Efeso 6:18 - Marahay na Bareta Biblia

¹⁸ Dayaday kamong mamibi asin maghagad nin tabang sa Dios sa paagi kan Espiritu Santo. Huli kaini danay kamong magbantay; mamibi kamo para sa mga banal.

Efeso 6:18 ပူးပေါင်းရင်းမြစ်များ

1 Mga Hade 8:52

“Kagurangnan Dios, danay logod na mawilihan mo an banwaan nin Israel asin an saindang hade; hinanyoga an saindang pamibi kun minaapod sinda saimo tanganing magpatabang.

1 Mga Hade 8:54

Nakaluhod si Solomon sa atubangan kan altar asin nakaitaas an saiyang mga kamot mantang namimibi. Kan matapos an saiyang pamibi,

1 Mga Hade 8:59

An pamibi asin mga kahagadan kong ini magiromdoman logod nin Kagurangnan na satong Dios aldaw-banggi. Danay logod siyang maherak sa banwaan nin Israel asin sa saindang hade, sosog sa saindang pangangaipo sa aroaldaw,

1 Mga Hade 9:3

Nagtaram saiya an Kagurangnan, “Nadangog ko an saimong pamibi asin pakimaherak na ginibo mo sa sakong atubang. Kinokonsagra ko an Templong ini na itinugdok mo, bilang lugar na pagsasambahan sako sagkod lamang; babantayan asin aatamanon ko an Templo sa gabos na panahon.

Esther 4:8

Tinawan siya ni Mardokeo nin sarong kopya kan dekreto na pinaluwas sa Susa para sa paggadan kan mga Judio, tanganing ipahiling ki Esther. Pinakiolayan siya ni Mardokeo na ipaliwanag ki Esther an manongod sa dekreto, asin makiolay ini sa hade saka makimaherak para sa saiyang banwaan.

An Libro ni Job 27:10

Mag-oogma daw sinda sa Makakamhan? Mag-aapod daw sinda sa Dios sa gabos na panahon?

Salmo 4:1

Simbaga ako kun ako mag-apod, O Dios, sakuyang katanosan! Tinabangan mo ako kan ako nasa kasakitan. Kaheraki ako ngunyan asin dangoga an sakong pamibi.

Salmo 6:9

Dinadangog nin Kagurangnan an sakong pakimaherak; an sakong pamibi saiyang sinisimbag.

Isaias 26:16

Pinadusahan mo an saimong banwaan, Kagurangnan, asin namibi sinda saimo sa kahorasaan.

Daniel 6:10

Kan maaraman ni Daniel na pinirmahan na an pagboot, nagpuli siya sa saiyang harong. Sa sarong kwarto sa itaas kan saiyang harong, igwa nin mga bintana na nakaatubang sa Jerusalem. Duman, sosog sa dati niyang ginigibo, nagluhod siya sa may mga bukas na bintana asin namibi sa Dios tolong beses sa sarong aldaw.

Daniel 9:20

Nagpadagos ako sa pagpamibi, sa pagkumpisal kan sakong kasalan saka kan kasalan kan banwaan nin Israel asin sa pakimaherak sa Kagurangnan na sakong Dios na hirahayon an saiyang banal na Templo.

Oseas 12:4

nakilaban siya sa sarong anghel asin nanggana siya. Naghibi siya dangan nakimaherak na bendisyonan. Sa Betel, dinolok nin Dios an satong ginikanan na si Jacob asin nakiolay saiya.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Mateo 17:21

Alagad an demonyong arog kaini napapaluwas sana sa paagi nin pamibi asin pag-ayuno.)”

Mateo 26:41

Magpuka kamo asin mamibi tanganing dai kamo madaog nin sogot. Andam kutana an espiritu alagad an hawak maluya.”

Markos 13:33

Magpuka kamo, mag-andam, ta dai nindo aram kun nuarin maabot an oras na iyan.

Markos 14:38

Magpuka kamo asin mamibi, tanganing dai kamo madaog nin sogot. Andam kutana an espiritu, alagad an hawak maluya.”

Lukas 21:36

Kaya magpuka kamo sa gabos na oras; danay kamong mamibi na magkaigwa kamo nin kosog tanganing makaligtas kamo sa gabos na mangyayaring iyan, dangan makaatubang kamo sa Aki nin Tawo.”

Lukas 22:46

Nagsabi siya sainda, “Tadaw ta nagtotorog kamo? Magbangon kamo asin mamibi tanganing dai kamo madaog nin sogot.”

