Efeso 5:5 - Marahay na Bareta Biblia

⁵ Aram nindo na an tawong marigsok o dusta o paslo (an kapasloan sarong pagsamba sa dios-dios) dai magkakaigwa nin pamana sa Kahadean ni Cristo asin nin Dios.

Efeso 5:5 ပူးပေါင်းရင်းမြစ်များ

Exodo 20:17

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

Mga Gibo 20:32

“Ngunyan idinudusay ko kamo sa Dios asin sa mensahe kan saiyang biyaya, na mapakosog saindo saka matao kan pamana na tinatagama niya sa mga banal.

Mga Gibo 8:21

Mayo ka nin kabtang o kahirasan sa bagay na ini, huli ta an saimong puso bakong matanos sa atubang nin Dios.

Galacia 5:19

Madaling mahiling an mga gibo kan laman; nahihiling iyan sa gibong karigsokan, kausmakan, karompotan;

Galacia 5:21

pag-ori, pagburat, dororogan, asin iba pang bagay na arog kaiyan. Pinapatanidan ko kamo siring sa ginibo ko kaidto: an mga naggigibo kan mga bagay na ini dai magmamana kan Kahadean nin Dios.

Efeso 5:3

Huli ta kamo an banwaan nin Dios, bakong tama na maonabihan nindo an mga bagay manongod sa karigsokan, kadustaan o kapasloan.

Colosas 1:13

Ilinigtas niya kita sa kapangyarihan kan kadikloman saka dinara sa kahadean kan saiyang namomotan na Aki,

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

1 Timoteo 6:10

Huli ta an pagkamoot sa kwarta iyo an gamot kan gabos na karatan. Dahel sa pagkamoot sa kwarta dakul an nagbaya sa pagtubod asin nagtao iyan nin makuring kasakitan sa saindang mga puso.

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

Josue 7:21

Sa mga bagay na samong nasamsam, may nahiling akong magayon na gubing na gibo sa Babilonia, mga duwang kilo nin plata asin sarong barang bulawan na sobra sa kabangang kilo an timbang. Nagustohan ko nin marahay an mga ini kaya kinua ko. Makukua nindo an mga iyan na nakalubong sa daga sa laog kan sakong tolda, na nasa irarom an plata.”

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.