Efeso 6:2 - Marahay na Bareta Biblia

² Ini an enot na togon na may panuga: “Galangan nindo an saindong ama asin ina,

Efeso 6:2 ပူးပေါင်းရင်းမြစ်များ

Exodo 20:12

“Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

Mga Talinhaga 20:20

An magmaldisyon sa magurang, matatapos an buhay na garo pinalsok na ilawan sa kadikloman.

Jeremias 35:18

Dangan sinabihan ko an mga Recabita na an Kagurangnan nin mga hukbo, an Dios nin Israel, nagtaram, “Kinuyog nindo an pagboot na itinao saindo kan ginikanan nindong si Jonadab; sinunod nindo an gabos niyang katukdoan, saka ginibo nindo an gabos na ipinagboot niya saindo.

Jeremias 35:7

Sinabihan man niya kami na dai magtugdok nin mga harong, mag-oma asin dai magtanom sa ubasan o magbakal kaini. Pinagbotan niya kami na danay kaming mag-erok sa mga tolda, tanganing magpadagos kami sa pag-erok sa dagang ini saen nag-eerok kami arog sa mga dayuhan.

Ezekiel 22:7

Mayo nin siisay man sa syudad na minagalang sa saiyang mga magurang. Dinadaya nindo an mga dayuhan asin inaabuso an mga babaeng balo saka mga ilo.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Roma 13:7

Kaya bayadan an dapat bayadan, magtao kan buhis na personal asin kan buhis para sa mga rogaring. Galangan an dapat galangan; omawon an dapat omawon.

Efeso 6:3

tanganing mapakarahay kamo asin maghalawig an saindong buhay sa daga.”

Deuteronomio 27:16

“‘Maldisyonon an siisay man na dai maggalang sa saiyang ama saka ina.’ “Dangan an bilog na banwaan masimbag, ‘Amen!’

Deuteronomio 5:16

“‘Galangan nindo an saindong ama asin ina, siring na ako, an Kagurangnan na saindong Dios, an nagboboot sa saindo, tanganing maghalawig an saindong buhay asin mapakarahay kamo duman sa daga na itinatao ko saindo.

1 Timoteo 5:4

Kun an babaeng balo igwa nin mga aki o mga makoapo, sinda ngona an dapat mag-otob kan saindang katongdan sa sadiri nindang pamilya. Sa siring na paagi makakabalos sinda sa saindang mga magurang asin mga apo, huli ta ini an nakakapaogma sa Dios.