Esdras 4:24 - Marahay na Bareta Biblia

²⁴ Naontok an trabaho sa Templo. Dai ini ipinadagos sagkod sa ikaduwang taon kan pamamayo ni Emperador Dario nin Persia.

Esdras 4:24 ပူးပေါင်းရင်းမြစ်များ

Esdras 3:8

Kaya sa ikaduwang bulan kan ikaduwang taon, pakabalik ninda sa lugar kan Templo sa Jerusalem, an trabaho pinonan ni Zerubabel na aking lalaki ni Sealtiel, ni Josue na aking lalaki ni Jehozadak, kaiba an saindang mga tugang, an mga padi saka an mga Levita na nagbaralik sa Jerusalem hale sa pagkatapokan. An mga Levita na an edad beynteng taon paitaas, iyo an pinamahala kan trabahong paghirahay kan Templo nin Kagurangnan.

Esdras 4:23

Kan an surat na ini ni Artajerjes mabasa ni Rehum, ni Simsai, asin kan mga kairiba kaini, nagduman tolos sinda sa Jerusalem asin pirit na pinaontok an mga Judio sa paghirahay kan syudad.

Esdras 4:5

Sinuholan man ninda an mga opisyal sa gobyerno nin Persia tanganing olangon an pagtrabaho kan mga Judio. Padagos ninda ining ginibo sa bilog na panahon kan pamamayo ni Ciro sa Persia, asin sagkod sa pamamayo sa Persia ni Emperador Dario.

Esdras 5:1

Kan panahon na iyan an mga propeta na si Hageo asin si Zacarias na aking lalaki ni Iddo, nagpropesiya sa mga Judio na nasa Juda saka Jerusalem sa ngaran kan Dios nin Israel na nakakasakop sainda.

Esdras 5:5

Alagad binantayan nin Dios an mga kamagurangan na Judio, kaya dai pinaontok kan mga taga Persia an mga nagtrabaho sagkod na dai sinda makapag-osip ki Emperador Dario dangan suratan sinda kaini.

Esdras 6:1

Kaya nagpaluwas si Emperador Dario nin pagboot na halungkaton an mga libro kan mga hade, sa Babilonia.

Esdras 6:14

Ipinadagos kan mga kamagurangan kan mga Judio an pagtugdok kan Templo; an saindang boot pinakosog kan mga propeta na si Hageo saka si Zacarias na aking lalaki ni Iddo. Hinaman ninda an Templo sosog sa ipinagboot kan Dios nin Israel, asin ni Ciro, ni Dario, saka ni Artajerjes, na mga emperador nin Persia.

Esdras 6:15

Natapos ninda an Templo kan ikatolong aldaw kan bulan nin Adar, kan ikaanom na taon kan pamamayo ni Emperador Dario.

Nehemias 6:3

May mga sinugo ako tanganing sabihan sinda, “Mahalaga an trabaho ko asin dai ako makakadiyan. Dai ko pwedeng ontokon an trabaho tangani sanang maghale asin makihampangan saindo.”

Nehemias 6:9

Boot sana ninda kaming takoton tanganing maontok an trabaho. Dangan namibi ako, “O Dios, pakosoga man ako!”

An Libro ni Job 20:5

na an kaogmahan kan maraot dai naghahaloy, asin an kaogmahan kan mga mayong Dios halipot?

Daniel 11:2

Ngunyan, sasabihon ko saimo an totoo.” Nagsabi an anghel, “Tolo pang hade an mamamayo sa Persia, na susunodon nin ikaapat na orog na magigin mayaman ki sa gabos sainda. Pag-abot kan panahon na orog na siyang mapangyari saka mayaman, aangaton niya an kahadean nin Grecia.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.

Hageo 1:1

Kan ikaduwang taon kan pagigin emperador sa Persia ni Dario, kan enot na aldaw kan ikaanom na bulan, nagtaram an Kagurangnan sa paagi ni propeta Hageo. An mensahe ipinapanongod niya sa gobernador nin Juda, ki Zerubabel na aking lalaki ni Sealtiel, asin para sa Halangkaw na Padi, ki Josue na aking lalaki ni Jehozadak.

Hageo 1:15

kan ikabeynte y kwatrong aldaw kan ikaanom na bulan kan ikaduwang taon kan pagigin emperador ni Dario.

Hageo 2:15

An Kagurangnan nagtataram, “Horophoropa an nangyari saindo. Bago nindo pinonan an paghirahay kan Templo,

Hageo 2:18

Ngunyan iyo an ikabeynte y kwatrong aldaw kan ikasiyam na bulan poon kan ibugtak an pundasyon kan Templo. Horophoropa nindo an mangyayari poon ngunyan.

Zacarias 1:1

Kan ikawalong bulan kan ikaduwang taon kan pagigin emperador ni Dario sa Persia, nag-abot an tataramon nin Kagurangnan ki Zacarias na aking lalaki ni Berekias asin makoapo ni Iddo.

1 Tesalonica 2:18

Boot ming magbalik saindo. Mala ta dakul na beses na akong nagplano, alagad danay man na inolang ni Satanas.