Efeso 5:20 - Marahay na Bareta Biblia

²⁰ Danay na magpasalamat kamo sa Dios Ama para sa gabos na bagay, sa ngaran ni Jesu-Cristo na satong Kagurangnan.

Efeso 5:20 ပူးပေါင်းရင်းမြစ်များ

An Libro ni Job 1:21

Nagsabi siya, “Huba ako kan iluwas sa tulak kan sakong ina, asin huba akong mabalik. An Kagurangnan an nagtao, asin an Kagurangnan an nagkua. Pag-omawon logod an ngaran nin Kagurangnan!”

Salmo 34:1

Danay akong magpapasalamat sa Kagurangnan; dai ako maontok sa pag-omaw saiya.

Isaias 63:7

Ipapahayag ko an danay na pagkamoot nin Kagurangnan; inoomaw ko siya huli kan gabos na ginibo niya para samo. Dakulang marahay an itinao niyang biyaya sa banwaan nin Israel huli kan saiyang pagkaherak asin danay na pagkamoot.

Juan 15:16

Bako kamo an nagpili sako; ako an nagpili asin nagsugo saindo na maglakaw saka na mamunga kamo, patin magdanay an bunga nindong iyan. Huli kaini, itatao saindo kan Ama an anoman na hagadon nindo saiya sa ngaran ko.

Mga Gibo 5:41

Naghale sa Konseho an mga apostol na pano nin kaogmahan huli ta pinapagkanigo sinda nin Dios na magtios nin kasopogan sa ngaran ni Jesus.

Roma 1:8

Enot, pinapasalamatan ko an Dios sa paagi ni Jesu-Cristo dahel saindo gabos, huli ta an saindong pagtubod bantog na sa bilog na kinaban.

1 Corinto 1:4

Danay akong nagpapasalamat sa Dios para saindo, huli kan biyaya na itinao niya saindo huli ki Cristo Jesus.

1 Corinto 15:24

Dangan maabot an kataposan; dadaogon ni Cristo an gabos na kagsakop, an gabos na awtoridad asin kapangyarihan na nasa kalangitan, saka itatao niya sa Dios na Ama an paghahade.

Efeso 5:4

Bako man maninigo saindo na magtaram nin rapsak, mag-orolay na mayo nin halaga o magkalwag na sala; kundi magpasalamat kamo sa Dios.

Filipos 1:3

Nagpapasalamat ako sa sakong Dios sa gabos na panahon na nagigiromdoman ko kamo.

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.

Colosas 3:17

Kaya anoman an gibohon o sabihon nindo, gibohon nindo sa ngaran ni Jesus na Kagurangnan ta; sa paagi niya magpasalamat kamo sa Dios Ama.

1 Tesalonica 3:9

Paano mi mapapasalamatan nin maninigo an Dios para saindo, huli kan dakulang kaogmahan na samong namatean para saindo sa atubang niya?

1 Tesalonica 5:18

saka magpasalamat sa anoman na mangyari. Iyan an kabotan nin Dios saindo huli ki Cristo Jesus.

2 Tesalonica 1:3

Mga tugang, dapat nyamong pasalamatan an Dios sa gabos na oras para saindo. Maninigong gibohon mi ini, huli ta orog na nagkokosog an saindong pagtubod asin nag-oorog an pagkaminootan nindo.

2 Tesalonica 2:13

Danay kaming magpasalamat sa Dios para saindo, mga tugang na namomotan kan Kagurangnan. Nagpapasalamat kami huli ta pinili kamo nin Dios bilang enot na ililigtas sa paagi kan kapangyarihan kan Espiritu, na nagpapabanal saindo huli kan saindong pagtubod sa katotoohan.

Hebreyo 13:15

Kaya danay kitang magdolot nin atang nin pag-omaw sa Dios huli ki Jesus, pag-omaw na nagpapahayag kan satong pagmidbid sa saiya bilang Kagurangnan.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Pedro 4:11

An siisay man na naghuhulit, dapat ihulit an mensahe nin Dios; an naglilingkod, maglingkod sa bilog na kosog na itinao saiya nin Dios, tanganing sa gabos na bagay, mapamuraway an Dios huli ki Jesu-Cristo. Sa saiya sana an gabos na kamurawayan asin kapangyarihan sagkod nuarin pa man.