Efeso 6:4 - Marahay na Bareta Biblia

⁴ Mga magurang, dai nindo pagpaanggoton an saindong mga aki, kundi padakulaon nindo sa Cristianong disiplina asin katukdoan.

Efeso 6:4 ပူးပေါင်းရင်းမြစ်များ

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

1 Mga Cronica 29:19

Itao mo ki Solomon na sakuyang aki an tudok sa puso na pagmawot na maotob an saimong mga togon saka mga pagboot, asin na ikapatugdok niya an Templo, na inandaman ko kan mga bagay na ini.”

Mga Talinhaga 19:18

Disiplinahon mo an saimong aki mantang igwa pa nin panahon. Kun dai mo iyan gibohon, ika an nagtatabang saiya sa pagraot kan saiyang sadiri.

Mga Talinhaga 22:15

Natural sa aki an pagigin pilyo alagad sa paagi kan hampak makakanood siyang maggibo nin marahay.

Mga Talinhaga 22:6

Tukdoan mo an aki kun paano siya mamuhay, asin dai niya iyan malilingawan sa bilog niyang buhay.

Mga Talinhaga 29:15

An pagsaway asin pagdisiplina marahay para sa aki. Alagad kun siya pabayaan sa saiyang kamawotan, ikakasopog siya kan saiyang ina.

Mga Talinhaga 29:17

Disiplinahon mo an saimong aki, asin tatawan ka niya nin kapahingaloan. An saimong puso tatawan niya nin kaogmahan.

Isaias 38:19

An nabubuhay iyo an nag-oomaw saimo, siring na inoomaw taka ngunyan. An mga ama an nag-oosip sa saindang kaakian kun gurano ka kaimbod.

Efeso 6:3

tanganing mapakarahay kamo asin maghalawig an saindong buhay sa daga.”

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,

Deuteronomio 6:7

Itukdo nindo ini sa saindong mga aki. Ulit-uliton nindo sainda kun kamo nagtutukaw sa harong, kun naglalakaw sa dalan, kun nagpapahingalo saka kun kamo nagtatrabaho.

Colosas 3:21

Mga magurang, dai nindo pagpaanggoton an saindong mga aki, ta tibaad magluya an saindang boot.

2 Timoteo 1:5

Nagigiromdoman ko an tunay mong pagtubod, siring kan pagtubod kan saimong lola na si Loida asin kan saimong ina na si Eunice. Naniniwala ako na igwa ka man kan siring na pagtubod.

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

Hukom 13:12

Nagsabi si Manoa, “Kun mangyari an sinabi mo, paano mamumuhay an aki? Ano an gigibohon niya?”