Esdras 3:1 - Marahay na Bareta Biblia

¹ Kan ikapitong bulan, an mga Israelita napamugtak na sa saindang mga banwa. Dangan nagtiripon sinda gabos sa Jerusalem.

Esdras 3:1 ပူးပေါင်းရင်းမြစ်များ

Nehemias 7:73

An mga padi, an mga Levita, an mga bantay sa Templo, an mga paratugtog, an mga trabahador sa Templo—an bilog na banwaan nin Israel—nag-erok sa mga banwa asin sa mga syudad nin Juda.

Nehemias 8:1

Kan ikapitong bulan, an banwaan nin Israel napamugtak na sa saindang mga banwa. Kan enot na aldaw kan bulan na idto, nagtiripon sinda gabos sa Jerusalem, duman sa atubangan kan Trangkahan nin Tubig. Sinabihan kan mga tawo si Esdras, na sarong padi asin paratukdo kan Katogonan, na darahon an Libro kan Katogonan na itinao nin Kagurangnan sa Israel huli ki Moises.

Nehemias 8:14

Naaraman ninda na an Katogonan, na itinao nin Kagurangnan sa paagi ni Moises, nagboot na an banwaan nin Israel dapat mag-erok sa mga harong-harong sa laog kan Pyesta nin mga Harong-harong.

Levitico 16:29

An mga minasunod iyo an ootobon nindo sa gabos na panahon. Sa ikasampolong aldaw kan ikapitong bulan, an mga Israelita saka an mga dayuhan na nag-eerok sa kaibahan ninda kaipuhan na mag-ayuno asin dai magtrabaho.

Levitico 23:24

“Sabihan mo an banwaan nin Israel na sa enot na aldaw kan ikapitong bulan, gigibohon an sarong aldaw nin solemning pahingalo, sarong pagiromdom na ipapahayag sa paagi kan tanog kan mga trompeta, sarong aldaw nin pagtiripon. Magtiripon kamo sa pagsamba kun madangog na nindo an tanog kan mga trompeta.

Sofonias 3:9

“Dangan babagohon ko an mga namamanwaan kan mga nasyon, asin sako sana sinda mamimibi asin bako sa ibang mga dios. Gabos sinda makuyog sako.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

Mga Gibo 4:32

An gabos na paratubod nagkasararo sa isip asin sa puso. Mayo nin nagsabi na an sadiri niya saiya sana, kundi an gabos na bagay sadiri kan gabos.

1 Corinto 1:10

Sa ngaran ni Jesu-Cristo na satong Kagurangnan, nakikimaherak ako saindo, mga tugang, na magkaoroyon kamo nganing dai kamo magkabaranga; magkasararo kamo sa isip saka sa katuyohan.

Deuteronomio 16:16

“Tolong beses sa taon, matiripon sa atubang nin Kagurangnan an gabos na lalaki sa saindong nasyon duman sa lugar na pagsasambahan: sa Pyesta kan Paskwa, sa Pyesta nin Pag-ani, asin sa Pyesta nin mga Harong-harong. An lambang saro kaipuhan magdara nin regalo

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.