Efeso 6:21 - Marahay na Bareta Biblia

²¹ Si Tiquico, na satong namomotan na tugang asin maimbod na sorogoon nin Kagurangnan, iyo an mabareta saindo kan gabos dapit sako, tanganing maaraman nindo kun ano an sakong kamugtakan asin kun ano man an sakong ginigibo.

Efeso 6:21 ပူးပေါင်းရင်းမြစ်များ

Mga Gibo 20:4

Nag-iba saiya si Sopater na taga Berea, aki ni Pirro; nag-iba man si Aristarco asin si Segundo na mga taga Tesalonica; si Gayo na taga Derbe; si Timoteo; si Tiquico asin si Trofimo na mga taga Asia.

1 Corinto 4:17

Kaya sinusugo ko diyan saindo si Timoteo, an sakong namomotan asin maimbod na aki sa Kagurangnan. Ipapagiromdom niya saindo an sakong pamumuhay ki Cristo, siring sa ipinagtutukdo ko sa gabos na simbahan saen man na lugar.

Filipos 1:12

Mga tugang, boot kong maaraman nindo na an nangyari sako nakatabang nanggad sa paglakop kan Marahay na Bareta.

Colosas 1:7

Nanodan nindo ini ki Epafras, an namomotan ming kapwa trabahador asin maimbod na sorogoon ni Cristo na naglilingkod sa ngaran nyamo.

1 Timoteo 4:6

Kun itukdo mo an mga katukdoan na ini sa mga tugang, magigin marahay kang sorogoon ni Cristo Jesus, mantang ika man napapakosog sa mga tataramon kan pagtubod asin kan marahay na doktrina na saimong sinunod.

2 Timoteo 4:12

Sinugo ko si Tiquico sa Efeso.

Tito 3:12

Susugoon ko si Artemas o si Tiquico diyan saimo. Pag-abot niya, hingowahon mong magduman ka sako sa Nicopolis, huli ta duman ako maerok ngunyan na tiglipot.

Filemon 1:16

bako bilang sarong oripon kundi orog pa ki sa oripon—bilang namomotan na tugang ki Cristo. Mahalaga siya sako! Orog siyang magigin mahalaga saimo bilang oripon asin bilang tugang sa Kagurangnan!

1 Pedro 5:12

Nagsurat ako saindo kaining halipot na surat sa tabang ni Silas na ibinibilang kong maimbod na tugang. Boot kong pakosogon an saindong boot asin magpatotoo na iyo ini an tunay na biyaya nin Dios. Magdanay kamo sa biyayang ini.

2 Pedro 3:15

Giromdoma nindo na an pagkamatinios nin Kagurangnan sarong oportunidad na itinatao saindo nganing makaligtas kamo, siring kan isinurat saindo ni Pablo na satong namomotan na tugang, sosog sa kadonongan na itinao saiya nin Dios.