Esdras 3:2 - Marahay na Bareta Biblia

² Nagtindog si Josue na aking lalaki ni Jehozadak, kaiba an kapwa niya mga padi, si Zerubabel na aking lalaki ni Sealtiel, kaiba an saiyang mga kadugo, dangan itinugdok ninda giraray an altar nin Dios nin Israel, tanganing magdolot sinda duman nin mga tinutong na atang, sosog sa nasusurat sa Katogonan ni Moises, an sorogoon nin Dios.

Esdras 3:2 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

1 Mga Cronica 23:14

Alagad an mga aking lalaki ni Moises, an sorogoon nin Dios, ibinilang man sa tribu ni Levi.

1 Mga Cronica 3:17

An pitong aking lalaki ni Hadeng Jehoiakin na binihag kan mga taga Babilonia, iyo si Shalatiel,

1 Mga Cronica 3:19

Duwa an aking lalaki ni Pedaias: si Zerubabel asin si Simei. Duwa an aking lalaki ni Zerubabel: si Mesullam asin si Hananias; saro an aki niyang babae na iyo si Selomit.

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

Esdras 10:18

Ini an lista kan mga lalaki na igwa nin mga dayuhan na agom: Sa mga padi: Sa kamaganakan ni Josue asin kan saiyang mga tugang, an mga aking lalaki ni Johozadak: si Maaseias, si Eliezer, si Jarib, asin si Gedalias.

Esdras 10:20

Sa kamaganakan ni Immer: si Hanani saka si Zebadias.

Esdras 10:21

Sa kamaganakan ni Harim: si Maaseias, si Elias, Semaias, Jehiel, saka si Uzzias.

Esdras 10:22

Sa kamaganakan ni Pasur: si Elioenai, Maaseias, Ismael, Netanel, Jozabad, saka si Elasa.

Esdras 2:2

An mga lider ninda iyo si Zerubabel, Josue, Nehemias, Seraias, Reelaias, Mardokeo, Bilsan, Mispar, Bigvai, Rehum, saka Baana. Iyo ini an lista kan mga kamaganakan nin Israel, kaiba an bilang kan mga kaayon kan lambang kamaganakan na nagbalik hale sa pagkatapokan:

Esdras 3:8

Kaya sa ikaduwang bulan kan ikaduwang taon, pakabalik ninda sa lugar kan Templo sa Jerusalem, an trabaho pinonan ni Zerubabel na aking lalaki ni Sealtiel, ni Josue na aking lalaki ni Jehozadak, kaiba an saindang mga tugang, an mga padi saka an mga Levita na nagbaralik sa Jerusalem hale sa pagkatapokan. An mga Levita na an edad beynteng taon paitaas, iyo an pinamahala kan trabahong paghirahay kan Templo nin Kagurangnan.

Esdras 5:2

Kan madangog sinda ni Zerubabel na aking lalaki ni Sealtiel dangan ni Josue na aking lalaki ni Jehozadak, pinonan kan mga ini an paghirahay kan Templo sa Jerusalem, asin tinabangan sinda kan mga propeta.

Nehemias 12:1

Iyo ini an mga padi asin mga Levita na nagbalik hale sa pagtapokan kaiba ni Zerubabel, na aking lalaki ni Sealtiel saka ni Josue, na Halangkaw na Padi:

Nehemias 12:8

An mga Levita: An minasuronod iyo an namamahala kan pag-awit nin pasasalamat: si Jesua, Binnui, Kadmiel, Serebias, Juda, asin Matanias.

Salmo 78:68

kundi saiyang pinili an tribu ni Juda asin an Bukid nin Sion, na saiyang namomotan.

Exodo 27:1

“Gumibo kamo nin sarong altar na akasya. Kwadrado ini, na dos metros beynte sentimetros an laba asin an lakbang; an langkaw sarong metro may treynta sentimetros.

Hageo 1:1

Kan ikaduwang taon kan pagigin emperador sa Persia ni Dario, kan enot na aldaw kan ikaanom na bulan, nagtaram an Kagurangnan sa paagi ni propeta Hageo. An mensahe ipinapanongod niya sa gobernador nin Juda, ki Zerubabel na aking lalaki ni Sealtiel, asin para sa Halangkaw na Padi, ki Josue na aking lalaki ni Jehozadak.

Hageo 1:12

Dangan si Zerubabel asin si Josue patin an gabos na tawo na nagbalik hale sa pagkatapokan sa Babilonia nagkuyog kan tataramon nin Kagurangnan na saindang Dios. Natakot sinda asin sinunod si propeta Hageo, an sinugo nin Kagurangnan.

Hageo 1:14

Pinasabongan nin Kagurangnan an lambang saro na magtrabaho sa Templo: si Zerubabel na gobernador nin Juda; si Josue na Halangkaw na Padi, asin an gabos na tawong nagbalik hale sa pagkatapokan. Nagpoon sindang magtrabaho sa Templo kan Kagurangnan nin mga hukbo, na saindang Dios,

Hageo 2:21

para ki Zerubabel na gobernador nin Juda: “Tatanyogon ko na an kalangitan saka an kinaban;

Hageo 2:23

Sa aldaw na iyan, kukuahon taka, Zerubabel na sakuyang sorogoon, asin ibubugtak takang hade sa ngaran ko. Ika an napili ko.” An Kagurangnan nin mga hukbo an nagtaram.

Zacarias 3:1

Sa saro pang bisyon ipinahiling sako nin Kagurangnan an Halangkaw na Padi na si Josue na nagtitindog sa atubangan kan anghel nin Kagurangnan. Yaon sa kataed ni Josue si Satanas, na andam sa pagreklamo tumang ki Josue.

Zacarias 3:8

Kaya hinanyoga Josue, ika na Halangkaw na Padi; dangoga man nindo, kamong mga kapwa niya padi, kamo na iyo an tanda kan marahay na pangyayari sa maabot na aldaw: ipapahayag ko an sakong sorogoon, na inaapod An Sanga!

Zacarias 6:11

Gumibo ka nin sarong korona hale sa itinao nindang plata saka bulawan, dangan ibugtak mo iyan sa payo kan Halangkaw na Padi na si Josue na aking lalaki ni Jehozadak.

Mga Bilang 28:2

na tukdoan an mga Israelita na magdolot sa Dios sa talaan na panahon kan mga dolot na pagkakan na nakakawili sa saiya.

Lukas 3:27

na aki ni Joanan. Si Joanan aki ni Resa, na aki ni Zorobabel na aki ni Sealtiel, na aki ni Neri.

Hukom 6:24

Pakatapos kaini, nagtugdok nin altar si Gideon para sa Kagurangnan asin nginaranan niyang, “An Kagurangnan iyo an katoninongan.” (Sagkod ngunyan nagtitindog pa ini duman sa Ofra na sadiri kan pamilya ni Abiezer.)