Efeso 6:1 - Marahay na Bareta Biblia

¹ Mga aki, kuyogon nindo diyan sa Kagurangnan an saindong mga magurang, huli ta ini an tamang gibohon.

Efeso 6:1 ပူးပေါင်းရင်းမြစ်များ

Genesis 28:7

Naaraman niya na nagsunod sa ama asin ina si Jacob, asin nagduman sa Mesopotamia.

Genesis 37:13

Sinabihan ni Jacob si Jose, “Magduman ka sa Shekem, sa mga tugang mong nagpapasabsab kan mga hayop.” Nagsimbag si Jose, “Andam akong magduman.”

Genesis 48:12

Dangan hinale ni Jose an mga aki sa pagkakatukaw ninda sa tabay ni Jacob asin nagdapa siya sa atubang ni Jacob.

Genesis 50:12

Ginibo kan mga aki ni Jacob an ipinagboot niya sainda;

Nehemias 9:13

Hale sa langit naghilig ka sa Bukid nin Sinai; nagtaram ka sa saimong banwaan, asin tinawan mo sinda nin mga matanos na katogonan saka marahay na mga katukdoan.

Esther 2:20

Dai pa kaidto ipinapaaram ni Esther na siya sarong Judio, sosog sa pasunod saiya ni Mardokeo; si Esther nagkuyog ki Mardokeo arog kan pagkuyog niya digdi kan siya aki pa.)

An Libro ni Job 33:27

Masabi siya sa atubang nin mga tawo, ‘Nagkasala ako. Dai ako naggibo kan matanos alagad ilinigtas ako nin Dios.

Salmo 119:128

Kaya sinusunod ko an gabos mong katukdoan; naoongis ako sa gabos na salang dalan.

Salmo 119:75

Aram kong matanos an saimong mga hatol, Kagurangnan, asin sa kaimbodan ako saimong pinadusahan.

Salmo 19:8

Matanos gabos an mga togon nin Kagurangnan, sa puso nagtatao nin kaogmahan. An mga pagboot nin Kagurangnan dalisay, minatao nin liwanag sa isip.

Mga Talinhaga 1:8

Aki ko, hinanyoga an hulit kan saimong ama, asin dai mo ipagsikwal an katukdoan kan saimong ina;

Mga Talinhaga 23:22

Hinanyoga an saimong ama na nagtao saimo nin buhay, asin dai mo pagbasang-basangon an saimong ina sa saiyang paggurang.

Mga Talinhaga 30:11

Igwa nin mga tawo na minamaldisyon sa saindang ama asin dai minaomaw sa saindang ina.

Mga Talinhaga 30:17

An siisay man na nag-oolog-olog sa saiyang ama o nagsisikwal sa saiyang ina sa paggurang kan mga ini dapat na ipakakan sa mga bwitre o ipatuka an mga mata sa mga uwak.

Mga Talinhaga 6:20

Aki ko, sunodon mo an pagboot kan saimong ama, asin dai mo ipagsikwal an itinukdo kan saimong ina.

Jeremias 35:14

An mga kapagarakian ni Jonadab nagkuyog kan saiyang pagboot na dai mag-inom nin arak, asin sagkod ngunyan mayo sainda nin nag-iinom nin arak. Danay akong nagtaram saindo, alagad dai kamo nagkuyog sako.

Jeremias 35:18

Dangan sinabihan ko an mga Recabita na an Kagurangnan nin mga hukbo, an Dios nin Israel, nagtaram, “Kinuyog nindo an pagboot na itinao saindo kan ginikanan nindong si Jonadab; sinunod nindo an gabos niyang katukdoan, saka ginibo nindo an gabos na ipinagboot niya saindo.

Jeremias 35:8

Sinunod nyamo an gabos na pagboot ni Jonadab. Dai nanggad kami nag-inom nin arak, siring man an samong mga agom, mga aking lalaki saka mga aking babae.

Oseas 14:9

An nakasurat digdi masabotan logod kan mga madonong asin itanom logod ninda sa saindang puso. Matanos an mga paagi nin Kagurangnan, asin nabubuhay an mga matanos na tawo huli sa pagsunod kan mga iyan, alagad nasisingkog saka natutumba an mga parakasalang minasuway kaiyan.

Levitico 19:3

Galangan kan lambang saro saindo an saiyang ina saka ama, asin otobon nindo an sakong mga Sabbath. Ako an Kagurangnan na saindong Dios.

Lukas 2:51

Uminiba sainda si Jesus sa Nazaret asin nagin makinuyog-kuyog siya sainda. An gabos na ini rinimpos kan saiyang ina sa puso niya.

Roma 12:2

Dai kamo makibagay sa kinaban na ini, kundi bayaan nindong bagohon kamo nin Dios huli sa pagbago kan saindong isip, tanganing mapatotoohan nindo kun ano an marahay, an maaako asin an mayong kakulangan na kabotan nin Dios.

Roma 16:2

Akoa nindo siya nin marahay huli sa Kagurangnan, siring sa dapat gibohon kan mga tugang sa pagtubod. Tabangan nindo siya sa anoman na pangangaipo niya huli ta kadakul kan tinabangan niya, asin ako saro sainda.

Roma 7:12

Kaya banal an Katogonan, asin banal man an togon, tama saka marahay.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

Deuteronomio 21:18

“Halimbawa an sarong tawo igwa nin aking lalaki na sutil asin matumang, sarong aki na dai nagkukuyog sa saiyang mga magurang maski pinapadusahan na ninda siya.

1 Timoteo 5:4

Kun an babaeng balo igwa nin mga aki o mga makoapo, sinda ngona an dapat mag-otob kan saindang katongdan sa sadiri nindang pamilya. Sa siring na paagi makakabalos sinda sa saindang mga magurang asin mga apo, huli ta ini an nakakapaogma sa Dios.

1 Pedro 2:13

Dahel sa Kagurangnan, magkuyog kamo sa mga opisyal kan gobyerno: ki Cesar, na iyo an pinakahalangkaw na awtoridad,

Ruth 3:5

Nagsimbag si Ruth, “Gigibohon ko an gabos na sinabi mo.”

1 Samuel 17:20

Sunod na aldaw, amay na nagbangon si David, pinabantayan sa iba an mga karnero, dinara an pagkakan asin naglakaw siring kan ipinagboot saiya ni Jesse. Nag-abot sa kampo si David mantang nagpapasiring sa saindang pwesto an mga Israelita asin nagkukurahaw nin pakigera.