Esdras 2:63 - Marahay na Bareta Biblia

⁶³ Sinabihan sinda kan gobernador na Judio na dai sinda pwedeng magkakan kan idinolot sa Dios sagkod na mayo nin padi na pwedeng maggamit kan Urim asin Tummim.

Esdras 2:63 ပူးပေါင်းရင်းမြစ်များ

Esdras 2:64

An kabilogan na bilang kan mga itinapok uminabot sa kwarenta y dos mil, tres syentos sesenta.

Nehemias 10:1

An enot na nagpirma iyo an gobernador na si Nehemias, na aking lalaki ni Hacalias, asin an sunod na nagpirma si Zedekias. Nagpirma man an mga minasunod:

Nehemias 10:2

An mga padi: Seraias, Azarias, Jeremias, Pasur, Amarias, Malkias, Hattus, Sebanias, Malluc, Harim, Meremot, Obadias, Daniel, Ginneton, Baruc, Mesullam, Abias, Mijamin, Maazias, Bilgai, asin Semaias.

Nehemias 7:65

Sinabihan sinda kan gobernador na dai sinda pwedeng magkakan kan dolot sa Dios sagkod na mayo nin padi na tataong maggamit kan Urim asin Tummim.

Nehemias 8:9

Kan madangog kan mga tawo an hinahagad kan Katogonan, natanyog an saindang boot asin huminibi sinda. Kaya sinabihan sinda ni Nehemias, na iyo an gobernador, ni Esdras na padi saka paratukdo kan Katogonan, asin kan mga Levita na nagtukdo sa mga tawo, “An aldaw na ini banal sa Kagurangnan na saindong Dios, kaya dai kamo magmondo o maghibi.

Exodo 28:30

Ilaog nindo sa pantahob sa daghan an Urim asin Tummim tanganing mamugtak sa daghan ni Aaron kun minadolok siya sa atubangan ko. Kaya danay na isusulot ni Aaron an pantahob sa daghan tanganing maaraman niya an sakong kabotan para sa banwaan nin Israel.

Levitico 2:10

An tada kan idinolot mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 2:3

An tada kan idinolot na pagkakan mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 22:10

“An mga kaayon sana kan pamilya kan padi an pwedeng kumakan kan mga banal na dolot. Dai pwedeng kumakan kaiyan maski an dayuhan na nag-eerok sa harong kan padi o an saiyang tinandanan na sorogoon.

Levitico 22:13

Alagad kun an aking babae kan padi nabalo o sinuhayan kan saiyang agom asin dai nag-aki, dangan buminalik sa harong nin saiyang ama arog kan daraga pa siya, pwede siyang kumakan kan pagkakan kan saiyang ama. An kaayon sana kan pamilya kan padi an pwedeng kumakan kaini.

Levitico 6:29

An lambang lalaki sa pamilya kan mga padi pwedeng kumakan kan dolot na iyan; iyan orog kabanal.

Levitico 7:16

Alagad kun an dolot para sa katoninongan idolot niya bilang pag-otob nin sarong panuga o bilang sarong boluntad na dolot, dai kaipuhan na uboson iyan sa laog kan aldaw na idinolot iyan; an matada pwedeng kakanon sa masunod na aldaw.

Levitico 8:8

Sunod niyang isinulot saiya an pantahob sa daghan dangan ibinugtak niya duman an Urim asin Tummim.

Mga Bilang 18:19

“Itinatao ko saimo, sa saimong mga aking lalaki, asin sa saimong mga aking babae sa gabos na panahon an gabos na espesyal na regalo na idodolot sako kan mga Israelita. Ini sarong daing kataposan na pakikipagtipan ko saimo saka sa saimong kapagarakian.”

Mga Bilang 18:32

Dai kamo magkakasala sa pagkakan kan natada kun ikinadolot na nindo an pinakamarahay. Alagad dai nanggad nindo pagbasang-basangon an mga sagradong dolot kan mga Israelita huli sa pagkakan kan arin man kaiyan bago nindo idinolot an pinakamarahay na kabtang; kun gibohon nindo iyan, magagadan kamo.”

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Deuteronomio 33:8

Nagsabi si Moises manongod ki Levi: “Ipinapahayag mo ki Levi an saimong kabotan sa paagi kan Urim asin Tummim. Binalo mo siya duman sa Massa; saiyang kaimbodan nahiling mo sa katubigan nin Meriba.

1 Samuel 28:6

kaya naghapot sa Kagurangnan kun ano an dapat niyang gibohon. Alagad dai siya sinimbag nin Kagurangnan, maski sa paagi nin pangatorogan o sa Urim saka Tummim o sa mga propeta.