Efeso 5:15 - Marahay na Bareta Biblia

¹⁵ Kaya mag-ingat kamo sa saindong pamumuhay. Mamuhay kamo siring sa mga madonong, bakong siring sa mga tawong mangmang.

Efeso 5:15 ပူးပေါင်းရင်းမြစ်များ

2 Samuel 24:10

Alagad pakatapos kan pagsenso ni David, nagbasol siya asin nagsabi siya sa Kagurangnan, “Nagkasala ako nin makuri huli kan ginibo kong ini! Nakikimaherak ako na patawadon mo ako sa kalolongan kong ini.”

An Libro ni Job 2:10

Nagsimbag si Job, “Garo ka lolong na babae kun magtaram! Tama daw na an marahay sana an akoon ta sa kamot nin Dios asin dai kita mag-ako nin kasakitan?” Maski nangyari ining kasakitan ki Job, mayo siyang sinabi na tumang sa Dios.

Salmo 73:22

ako nagin mangmang asin dai nakasabot; sa atubang mo, ako nagin siring sa sarong hayop.

Exodo 23:13

“Dangoga nindo an gabos kong itinaram. Dai kamo mamibi sa ibang mga dios; maski an saindang ngaran dai nanggad nindo pagsambiton.

Mga Talinhaga 14:8

Tano ta madonong an may isip na tawo? Huli ta aram niya kun ano an saiyang gigibohon. Tano ta lolong an mangmang na tawo? Huli ta naghohona siya na igwa siya nin naaaraman.

Mga Talinhaga 15:21

An mangmang naoogma sa saiyang kalolongan, alagad ginigibo kan madonong an matanos.

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

Mateo 25:2

An lima sainda mangmang, an lima madonong.

Mateo 27:24

Kan mahiling ni Pilato na dai siyang magiginibo, ata ngani orog na nagriribok an mga tawo, nagpakua siya nin tubig asin naghanaw kan saiyang mga kamot sa atubangan kan mga tawo. “Dai akong sala sa kagadanan kan tawong ini. Kabotan nindo ini!” an sabi niya.

Mateo 27:4

Nagsabi siya, “Nagkasala ako! Pinasaluiban ko an sarong tawong mayong sala!” Alagad nagsimbag sinda, “Ano an labot mi kaiyan? Problema mo na iyan!”

Mateo 8:4

Dangan tinugon siya ni Jesus, “Dai mo ini ipang-osip, kundi pumahiling ka tolos sa padi, asin magdolot ka kan atang na ipinagboot ni Moises sa pagpatunay na malinig ka na.”

Lukas 24:25

Dangan sinabihan sinda ni Jesus, “Mga lolong! Mga kulang sa pagtubod sa gabos na sinabi kan mga propeta!

1 Corinto 14:20

Mga tugang, dai kamo mag-isip na garo aki. Kun manongod sa karatan, magin kamong siring sa aki, alagad mag-isip kamo siring sa gurang.

Galacia 3:1

Mga lolong na taga Galacia! Siisay an nakalumay saindo? Malinaw na ipinahayag saindo an pagkagadan ni Jesu-Cristo sa krus!

Galacia 3:3

Siring kamo kaiyan kalolong? Nagpoon kamo sa Espiritu nin Dios; boot na nindong taposon sa laman?

Efeso 5:2

Maglakaw kamo sa pagkamoot, siring na si Cristo namoot sato. Idinusay niya an saiyang buhay para sato, bilang mahamot na dolot asin sakripisyo sa Dios.

Efeso 5:33

Ini sinasabi ko man saindo: dapat na mamotan kan lambang lalaki an saiyang agom siring kan pagkamoot niya sa sadiri niya; dapat galangan kan lambang babae an saiyang agom.

Filipos 1:27

Ngunyan, an mahalaga iyo na mamuhay kamo sosog sa itinutukdo kan Marahay na Bareta dapit ki Cristo, tanganing madalaw ko man kamo o dai, mabaretaan ko na nagdadanay kamong masarig, may saro sanang katuyohan, saka sararong nakikilaban para sa pagtubod sa Marahay na Bareta.

Colosas 1:9

Poon kan maaraman mi iyan, danay mi kamong ipinapamibi. Hinahagad mi sa Dios na masabotan nindo nin marahay an saiyang kabotan, sa paagi kan bilog na kadonongan saka pakasabot na itinatao kan Espiritu.

Colosas 4:5

Magin madonong kamo sa pakikiiba sa mga bakong paratubod. Gamiton nindo nin marahay an lambang oportunidad na umabot saindo.

1 Tesalonica 5:15

Hingowahon nindo na mayo saindong magbalos nin maraot sa maraot, kundi dayaday kamong maggibo nin marahay sa lambang saro saindo saka sa gabos na tawo.

1 Timoteo 6:9

Alagad an mga boot yumaman nahuhulog sa sogot saka nasisiod sa dakul na mayong kahulogan saka nakakakulog na mga pagmawot, na minaguyod sainda sa karatan asin sa kapahamakan.

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

Santiago 3:13

Siisay an madonong saka may pakasabot diyan saindo? Huli kan matanos niyang pamumuhay, patotoohan niya iyan sa paagi kan saiyang mga gibo, sa kapakumbabaan asin kadonongan.

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.