Esdras 2:1 - Marahay na Bareta Biblia

¹ Dakul sa mga nabihag ni Hadeng Nebukadnezzar na dinara sa Babilonia an nagbaralik sa Jerusalem asin sa Juda hale sa probinsya nin Babilon; an lambang saro nagpuli sa sadiri niyang banwa.

Esdras 2:1 ပူးပေါင်းရင်းမြစ်များ

2 Mga Hade 25:11

Binihag ni Nebuzaradan an mga tawong nawalat sa syudad, an natatadang ekspertong mga trabahador, asin an mga nag-apil sa hade nin Babilonia.

1 Mga Cronica 9:1

Nakalista an gabos na mga taga Israel sosog sa saindang mga pamilya, asin ini nakatala sa An Libro kan mga Hade nin Israel. Itinapok sa Babilon an mga taga Juda bilang padusa kan saindang kasalan.

1 Mga Cronica 9:2

An enot na nagbaralik sa saindang pagsadiri duman sa mga syudad iyo an mga ordinaryong Israelita, an mga padi, an mga Levita asin an mga sorogoon sa Templo.

Esdras 1:11

An bilang kan mga kagamitan na ini nag-abot sa singko mil kwatro syentos; an mga ini iyo an dinara ni Sesbazzar kan maghale siya sa Babilon kaiba an mga itinapok dangan nagbalik sa Jerusalem.

Esdras 2:2

An mga lider ninda iyo si Zerubabel, Josue, Nehemias, Seraias, Reelaias, Mardokeo, Bilsan, Mispar, Bigvai, Rehum, saka Baana. Iyo ini an lista kan mga kamaganakan nin Israel, kaiba an bilang kan mga kaayon kan lambang kamaganakan na nagbalik hale sa pagkatapokan:

Esdras 2:70

An mga padi, an mga Levita, asin an nagkapira sa mga tawo, duman nag-erok sa Jerusalem asin sa mga lugar na kataed kaini. An mga parakanta, an mga bantay sa Templo, asin an mga trabahador sa Templo nag-erok sa mga hararaning banwa; an iba pang mga Israelita duman nag-erok sa mga lugar na pinag-erokan kan saindang mga ginikanan.

Esdras 5:8

“Mahal na Emperador, kaipuhan na maaraman mo na nagduman kami sa probinsya nin Juda asin nahiling mi an hinihirahay na Templo kan dakulang Dios. Dakulang mga gapo saka kahoy an ginagamit sa pagtugdok asin padagos an maigot saka marahay na pagtrabaho.

Esdras 6:2

Sarong kasuratan an nakua sa syudad nin Ecbatana, sa probinsya nin Media; ini an laog kan nasambit na kasuratan:

Esdras 8:35

Kan panahon na idto, an gabos na nagbalik hale sa pagkatapokan nagdara nin mga tinutong na atang para sa Kagurangnan, an Dios nin Israel. Nagdolot sinda nin doseng torong baka para sa bilog na Israel, nubenta y seis na karnero asin setenta y syeteng kordero; nagdolot man sinda nin doseng kanding bilang dolot para sa kasalan. Ini gabos tinutong bilang mga sakripisyo para sa Kagurangnan.

Nehemias 12:1

Iyo ini an mga padi asin mga Levita na nagbalik hale sa pagtapokan kaiba ni Zerubabel, na aking lalaki ni Sealtiel saka ni Josue, na Halangkaw na Padi:

Esther 1:1

Hale sa saiyang trono sa Susa, an pangenot na syudad nin Persia, naghade si Hadeng Jerjes magpoon sa India sagkod sa Etiopia; syento beynte y syete gabos na probinsya an sakop niya.

Esther 1:11

Pinagbotan niya sinda na kuahon si Reyna Vasti, na sulot an saiyang korona. Magayon na babae an reyna, asin boot kan hade na ipahiling an kagayonan kaini sa mga opisyal asin sa gabos niyang mga bisita.

Esther 1:3

Kan ikatolong taon nin saiyang paghahade, nagbangkete siya para sa gabos niyang opisyal saka mga administrador, para sa mga hukbo nin Persia saka Media, asin para sa mga gobernador saka mga ginagalangan na tawo kan mga probinsya.

Esther 1:8

An pag-inom mayo nin limitasyon huli ta nagboot an hade sa mga sorogoon sa palasyo na tawan siya asin an saiyang mga bisita nin arak sagkod na boot ninda.

Esther 8:9

Kan ikabeynte y tres na aldaw kan ikatolong bulan, an bulan nin Sivan, ipinaapod an mga sekretaryo kan hade. Sinurat ninda an gabos na pagboot ni Mardokeo para sa mga Judio, sa mga gobernador, mga administrador, asin para sa mga opisyal kan syento beynte y syeteng probinsya na minapoon sa India sagkod sa Etiopia. An pagboot na ini sinurat sosog sa paagi nin pagsurat kan lambang probinsya asin sosog sa lengwahe kan lambang tawo. An surat sa mga Judio sosog man sa sadiri nindang paagi nin pagsurat saka lengwahe.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Jeremias 50:19

Ibabalik ko sa sadiri nindang daga an Israel. Kakakanon ninda an kakanon na nagtatalubo sa Bukid nin Carmelo saka sa rehiyon nin Basan. Kakakanon ninda an gabos na magustohan ninda sa mga tinanom na nagtatalubo sa mga teritoryo nin Efraim saka sa Gilead.

Mga Panambitan 1:3

An mga taga Juda nagin makaheherak na mga oripon, na pirit na pinahale sa saindang harong. Nag-eerok sinda ngunyan sa mga dagang dayuhan, mayong nakukuang mapapahingaloan. Napapalibotan siya nin mga kaiwal mantang nasa makuring kasakitan.

Mga Panambitan 1:5

Mga kaiwal an nagsakop saiya, nagin mauswag an mga kalaban niya; pinasakitan siya nin Kagurangnan huli kan dakul niyang mga kasalan. Nagharale an saiyang kaakian, binihag kan mga kaiwal.

Mga Panambitan 4:22

An Sion nagbayad na kan saiyang kasalan; hahaleon na kami nin Kagurangnan sa pagkatapokan. Alagad, O Edom, papadusahan ka nin Kagurangnan; ihahayag niya an saimong mga kasalan.

Sofonias 2:7

An mga natatadang namamanwaan nin Juda iyo an mag-eerok sa saindong daga. Papasabsabon ninda duman an saindang mga karnero asin makatorog sinda sa mga harong sa Askelon. Iibahan sinda kan Kagurangnan na saindang Dios, asin papauswagon giraray niya sinda.

Mga Gibo 23:34

Pakabasaha kan surat, hinapot kan gobernador si Pablo kun taga saen siya. Kan maaraman niya na si Pablo taga Cilicia,