Esdras 4:12 - Marahay na Bareta Biblia

¹² “Boot ming maaraman kan saimong kamahalan na an mga Judio na nag-abot digdi hale sa ibang lugar na sakop mo nag-erok na ngunyan sa Jerusalem. Hinihirahay ninda idtong maraot saka rebeldeng syudad. Pinonan na ninda an paghirahay kan kudal asin matatapos na ninda.

Esdras 4:12 ပူးပေါင်းရင်းမြစ်များ

2 Mga Hade 18:20

Naghohona siya na an mga tataramon makakasalihid sa kakayahan asin kapangyarihan nin hukbo? Siisay an sinasarigan niya kaya nagrebelde siya sa emperador nin Asiria?

2 Mga Hade 24:1

Kan panahon kan paghahade ni Jehoiakim, sinalakay ni Hadeng Nebukadnezzar nin Babilonia an Juda. Tolong taon na nagin sakop ni Nebukadnezzar si Jehoiakim, dangan nagrebelde siya.

2 Mga Cronica 36:13

Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

Esdras 4:11

Iyo ini an laog kan surat: “Para ki Emperador Artajerjes, hale sa saiyang mga sorogoon sa Solnopan nin Eufrates, an samong pangongomusta.

Esdras 4:15

tanganing ipasiyasat mo an mga talaan kan saimong mga ginikanan. Mahihiling mo na an syudad na ini danay na nagrebelde, asin maski kaidto nagin problema na ini kan mga hade saka mga pamayo nin mga probinsya, huli ta an mga tawo diyan dipisil na pamahalaan. Kaya rinumpag an syudad na ini.

Esdras 4:19

Nagpaluwas ako nin pagboot na gibohon an pagsiyasat, asin naaraman mananggad na an syudad na ini nagrebelde poon pa kaidto sa mga hade asin dakul an mga rebelde saka mga paribok diyan.

Esdras 5:3

Nagduman tolos sa Jerusalem si Tattenai na gobernador kan probinsya sa ibong kan Salog nin Eufrates, si Setar-bozenai, asin an saindang mga kairiba dangan nagsabi, “Siisay an nagboot saindo na itugdok giraray asin taposon an Templong ini?”

Esdras 5:9

“Hinapot nyamo an kamagurangan kun siisay an nagboot sainda na itugdok giraray saka taposon an Templo.

Nehemias 1:3

Sinabihan ninda ako, “An mga natada sa probinsya na nakaligtas sa pagtapokan nasa dakulang kasakitan saka kasosopgan; narumpag an mga kudal nin Jerusalem asin an mga trangkahan kaini nasulo.”

Nehemias 6:6

na iyo ini an laog: “Ipinag-oosip sa kataraed na nasyon asin sinasabi man ni Gesem na ika saka an mga Judio boot magrebelde, kaya hinihirahay nindo an kudal. Ibinareta man na boot mong magin hade, asin nagbugtak ka nin mga propeta na mapahayag sa Jerusalem na ika an hade nin Juda. Makakaabot an baretang ini sa emperador kaya magdigdi ka asin pag-olayan nyato an bagay na ini.”

Esther 3:8

Dangan nagsabi si Haman ki Hadeng Jerjes, “Igwa nin sarong rasa nin mga tawo na nakawarak sa bilog mong imperyo asin manunumpongan sa lambang probinsya. May sinusunod sindang mga kaugalean na iba kan sa ibang tawo, asin dai ninda kinukuyog an saimong mga katogonan. Mayo sinda nin ibubungang marahay sa saimo kun pabayaan mo sinda.

Jeremias 52:3

An Kagurangnan naanggot sa Jerusalem saka sa Juda kaya isinikwal niya sinda. Nagrebelde si Zedekias ki Hadeng Nebukadnezzar nin Babilonia,

Daniel 3:8

Kan panahon na idto, isinumbong kan nagkapirang taga Babilonia an mga Judio.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.

Lukas 13:34

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki arog kan paglukob nin sarong gunakan sa saiyang mga siwo, alagad habo ka!

Mga Gibo 24:5

Naaraman mi na an tawong ini ginigikanan nin ribok. Pinaparibok niya an mga Judio saen man na lugar. Lider siya kan grupo nin mga Nazareno.

1 Tesalonica 5:22

Likayan nindo an gabos na maraot.