Esdras 4:20 - Marahay na Bareta Biblia

²⁰ Mapangyari an mga hade na namayo sa Jerusalem saka sa bilog na probinsya sa ibong kan Salog nin Eufrates, asin nagharagad sinda nin mga buhis.

Esdras 4:20 ပူးပေါင်းရင်းမြစ်များ

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

1 Mga Hade 4:24

Sakop ni Solomon an gabos na daga sa solnopan kan Salog nin Eufrates, magpoon sa Tifsa sagkod sa Gaza. Sakop man niya an mga hade sa solnopan kan Salog nin Eufrates; igwa nin katoninongan sa palibot ni Solomon.

1 Mga Hade 5:1

Kan madangog ni Hadeng Hiram nin Tiro na linahidan si Solomon bilang hade na kasalihid kan saiyang ama, nagpadara siya nin mga sugo ki Solomon, huli ta katood siya ni David.

1 Mga Hade 5:4

Alagad ngunyan tinawan ako nin Kagurangnan na sakong Dios nin katoninongan sa gabos kong pagdolonan. Mayo na ako nin kaiwal asin mayo nang paghandal na tibaad salakayon.

1 Mga Cronica 18:13

Nagpatindog siya nin mga kampo nin mga soldados sa Edom; nagin sorogoon ni David an mga tawo duman. Pinapanggana nin Kagurangnan si David saen man siya magduman.

1 Mga Cronica 18:3

Dangan dinaog ni David si Hadadezer na hade nin Zoba, sa lugar pasiring sa Hamat. Pasiring kaidto si Hadadezer sa teritoryo sa may Salog nin Eufrates huli ta boot niyang magtugdok digdi nin monumento.

1 Mga Cronica 18:6

Dangan nagpatindog si David nin mga kampo nin mga soldados sa Damasco; nagin sorogoon niya an mga Siro asin nagbuhis sinda saiya. Pinapanggana nin Kagurangnan si David saen man siya magduman.

1 Mga Cronica 19:19

Kan nahiling kan mga hadeng sakop ni Hadadezer na nadaog sinda kan mga Israelita, nakipagtoninong sinda ki David; kaya nasakop sinda kaini. Poon kaidto habo na nanggad tabangan kan mga Siro an mga Ammonita.

2 Mga Cronica 17:11

Nagkapirang mga Filisteo an nagdara ki Jehosafat nin dakulang halaga nin plata saka iba pang mga regalo. Dinarahan man siya kan mga Arab nin syete mil syete syentos na karnero saka syete mil syete syentos na kanding.

2 Mga Cronica 9:14

laen pa kan mga buhis na ibinabayad kan manlaen-laen na mga negosyante. An gabos na hade nin Arabia saka an mga gobernador sa daga nin Israel nagdara man nin mga bulawan asin plata ki Solomon.

Esdras 4:13

Mahal na emperador, kun mahirahay na an syudad na ini asin matapos na an kudal, dai na sinda mabayad nin buhis asin kadikit na sanang kwarta an makokolekta para sa emperador.

Esdras 4:16

Pinapaisi mi ika huli ta kun mahirahay na an syudad na ini asin matapos na an kudal, dai mo na masasadirihan an probinsya sa ibong kan Salog nin Eufrates.”

Esdras 4:19

Nagpaluwas ako nin pagboot na gibohon an pagsiyasat, asin naaraman mananggad na an syudad na ini nagrebelde poon pa kaidto sa mga hade asin dakul an mga rebelde saka mga paribok diyan.

Esdras 4:21

Kaya magpaluwas kamo nin pagboot tanganing ontokon an paghirahay kan syudad sagkod na dai ko ipinagboboot an pagtugdok kaiyan.

Esdras 7:24

Ipinapaisi ko man saindo na ipinapangalad an pagkolekta nin buhis sa mga padi, sa mga Levita, sa mga paratugtog sa Templo, sa mga bantay, sa mga sorogoon sa Templo, o sa kiisay man na sorogoon sa Templong ini nin Dios.

Salmo 72:8

Maghade logod siya poon sa dagat sagkod sa dagat, poon sa Eufrates sagkod sa mga poro kan daga.

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Ezekiel 19:11

Makokosog an mga sanga kaiyan asin nagin mga setro nin hade. An tinanom na ubas naghalangkaw sagkod sa mga panganoron; nahiling kan gabos na totoong halangkaw asin madahon.

Mateo 9:9

Kan si Jesus naglalakaw pakahale sa lugar na idto, nahiling niya an sarong parasingil nin buhis na an ngaran Mateo, nagtutukaw sa pinagsisingilan nin buhis. Inapod siya ni Jesus, “Sumunod ka sako.” Nagtindog si Mateo asin nagsunod ki Jesus.