Efeso 6:6 - Marahay na Bareta Biblia

⁶ Arog kaiyan an gibohon nindo bako sana kun pinagbabantayan kamo ninda tanganing maoyonan kamo, kundi maglingkod kamo nin tudok sa puso bilang mga sorogoon ni Cristo, asin nagsusunod kan kabotan nin Dios.

Efeso 6:6 ပူးပေါင်းရင်းမြစ်များ

Jeremias 24:7

Itatao ko sainda an pusong mag-aako na ako iyo an Kagurangnan. Dangan magigin banwaan ko sinda, asin ako an magigin Dios ninda, huli ta mabalik sinda sako sa bilog nindang puso.

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Mateo 12:50

Huli ta an siisay man na nag-ootob kan kabotan kan sakong Ama sa langit, iyo an sakong mga tugang asin an sakong ina.”

Mateo 7:21

“Bako an gabos na nag-aapod sako, ‘Kagurangnan, Kagurangnan,’ makakalaog sa Kahadean nin langit, kundi an mga naggigibo kan kabotan nin sakong Ama na nasa langit.

Markos 3:35

Huli ta an siisay man na nagkukuyog kan kabotan nin Dios iyo an sakong tugang na lalaki, tugang na babae asin an sakong ina.”

Roma 6:17

Totoo na kamo mga oripon kaidto kan kasalan, alagad salamat sa Dios ta ngunyan nagkukuyog na kamo nin tudok sa puso kan mga katukdoan na inako nindo.

1 Corinto 7:22

Huli ta an tawo na sarong oripon kan apodon nin Kagurangnan, saro nang talingkas na tawo sa Kagurangnan; siring man, an tawong talingkas kan siya apodon, oripon na ni Cristo.

Galacia 1:10

Nangangahulogan daw iyan na hinahanap ko an omaw nin mga tawo? Bako nanggad! An talagang boot ko, Dios an mag-omaw sako. Kun nagmamawot akong omawon nin mga tawo, dai kutana ako nagin sorogoon ni Cristo.

Efeso 5:17

Dai kamo magin lolong, kundi hingowahon nindong masabotan kun ano an kabotan nin Kagurangnan saindo.

Filipos 2:12

Kaya, namomotan kong mga tugang, kun kaidtong kaiba nindo ako, danay nindo akong kinukuyog, orog nang magkuyog kamo sako ngunyan na harayo ako saindo. Magtrabaho kamo na may pagkatakot saka pagtakig sagkod na makamtan nindo an saindong kaligtasan,

Colosas 1:9

Poon kan maaraman mi iyan, danay mi kamong ipinapamibi. Hinahagad mi sa Dios na masabotan nindo nin marahay an saiyang kabotan, sa paagi kan bilog na kadonongan saka pakasabot na itinatao kan Espiritu.

Colosas 4:12

Kinokomusta kamo ni Epafras, na saro pang kaayon kan grupo nindo, asin sorogoon ni Cristo Jesus. Danay niyang ipinapamibi nin maigot na kamo magin masarig, mayo nin pagduwa-duwa sa pagtubod asin andam na magkuyog sa kabotan nin Dios.

1 Tesalonica 2:4

Kundi dayaday ming itinataram an boot nin Dios na ipahayag mi huli ta pinapagkanigo niyang ipaniwala samo an Marahay na Bareta. Naghihingowa kaming mawilihan bako nin mga tawo kundi nin Dios na nagbabalo kan satong mga puso.

1 Tesalonica 4:3

Kabotan nin Dios na kamo magin banal; na dai nanggad kamo makidorog sa bakong agom.

Hebreyo 10:36

Kaipuhan na magin matinios kamo tanganing magibo nindo an kabotan nin Dios; asin maako nindo an saiyang mga panuga.

Hebreyo 13:21

Itao logod saindo kan Dios nin katoninongan an gabos na marahay na bagay tanganing magibo nindo an saiyang kabotan; huli ki Jesu-Cristo, gibohon logod niya sato an makakapaogma saiya. Pag-omawon si Cristo sagkod pa man! Amen.

1 Pedro 2:15

Huli ta boot nin Dios na maggibo kamo nin marahay tanganing maontok an kamangmangan kan mga tawong lolong.

1 Pedro 4:2

Poon ngunyan gamiton nindo an natatada pang panahon sa buhay na ini sosog sa kabotan nin Dios, bakong sosog sa mga kamawotan nin laman.

1 Juan 2:17

An kinaban saka an karigsokan kaiyan napapara; alagad an nag-ootob kan kabotan nin Dios magdadanay sagkod pa man.