Efeso 6:17 - Marahay na Bareta Biblia

¹⁷ Ikalo nindo an kaligtasan bilang helmet, saka kapotan an tataramon nin Dios bilang espada na itinatao saindo kan Espiritu.

Efeso 6:17 ပူးပေါင်းရင်းမြစ်များ

2 Samuel 22:36

Kagurangnan, itinao mo sako an kalasag nin saimong kaligtasan; asin pinangagin dakula kan saimong tabang.

Isaias 49:2

Ginibo niyang matarom siring sa espada an sakong mga tataramon. Sa lindong kan saiyang kamot iningatan niya ako. Ginibo niya ako siring sa sarong bosog, na mapanas asin andam na gamiton.

Isaias 59:17

Isusulot niya an hustisya siring sa sarong gubing na panggera asin an kapangganahan siring sa sarong helmet. Isusulot niya an gubing nin pagbalos tanganing tanoson an gabos na bagay asin tanganing baloson an mga karatan na tinitios kan mga tawo.

Oseas 6:5

Iyan an dahelan kun tadaw ta sinugo ko an sakong mga propeta sa saindo dara an sakong mensahe nin paghukom saka pagrumpag. Maliwanag asin malinaw an mawot ko saindo:

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Mateo 4:4

Alagad nagsimbag si Jesus, “Nasusurat, ‘Bakong sa tinapay sana nabubuhay an tawo, kundi sa lambang tataramon na minagikan sa ngoso nin Dios.’”

Mateo 4:7

Nagsimbag si Jesus, “Nasusurat man, ‘Dai mo pagsugotan an Kagurangnan mong Dios.’”

Efeso 5:26

nganing mapabanal iyan, pakalinigi niya kaiyan sa paagi kan tubig saka kan tataramon.

1 Tesalonica 5:8

Alagad kita na mga aki nin liwanag dapat na malinaw an isip. Dapat na isulot ta an pagtubod saka an pagkamoot bilang pantahob sa daghan, saka an paglaom nin kaligtasan bilang helmet.

Hebreyo 4:12

An tataramon nin Dios buhay saka mapangyari, mas matarom ki kan arin man na espada na doble an tarom. Minalagbas iyan sa sugponan kan kalag saka espiritu, sa sugponan kan ngalongaloan saka hutok nin tolang. Naaaraman kaiyan an kaisipan asin kamawotan nin tawo.

Hebreyo 6:5

Nakanamit sinda kan karahayan kan tataramon nin Dios, asin namatean ninda an mga kapangyarihan kan madatong na panahon.

Kapahayagan 1:16

May kapot siyang pitong bitoon sa too niyang kamot, dangan sa saiyang ngoso may nagluwas na sarong espadang doble an tarom. An saiyang lalawogon nagkikintab arog kan liwanag nin aldaw kun odto.

Kapahayagan 12:11

Dinaog siya kan satong mga tugang huli kan dugo kan Kordero asin huli kan katotoohan kan saindang pagsaksi; dai sinda natakot na mawaraan nin buhay—andam sindang magadan.

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.

Kapahayagan 2:16

Kaya magbakle kamo! Ta kun dai, madiyan tolos ako dangan lalabanan ko an mga tawong iyan kan espada nin sakong ngoso.

1 Samuel 17:5

sulot niya an sarong bronseng helmet asin bronseng pantahob sa hawak na an gabat singkwenta y syete kilos.

1 Samuel 17:58

Hinapot siya ni Saul, “Hoben, kiisay kang aki?” “Aki ako kan saimong oripon na si Jesse na taga Betlehem,” an simbag ni David.