Efeso 5:29 - Marahay na Bareta Biblia

²⁹ Mayo nin naoongis sa sadiri niyang hawak, kundi pinapakakan iyan saka inaataman, arog kan ginigibo ni Cristo sa simbahan.

Efeso 5:29 ပူးပေါင်းရင်းမြစ်များ

Genesis 2:23

Dangan nagsabi an lalaki, “Ini nanggad an tolang kan sakong tolang asin an laman kan sakong laman. Aapodon siyang ‘Babae’ huli ta kinua siya hale sa lalaki.”

Mga Talinhaga 11:17

An tawong maboot napapakarahay, alagad an makuri nagraraot kan sadiri niyang buhay.

Parahulit 4:5

Nagsasabi sinda na lolong an sarong tawo na magparapamungko asin ginagadan an sadiri sa gutom.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Ezekiel 34:27

An mga kahoy mamumunga, an kaomahan matao nin ani, asin an lambang saro matiwasay na mag-eerok sa sadiri niyang daga. Kun putolon ko na an mga kadena nin sakong banwaan asin patalingkason ko na sinda sa mga nag-oripon sainda, dangan maaaraman ninda na ako an Kagurangnan.

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

Mateo 6:26

Hilinga nindo an mga gamgam na naglalayog: dai sinda nagtatanom ni nag-aani o nagtitipon nin kakanon sa mga harong-harong; alagad pinapakakan sinda kan saindong langitnon na Ama! Bako daw na mas mahalaga kamo ki sa sainda?

Roma 1:31

mga lolong, mga bakong maimbod, mga mayong puso asin pagkaherak sa kapwa.

Efeso 5:28

Dapat kamotan kan mga lalaki an saindang agom siring kan pagkamoot ninda sa sadiri nindang hawak. An lalaking namomoot sa agom niya, namomoot sa saiya man sana. (

Efeso 5:30

Mga kabtang kita kan hawak ni Cristo.)

Efeso 5:31

Siring sa nasusurat, “Huli kaini babayaan kan lalaki an saiyang ama saka ina, dangan masaro sa saiyang agom, asin an duwa magigin saro.”