Lukas 3:26

na aki ni Maat, na aki ni Matatias. Si Matatias aki ni Semei, na aki ni Jose. Si Jose aki ni Juda,

Lukas 3:37

na aki ni Metusalen. Si Metusalen aki ni Enoc na aki ni Jared, na aki ni Mahalaleel, na aki ni Kenan.

Mga Gibo 1:14

Nagdanay sinda na sararo sa pagpamibi kaiba an mga babae, asin si Maria na ina ni Jesus, sagkod an mga tugang na lalaki ni Jesus.

Mga Gibo 10:2

Maki-Dios an kapitan na ini. Siya saka an bilog niyang pamilya nagsasamba sa Dios. Naglilimos siya nin dakul sa mga dukhang Judio, asin danay na namimibi sa Dios.

Mga Gibo 12:5

Kaya pinabantayan si Pedro sa bilanggoan. Alagad ipinamibi siyang maigot sa Dios kan mga kaayon kan simbahan.

Mga Gibo 6:4

tanganing an bilog nyamong panahon magamit mi sa pagpamibi saka sa paghulit kan tataramon.”

Roma 12:12

Mag-ogma kamo sa saindong paglaom; magmatinios kamo sa kasakitan. Danay kamong mamibi.

Roma 8:15

Huli ta dai nindo inako an espiritu nin kaoripnan tanganing matakot giraray kamo, kundi inako nindo an espiritu nin pagigin aki nin Dios, dangan sa paagi kan kapangyarihan kan Espiritu nin Dios, makakaapod kita saiya, “Ama, Ama ko!”

Galacia 4:6

Asin huli ta kamo mga aki niya, sinugo niya an Espiritu kan saiyang Aki sa puso nyato; iyan an minapakurahaw sato nin “Ama! Ama ko!”

Efeso 1:16

dai ako nag-ontok nin pagpasalamat sa Dios para saindo. Ginigiromdom ko kamo sa sakong mga pamibi;

Efeso 2:22

Huli man kan saindong pakisumaro ki Cristo, kaiba man kamo nindang nagin kabtang kan erokan nin Dios sa saiyang Espiritu.

Efeso 3:18

tanganing kaiba an gabos na banal, mamidbid nindo an kahiwasan, kahalabaan, kahalangkawan asin kahararoman kan pagkamoot ni Cristo.

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Efeso 6:19

Ipamibi man nindo ako na itao sako nin Dios an mensahe sa sakong pagtaram, tanganing ikabalangibog ko na mayong takot an misteryo kan Marahay na Bareta.

Filipos 1:4

Kun ipinapamibi ko kamo, maogma an pagpamibi ko,

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.

Colosas 1:3

Danay kaming nagpapasalamat sa Dios na Ama kan satong Kagurangnan na Jesu-Cristo, kun namimibi kami para saindo,

Colosas 1:4

huli ta nabaretaan mi an saindong pagtubod ki Cristo Jesus, saka an saindong pagkamoot sa gabos na banal.

Colosas 4:2

Magdanay kamo sa pagpamibi. Magpuka kamo sa pagpamibi na may pasasalamat.

1 Tesalonica 5:17

Mamibi kamo sa gabos na oras,

1 Timoteo 2:1

Kaya enot sa gabos, nagsasadol ako na an mga paghagad, mga pamibi, mga pakimaherak, saka mga pasalamat kaipuhan idolot para sa gabos na tawo,

2 Timoteo 1:3

Nagpapasalamat ako sa Dios, na sakong pinaglilingkodan sa malinig na konsyensya, siring kan paglingkod kan sakong mga ginikanan, mantang ginigiromdom taka sa danay kong pagpamibi.

Filemon 1:5

huli ta nababaretaan ko an dapit sa pagkamoot mo sa gabos na banal asin kan pagtubod mo ki Jesus na Kagurangnan.

Hebreyo 5:7

Kan nabubuhay pa si Jesus digdi sa kinaban, namibi siya sa makosog na tingog, nagtatangis asin nag-aagrangay sa Dios, na iyo an makakaligtas saiya sa kagadanan. Dinangog siya nin Dios huli ta siya mapakumbaba asin maimbod.

1 Pedro 4:7

Harani na an kataposan kan gabos na bagay. Kaya dapat magkaigwa kamo nin malinaw na isip asin pagpupugol sa sadiri, tanganing makapamibi kamo.

Judas 1:20

Alagad kamo, mga namomotan, magmasarig kamo sa saindong orog kabanal na pagtubod. Mamibi kamo sa paagi kan kapangyarihan kan Espiritu Santo,

1 Samuel 1:12

Mantang namimibi si Hanna sa Kagurangnan, pinagmamasdan ni Eli an saiyang ngoso.