Esdras 4:15 - Marahay na Bareta Biblia

¹⁵ tanganing ipasiyasat mo an mga talaan kan saimong mga ginikanan. Mahihiling mo na an syudad na ini danay na nagrebelde, asin maski kaidto nagin problema na ini kan mga hade saka mga pamayo nin mga probinsya, huli ta an mga tawo diyan dipisil na pamahalaan. Kaya rinumpag an syudad na ini.

Esdras 4:15 ပူးပေါင်းရင်းမြစ်များ

2 Mga Hade 24:20

An Kagurangnan naanggot sa mga taga Jerusalem saka sa mga taga Juda, kaya isinikwal niya sinda.

2 Mga Hade 25:4

nalagbas an mga kudal kan syudad. Maski napapalibotan kan mga taga Babilonia an syudad, nakadulag pagkabanggi an gabos na soldados ni Zedekias. Nag-agi sinda sa trangkahan na nasa tahaw nin duwang kudal, na harani sa tatamnan kan hade. Nagdulag sinda pasiring sa Araba.

Esdras 4:12

“Boot ming maaraman kan saimong kamahalan na an mga Judio na nag-abot digdi hale sa ibang lugar na sakop mo nag-erok na ngunyan sa Jerusalem. Hinihirahay ninda idtong maraot saka rebeldeng syudad. Pinonan na ninda an paghirahay kan kudal asin matatapos na ninda.

Esdras 4:14

Kaya nin huli ta may katongdan kami sa palasyo asin habo mi ikang mapasopog, sinasabihan mi ika

Esdras 4:16

Pinapaisi mi ika huli ta kun mahirahay na an syudad na ini asin matapos na an kudal, dai mo na masasadirihan an probinsya sa ibong kan Salog nin Eufrates.”

Nehemias 2:19

Kan madangog ini ni Sanballat kan Bet-horon, ni Tobias na opisyal kan Ammon asin ni Gesem na Arab, nginisihan ninda kami. Nagtutuyatuya sindang nagsabi, “Ano sa paghona nindo an saindong ginigibo? Marebelde kamo laban sa emperador?”

Nehemias 6:6

na iyo ini an laog: “Ipinag-oosip sa kataraed na nasyon asin sinasabi man ni Gesem na ika saka an mga Judio boot magrebelde, kaya hinihirahay nindo an kudal. Ibinareta man na boot mong magin hade, asin nagbugtak ka nin mga propeta na mapahayag sa Jerusalem na ika an hade nin Juda. Makakaabot an baretang ini sa emperador kaya magdigdi ka asin pag-olayan nyato an bagay na ini.”

Esther 2:23

Nagkaigwa nin pagsiyasat asin naaraman na totoo an bareta, kaya binitay an duwang eunuko. Dangan nagboot an hade na an pangyayaring ini isurat sa mga opisyal na talaan kan imperyo.