si Zedekias sa Juda.

Ezekiel 32:24

“Yaon duman an Elam, na napapalibotan kan mga lulubngan kan saiyang mga soldados. Gabos sinda nagadan sa gera, asin naglusad, sinda na bakong diosnon na mga tawo, sa kinaban kan mga gadan. Kan buhay pa sinda, tinakot ninda an daga kan mga nabubuhay, alagad ngunyan dara ninda sa lulubngan an kasosopgan kaiba kan mga nagkagaradan.

Daniel 8:2

Sa bisyon, nahiling ko an sakong sadiri sa laog kan kudal kan syudad nin Susa sa probinsya nin Elam. Nagtitindog ako sa tampi kan Salog nin Ulai,

Mga Gibo 2:9

Igwa digdi nin mga taga Partia, Media asin Elam; taga Mesopotamia, Judea, saka Capadocia; taga Ponto asin Asia,