Esdras 1:2 - Marahay na Bareta Biblia

² “Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Esdras 1:2 ပူးပေါင်းရင်းမြစ်များ

1 Mga Hade 8:27

“Alagad pwede daw na mag-erok sa daga an Dios? Kun an pinakahalangkaw na kalangitan dai ngani nagkakanigo saimo, gurano pa daw an Templong ini na sakuyang ipinatugdok?

2 Mga Cronica 2:12

Pag-omawon an Kagurangnan Dios nin Israel, kaggibo kan langit asin daga! Tinawan niya si Hadeng David nin sarong madonong na aki, na igwa nin pakasabot asin pakaaram, na ngunyan mapatugdok nin sarong templo para sa Kagurangnan patin sarong palasyo para saiya.

Esdras 1:5

Dangan an mga pamayo kan kamaganakan ni Juda asin ni Benjamin, an mga padi saka mga Levita, asin an lambang saro na an puso hiniro nin Dios, nag-andam sa pagbalik sa Jerusalem asin sa paghirahay kan Templo nin Kagurangnan duman.

Esdras 3:7

Binayadan kan mga tawo an mga kantero saka mga karpintero, asin nagtao sinda nin kakanon, inomon, saka lana na ipapadara sa mga taga Sidon asin Tiro bilang karibay kan mga kahoy na sedro hale sa Lebanon, na dadarahon sa paagi nin dagat pasiring sa Jope. Ini gabos ginibo huli sa pagtugot na itinao ni Ciro na emperador nin Persia.

Esdras 4:3

Sinimbag sinda ni Zerubabel, ni Josue, asin kan mga pamayo kan mga kamaganakan, “Dai mi kamo kaipuhan sa pagtugdok kan Templo nin Kagurangnan na samuyang Dios. Kami sana an matugdok kaiyan siring sa pagboot samo ni Ciro na emperador nin Persia.”

Esdras 5:15

Sinabihan ni Emperador Ciro si Sesbazzar na kuahon an mga kagamitan asin ibalik sa Templo sa Jerusalem, dangan patindogon giraray an Templo sa dating namumugtakan kaidto.

Esdras 6:10

tanganing makapagdolot sinda nin maninigong atang sa Dios nin langit asin ikapamibi ninda ako saka an sakong mga aki.

Esdras 6:3

“Kan enot na taon kan pamamayo ni Emperador Ciro, nagpaluwas siya nin sarong pagboot na itugdok giraray an Templo sa Jerusalem, an lugar para sa mga sakripisyo saka mga tinutong na atang. An sukol kan Templo kaipuhan beynte y syete metros an langkaw asin beynte y syete metros an lakbang.

Esdras 7:12

“Hale ki Emperador Artajerjes, para ki Esdras na padi asin paratukdo kan katogonan kan Dios nin langit.

Nehemias 1:4

Pakadangog ko kaini, nagtukaw ako asin naghibi. Nagkapirang aldaw akong nagmondo saka nag-ayuno. Nagpamibi ako sa Dios,

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

Salmo 136:26

Magpasalamat kamo sa Dios nin langit; an saiyang pagkamoot mayo nin kataposan.

Salmo 85:2

Pinatawad mo an kasombikalan kan saimong banwaan; pinatawad mo an gabos nindang kasalan.

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Isaias 41:2

“Siisay an nagdara kan parasakop hale sa sirangan, asin nagtataong kapangganahan saiya saen man siya magduman? Siisay an nagtatao saiya nin kapangganahan laban sa mga hade saka sa mga nasyon? Sa wasiwas kan saiyang espada, nagkakawararak sindang garo alpog, asin huli kan saiyang mga bosog, nagkakawararak sindang arog sa dagaming ipinapalid kan doros.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Isaias 44:28

Sinasabihan ko si Ciro, ‘Ika an maghahade para sa sako; gigibohon mo an boot kong ipagibo saimo: ipagboboot mong pakarhayon an Jerusalem asin ibugtak an pundasyon kan Templo.

Isaias 45:1

Pinili nin Kagurangnan si Ciro na magin hade. Pinili niya ini nganing sakopon an mga nasyon; sinusugo niya siya tanganing halean nin kapangyarihan an mga hade; bubukasan nin Kagurangnan an mga trangkahan nin mga syudad para saiya. Sinasabihan nin Kagurangnan si Ciro,

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Jeremias 10:11

Sabihan nindo sinda na raraoton an mga dios-dios na bakong kaggibo kan daga saka langit. Mapapara sinda sa daga.)

Jeremias 27:5

“Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Jeremias 29:10

“Nagtataram an Kagurangnan, ‘Pakatapos kan setentang taon sa Babilonia, dadalawon ko kamo. Ootobon ko an sakong panuga na ibalik kamo sa lugar na ini.

Daniel 1:21

Padagos na naglingkod si Daniel sa palasyo sagkod na an Babilonia nasakop ni Ciro na emperador nin Persia.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 2:28

Alagad igwa nin sarong Dios sa langit na nagpapahayag kan mga misteryo. Ipinaaram niya sa saimo an mangyayari sa maabot na panahon. Ngunyan sasabihon ko saimo an pangatorogan, an bisyon na nahiling mo mantang nagkakatorog ka.

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Daniel 6:25

Dangan nagsurat si Hadeng Dario sa mga banwaan sa gabos na nasyon, rasa, asin lengwahe sa daga: “An katoninongan mapasaindo!

Jonas 1:9

Nagsimbag si Jonas, “Hebreyo ako. Nagsasamba ako sa Kagurangnan, an Dios nin langit, an naglalang kan daga asin kan dagat.”