Esdras 10:14 - Marahay na Bareta Biblia

¹⁴ Kaya an mga opisyal na sana nyamo an mamahala kaini. Dangan an siisay man na igwa nin dayuhan na agom kaipuhan na magdigdi sa talaan na panahon, kaiba an mga lider asin an mga hukom kan saiyang syudad. Sa paaging ini, mahahale sato an kaanggotan nin Dios huli sa bagay na satong naginibo.”

Esdras 10:14 ပူးပေါင်းရင်းမြစ်များ

2 Mga Hade 23:26

Alagad dai nahale an makuring kaanggotan kan Kagurangnan laban sa Juda huli kan ginibo ni Hadeng Manases.

2 Mga Cronica 28:11

Dangoga nindo ako, papulia nindo an mga binihag nindong mga kadugo tanganing dai kamo padusahan nin Kagurangnan sa saiyang kaanggotan.”

2 Mga Cronica 29:10

Nasa puso ko ngunyan an pakipagtipan sa Kagurangnan, an Dios nin Israel, tanganing dai na siya maanggot satuya.

2 Mga Cronica 30:8

Dai kamo magmatagas nin payo arog sainda, kundi magkuyog kamo saiya. Magdalaw kamo sa Templo sa Jerusalem, na sagkod pa man pinabanal nin Kagurangnan na saindong Dios, asin magsamba kamo saiya tanganing dai na siya maanggot saindo.

Esdras 10:13

Alagad dakula an katiriponan na ini asin makosog an uran; dai kami makakatagal sa mayong lindong na lugar na ini. An trabahong ini dai magigibo sa laog sana nin saro o duwang aldaw huli ta dakul sa samo an nagkasala sa bagay na ini.

Esdras 10:15

Mayo nin nagsalungat sa kaisipan na ini kundi si Jonatan na aking lalaki ni Asahel saka si Jazeias na aking lalaki ni Tikva, na inoyonan man ni Mesullam saka ni Sabbetai, na sarong Levita.

Salmo 78:38

Alagad maheherakon an Dios sa saiyang banwaan. Pinatawad niya an saindang kasalan asin dai niya sinda ginadan. Dakul na beses niyang pinugolan an saiyang kaanggotan, asin dai niya pinukaw an saiyang labi-labing kaanggotan.

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Mga Bilang 25:4

Nagtaram siya ki Moises, “Tiponon mo an gabos na lider nin Israel dangan bilang pagkuyog sako, bitayon mo sinda sa atubang kan mga tawo, asin dai na ako maaanggot sa mga tawo.”

Deuteronomio 13:17

Dai kamo magtago nin ano man na pinagkondenar na raoton, tanganing dai maanggot kundi maherak saindo an Kagurangnan. Maheherak siya saindo asin papadakulon niya kamo siring sa panuga niya sa saindong mga ginikanan,

Deuteronomio 17:9

Idolok nindo an kaso sa mga pading Levita asin sa hukom na namamahala sa panahon na iyan, dangan sinda an mahukom sa kaso.

Josue 7:26

dangan tinambonan nin gapo. Yaon pa ngunyan an dakulang tambak nin gapo. Kaya sagkod ngunyan, an lugar inapod Kapantayan nin Acor. Dangan nahale an kaanggotan nin Kagurangnan.