Efeso 6:10 - Marahay na Bareta Biblia

¹⁰ Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.

Efeso 6:10 ပူးပေါင်းရင်းမြစ်များ

1 Mga Cronica 28:10

Saboton mo nanggad na pinili ka nin Kagurangnan tanganing magtugdok kan saiyang banal na Templo; pagmakosog asin gibohon mo iyan.”

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

2 Mga Cronica 15:7

Alagad magmaisog kamo! Hare nindo pagpaluyaha an saindong boot huli ta babalosan an gabos nindong gibo.”

Salmo 138:3

Kan mag-agrangay ako saimo, nagsimbag ka; huli kan saimong kosog, pinakosog mo ako.

Isaias 40:28

Dai nindo aram? Dai nindo nadangog? An Kagurangnan iyo an mayong kataposan na Dios; linalang niya an bilog na kinaban. Dai siya napapagal o nanluluya. Mayo nin siisay man na nakakasabot kan saiyang kaisipan.

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Hageo 2:4

Alagad dai kamo manluya. Magtrabaho kamo huli ta kaibahan nindo ako.

Zacarias 8:13

Mga taga Juda asin mga taga Israel, kaidto, kun igwa nin boot na maldisyonon an mga dayuhan minasabi sindang, ‘Umabot man logod saimo an parehong maldisyon na uminabot sa Juda asin sa Israel!’ Alagad ililigtas ko kamo, dangan masabi an mga dayuhan na idto, ‘Akoon mo logod an parehong bendisyon na uminabot sa Juda asin sa Israel!’ Kaya magmaisog kamo asin dai kamo matakot.”

Zacarias 8:9

“Magmakosog kamo! An parehong mga tataramon na itinaram kan mga propeta kan ibinubugtak an pundasyon para sa pagpatindog giraray kan sakong Templo, iyo an saindong nadadangog ngunyan.

1 Corinto 16:13

Magpuka kamo asin magdanay na masarig sa pagtubod; magmaigot kamo saka magmakosog.

2 Corinto 13:11

Ngunyan, mga tugang, paaram na saindo! Maghingowa kamong magin orog karahay; sunodon nindo an mga hulit ko; magkasararo kamo saka mamuhay na matoninong. Mapasaindo an pagkamoot asin an katoninongan nin Dios.

Efeso 1:19

asin kun gurano kadakula an saiyang kapangyarihan na yaon sato na mga nagtutubod. An kapangyarihan na ini na yaon sato pareho kan kapangyarihan saka kosog

Efeso 3:16

Hinahagad ko sa Dios, sa paagi kan saiyang Espiritu, na tawan niya kamo nin kosog nin buhay na espiritwal, gikan sa kayamanan nin saiyang kamurawayan,

Deuteronomio 31:23

Dangan sinugo nin Kagurangnan si Josue, na aki ni Nun, asin tinaraman, “Magmaisog ka asin pakosoga an saimong boot. Papangenotan mo an banwaan nin Israel pasiring sa daga na ipinanuga ko sainda, asin iibahan taka.”

Filipos 3:1

Sa kataposan, mga tugang, mag-ogma kamo sa Kagurangnan. Dai ako nauuyam na isurat giraray an mga bagay na ini, huli ta ini para sa ikakarahay nindo.

Filipos 4:13

An gabos magigibo ko huli ki Cristo na nagpapakosog sako.

Filipos 4:8

Sa kataposan, mga tugang, panoa nindo an saindong mga isip kan mga bagay na marahay saka maninigong omawon: mga bagay na totoo, noble, matanos, malinig, maninigong kamotan asin galangan.

Colosas 1:11

Mapakosog man logod kamo kan gabos na kakosogan hale sa saiyang mamurawayon na kapangyarihan, tanganing matios nindo an gabos na bagay. Maogma kamong magpasalamat sa Ama huli ta pinapagkanigo niya na ibilang kamo sa mga banal na magmamana kan kahadean nin liwanag.

2 Timoteo 2:1

Aki ko, magin makosog ka huli sa biyaya na yaon ki Cristo Jesus.

2 Timoteo 4:17

Alagad dinamayan ako kan Kagurangnan saka tinawan nin kosog sa pagbalangibog kan Marahay na Bareta sa mga pagano, kaya nakaligtas ako sa kagadanan.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

1 Pedro 3:8

Sa kataposan, dapat na magkasararo kamo gabos sa espiritu, magmakulog sa kapwa, magkaminorootan siring sa magturugang; magkaigwa kamo nin mahuyo na puso asin mapakumbabang boot.

1 Pedro 4:11

An siisay man na naghuhulit, dapat ihulit an mensahe nin Dios; an naglilingkod, maglingkod sa bilog na kosog na itinao saiya nin Dios, tanganing sa gabos na bagay, mapamuraway an Dios huli ki Jesu-Cristo. Sa saiya sana an gabos na kamurawayan asin kapangyarihan sagkod nuarin pa man.

1 Pedro 5:10

Alagad pakatios nindo sa halipot na panahon, an Dios nin gabos na biyaya, na nag-apod saindo para sa saiyang mayong kataposan na kamurawayan diyan ki Cristo, iyo an matao saindo kan kapanoan nin buhay, kosog asin pagsarig.

1 Juan 2:14

Sinusuratan ko kamo, mga aki, huli ta midbid nindo an Ama. Sinusuratan ko kamo, mga ama, huli ta midbid nindo siya na dati nang nagdadanay poon pa sa kapinonan. Sinusuratan ko kamo, mga hoben, huli ta kamo makokosog asin an tataramon nin Dios nagdadanay saindo patin dinaog nindo an Maraot.

1 Samuel 23:16

Sinungko siya duman ni Jonatan asin pinakosog an saiyang pagsarig sa Dios.