Efeso 5:4 - Marahay na Bareta Biblia

⁴ Bako man maninigo saindo na magtaram nin rapsak, mag-orolay na mayo nin halaga o magkalwag na sala; kundi magpasalamat kamo sa Dios.

Efeso 5:4 ပူးပေါင်းရင်းမြစ်များ

Salmo 33:1

Kamo gabos na matanos, mag-ogma sa Kagurangnan; kamong mga makinuyog-kuyog, omawon nindo siya.

Salmo 92:1

Marahay an pagpasalamat saimo, Kagurangnan, an pag-awit nin mga pag-omaw sa saimong ngaran, O Kahorohalangkaweng Dios,

Mga Talinhaga 12:23

Dai ipinaghahambog kan madonong na tawo an saiyang naaaraman, alagad ipinapahayag kan lolong an saiyang kalolongan.

Mga Talinhaga 15:2

An dila kan madonong nagwawaras nin pakaaram, alagad an ngoso kan mga mangmang nagbubuga nin kamangmangan.

Parahulit 10:13

An lolong minapoon sa pagtaram nin kalolongan asin natatapos sa karungawan.

Daniel 6:10

Kan maaraman ni Daniel na pinirmahan na an pagboot, nagpuli siya sa saiyang harong. Sa sarong kwarto sa itaas kan saiyang harong, igwa nin mga bintana na nakaatubang sa Jerusalem. Duman, sosog sa dati niyang ginigibo, nagluhod siya sa may mga bukas na bintana asin namibi sa Dios tolong beses sa sarong aldaw.

Markos 7:22

pagkaara, katampalasan, pandaya, kadustaan, pagkaori, tsismis, kapaabaw-abawan dangan, kalolongan.

Juan 6:23

May mga sakayan na hale sa Tiberias na nagdoong harani sa lugar na pinagkakanan kan mga tawo pakapagpasalamat kan Kagurangnan.

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

2 Corinto 1:11

Tabangan man nindo kami kan saindong pamibi, tanganing dakul an magpasalamat para samo para sa mga biyaya na itinatao samo nin Dios bilang simbag sa dakul na mga pamibi.

2 Corinto 9:15

Magpasalamat kita sa Dios huli kan saiyang mayong kabaing na regalo sato!

Efeso 1:16

dai ako nag-ontok nin pagpasalamat sa Dios para saindo. Ginigiromdom ko kamo sa sakong mga pamibi;

Efeso 4:29

Dai kamo maggamit nin mga tataramon na makakaraot, gamiton nindo an mga tataramon na makakapakarahay saka tama sa panahon, nganing pakinabangan kan mga makakadangog.

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.

Colosas 3:8

Alagad ngunyan dai na nindo paggibohon an mga bagay na ini: kaanggotan, pagkaongis, maraot na boot, pagpakaraot saka mga rapsak na tataramon.

1 Tesalonica 3:9

Paano mi mapapasalamatan nin maninigo an Dios para saindo, huli kan dakulang kaogmahan na samong namatean para saindo sa atubang niya?

1 Tesalonica 5:18

saka magpasalamat sa anoman na mangyari. Iyan an kabotan nin Dios saindo huli ki Cristo Jesus.

Filemon 1:8

Kaya bilang tugang mo ki Cristo, makosog an boot kong pagbotan ka kan dapat mong gibohon,

Hebreyo 13:15

Kaya danay kitang magdolot nin atang nin pag-omaw sa Dios huli ki Jesus, pag-omaw na nagpapahayag kan satong pagmidbid sa saiya bilang Kagurangnan.

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.

2 Pedro 2:7

Alagad ilinigtas nin Dios si Lot, sarong marahay na tawo na nagmondo dahel sa karompotan kan mga maraot na tawo.

Judas 1:10

Alagad pinapakaraot kan mga tawong ini an mga bagay na dai ninda nasasabotan. Asin an mga bagay na nasasabotan ninda sa paagi kan saindang instinto, arog kan mayong isip na mga hayop, iyo an magdadara sainda nin kapahamakan.

Judas 1:13

Garo sinda mga nag-uulantong alon kan dagat na an subo iyo an makasosopog nindang gibo. Garo sinda mga lagalag na bitoon na inandaman na nin Dios nin lugar sa kairaroman nin kadikloman.