Esdras 3:11 - Marahay na Bareta Biblia

¹¹ Nagpasirimbagan sinda sa pag-awit nin pag-omaw asin pasasalamat sa Kagurangnan: “An Kagurangnan marahayon, asin an saiyang pagkamoot para sa Israel nagdadanay sagkod pa man.” An gabos na tawo nagkurahaw nin makosog sa pag-omaw sa Kagurangnan, huli ta namugtak na an pundasyon kan Templo.

Esdras 3:11 ပူးပေါင်းရင်းမြစ်များ

1 Mga Cronica 16:34

Magpasalamat kamo sa Kagurangnan, huli ta siya marahayon; huli ta an danay niyang pagkamoot mayo nin kasagkoran.

1 Mga Cronica 16:41

Magigin kaiba ninda si Heman, si Jedutun saka an iba pang tawo na piniling magpasalamat sa Kagurangnan huli ta an saiyang pagkamoot dai nin kataposan.

2 Mga Cronica 7:3

Kan mahiling kan bilog na Israel an kalayo na naghilig hale sa langit asin an kamurawayan nin Kagurangnan na nakapano sa Templo, nagdapa sinda, nagsamba saka nagpasalamat sa Kagurangnan, huli kan saiyang pagkamarahayon asin pagkamoot na daing kataposan.

Nehemias 12:24

Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.

Nehemias 12:40

Kaya an duwang grupo nagsabatan sa atubangan kan Templo. Laen pa kan mga opisyal na nag-iba sako,

Salmo 100:5

Marahayon an Kagurangnan; an saiyang pagkamoot daing kasagkoran, an saiyang pagkamaimbod magdadanay sagkod pa man.

Salmo 103:17

Alagad an danay na pagkamoot nin Kagurangnan sagkod lamang para sa mga tawong may pagkatakot saiya; an saiyang katanosan magdadanay sa gabos na henerasyon;

Salmo 106:1

Omawon an Kagurangnan! Magpasalamat kamo sa Kagurangnan, huli ta siya marahayon; huli ta an danay niyang pagkamoot mayo nin kasagkoran!

Salmo 107:1

“Magpasalamat kamo sa Kagurangnan, huli ta siya marahayon; huli ta an saiyang pagkamoot mayo nin kasagkoran!”

Salmo 118:1

Magpasalamat kamo sa Kagurangnan, huli ta siya marahayon; an danay niyang pagkamoot mayo nin kasagkoran!

Salmo 131:1

Kagurangnan, pinabayaan ko an sakong kapalangkawan asin tinalikodan ko na an kapaabaw-abawan. Dai na ako nakikiaram sa darakulang mga bagay asin sa mga makangangalas para sako.

Salmo 135:3

Omawon an Kagurangnan, huli ta siya marahayon; mag-awit nin mga pag-omaw sa saiyang ngaran, huli ta siya maugayon.

Salmo 47:1

Gabos na banwaan, magparakpak kamo sa kaogmahan! Ikurahaw nindo sa Dios mga awit nin kaogmahan!

Salmo 47:5

An Dios suminakat kaiba an kinurahaw, an Kagurangnan kaiba an tanog nin trompeta.

Exodo 15:21

Kinantahan sinda ni Miriam: “Mag-awit kamo sa Kagurangnan huli ta saiyang nakamtan mamurawayon na kapangganahan. Mga kabayo asin mga lunad man, itinapok niya sa kadagatan.”

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Hageo 2:3

“Siisay sa saindo an nakahiling kan dating kagayonan kan Templong ini? Ano an paghiling nindo kaini ngunyan? Bako daw na mas marahay kun mayo na sana?

Zacarias 4:7

Magin arog man sa bukid kadakula an olang sa atubangan mo, mawawara iyan. Ika an mapatindog giraray kan Templo, asin mantang ipinapamugtak mo an huring gapo, makurahaw an mga tawo nin, ‘Magayon, magayon!’”

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Lukas 1:50

An saiyang pagkaherak yaon sa may pagkatakot saiya, sa gabos na henerasyon.

Josue 6:10

Alagad pinagbotan ni Josue an saiyang mga soldados na dai magkurahaw asin dai magtaram sagkod na dai niya ipinagboboot.

Josue 6:16

Sa ikapitong paglibot, kan papatanogon na kan mga padi an saindang mga trompeta, pinagbotan ni Josue an saiyang mga soldados, “Magkurahaw kamo, huli ta itinao na saindo nin Kagurangnan an bilog na syudad!

Josue 6:5

Dangan mapatanog sinda nin sarong halawig na tanog. Pagkadangog nindo kaiyan, makurahaw kamo gabos, asin marurumpag an gabos na kudal kan syudad. Dangan malaog sa syudad an bilog na hukbo.”