Esdras 3:13 - Marahay na Bareta Biblia

¹³ Dai na maaraman kun arin an kurahaw nin kaogmahan asin kun arin an paghibi, huli ta makosog an ribok kan mga tawo, mala ta pwede ining madangog maski sa harayo.

Esdras 3:13 ပူးပေါင်းရင်းမြစ်များ

1 Mga Hade 1:40

Pakatapos, nagsurunod saiya pabalik an mga tawo. Nagkukururahaw sinda sa kaogmahan asin nagtuturugtog nin mga plawta, kaya natanyog an daga huli kan saindang ribok.

1 Mga Hade 1:45

dangan linahidan siya ni Zadok saka ni Natan duman sa burabod nin Gihon bilang hade. Inibahan ninda si Solomon pabalik sa syudad asin nagkukururahaw sa kaogmahan an mga tawo. Iyan an ribok na nadangog mo.

Esdras 3:12

Dakul na mga gurang na padi, mga Levita, asin mga pamayo nin kamaganakan an nakahiling kan enot na Templo, kaya naghibi sinda saka naghaya kan mahiling ninda an pagbugtak kan pundasyon kan Templo. Alagad an iba na yaon duman nagkurahaw sa kaogmahan.

Esdras 4:1

Kan madangog kan mga kaiwal nin Juda asin Benjamin na an Templo nin Kagurangnan, an Dios nin Israel hinihirahay kan mga hale sa pagkatapokan,

Nehemias 12:43

Kan aldaw na idto, nagdolot sinda nin mga sakripisyo asin nag-ogma huli ta tinawan sinda nin Dios nin labi-labing kaogmahan. Nag-ogma man an mga babae asin an mga aki. An ribok kan saindang pag-ogma nadangog maski sa harayong lugar.

Salmo 5:11

Alagad mag-ogma logod an mga minapasurog saimo; danay na mag-awit sa kaogmahan. Suroga sinda na mga namomoot saimo, tanganing mag-ogma sinda sa saimo.

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Jeremias 50:4

Nagsasabi an Kagurangnan, “Pag-abot kan panahon na iyan, naghihibing maabot an mga taga Israel saka mga taga Juda, sa paghanap sako, na saindang Dios.

Zacarias 4:7

Magin arog man sa bukid kadakula an olang sa atubangan mo, mawawara iyan. Ika an mapatindog giraray kan Templo, asin mantang ipinapamugtak mo an huring gapo, makurahaw an mga tawo nin, ‘Magayon, magayon!’”

Hukom 2:5

An lugar na idto nginaranan Bokhim. Nagdolot sinda duman nin mga tinutong na atang sa Kagurangnan.

1 Samuel 4:5

Kan mag-abot sa kampo an Kaban nin Tipan, nagkurahaw sa kaogmahan an mga Israelita, kaya natanyog an daga.