Efeso 6:12 - Marahay na Bareta Biblia

¹² Bakong mga tawo an satong kaiwal, kundi an mga prinsipado, mga kapangyarihan, mga kagsakop kan kadikloman ngunyan sa kinaban, mga hukbo nin mga maraot na espiritu sa kalangitan.

Efeso 6:12 ပူးပေါင်းရင်းမြစ်များ

An Libro ni Job 2:2

Hinapot siya nin Kagurangnan, “Saen ka nagparaduman?” Nagsimbag si Satanas, “Nagparalakaw ako sa bilog na kinaban; maski saen ako nakaduman.”

Mateo 16:17

“Paladan ka, Simon, aki ni Juan! Huli ta bakong tawo an nagpasabot saimo kan katotoohan na ini kundi an sakong Ama sa langit,” an sabi ni Jesus.

Markos 4:19

alagad pinopoot ini kan mga kahaditan sa buhay na ini, pagkamoot sa kayamanan asin kan kamawotan sa manlaen-laen na bagay. Kaya dai nagbubunga.

Lukas 13:24

“Maghingowa kamong makalaog sa hayakpit na pintoan; huli ta sinasabihan ko kamo na dakul an maghihingowang maglaog diyan alagad dai makakalaog.

Lukas 22:53

Aroaldaw yaon ako sa Templo kaiba nindo, alagad dai nindo ako dinakop. Alagad oras ini nindo asin kan kapangyarihan nin kadikloman.”

Juan 12:31

Panahon na nganing hukoman an kinaban. Ngunyan isisikwal na an kagsakop kaining kinaban.

Juan 14:30

Dai na ako magtataram nin haloy saindo, huli ta maabot na an kagsakop kaining kinaban. Mayo siyang kapangyarihan sako,

Juan 16:11

sa paghukom, huli ta hinukoman na an kagsakop kaining kinaban.

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Roma 8:38

Huli ta ako minatubod na maski an kagadanan, an buhay, an mga anghel, an mga prinsipado, an mga uya na, an mga maabot pa, an mga kapangyarihan,

1 Corinto 15:50

Ini an boot kong sabihon, mga tugang: an hale sa laman saka sa dugo dai magmamana kan Kahadean nin Dios; an malalapaon dai magmamana kan bakong malalapaon.

2 Corinto 11:14

Dai ini dapat ipagngalas! Maski si Satanas nakakapagsagin-sagin man tanganing mahiling siya na garo anghel nin kaliwanagan!

2 Corinto 4:4

Dai sinda minatubod huli ta binuta an saindang mga isip kan dios kaining kinaban, tanganing dai ninda mahiling an liwanag kan Marahay na Bareta dapit sa kamurawayan ni Cristo na iyo an kabaing nin Dios.

Galacia 1:16

ipahayag sako an saiyang Aki, tanganing ikapaghulit ko an Marahay na Bareta dapit ki Cristo sa mga pagano, dai ako nakihumatol sa kiisay man na tawo,

Efeso 1:21

Sakop duman ni Cristo an gabos na langitnon na paghahade, awtoridad, kapangyarihan, asin mga pamamayo; an ngaran niya mas halangkaw ki sa gabos na ngaran, bako sanang sa panahon na ini kundi sa maabot pa.

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Efeso 2:2

An sinunod nindo kaidto iyo an maraot na gawe kan kinaban na ini; sinunod nindo an prinsipe kan kapangyarihan sa kahiwasan, an espiritu na nagsasakop kan mga aking masombikal sa Dios.

Efeso 3:10

tanganing ikapahayag sa paagi kan simbahan, an daing kasagkoran na kadonongan nin Dios ngunyan sa manlaen-laen na paagi, sa mga prinsipado asin sa mga kapangyarihan sa kalangitan.

Colosas 1:13

Ilinigtas niya kita sa kapangyarihan kan kadikloman saka dinara sa kahadean kan saiyang namomotan na Aki,

Colosas 2:15

Sa pagkagadan ni Cristo sa krus, dinaog niya an mga prinsipado saka mga kapangyarihan. Ipinarada niya sinda sa publiko na garo mga bilanggo bilang patotoo na dinaog niya sinda.

2 Timoteo 2:5

Siring man, an parakawat dai nagkakamit nin premyo kun dai siya magkuyog kan mga pagsusundon sa karawat.

Hebreyo 12:1

Kaya huli ta napapalibotan kita nin kadakul na saksi, haleon ta na an gabos na bagay na nakakaolang, saka an kasalan na nakakapurupot sato, dangan padagos tang dalaganon na daing ontok an ipinapadalagan sato.

Hebreyo 12:4

Huli ta sa saindong pakilaban sa kasalan, dai pa kamo nakilaban sagkod na bumulos an saindong dugo.

1 Pedro 3:22

Nagsakat siya sa langit asin yaon sa too nin Dios; sakop niya an gabos na anghel, langitnon na mga awtoridad saka mga kapangyarihan.