Efeso 5:11 - Marahay na Bareta Biblia

¹¹ Dai kamo mag-ayon sa mga mayong halagang gibo nin kadikloman, kundi ihayag nindo sa liwanag an mga gibong iyan. (

Efeso 5:11 ပူးပေါင်းရင်းမြစ်များ

Genesis 20:16

Sinabihan man niya si Sara, “Tinawan ko an tugang mo nin sangribong pedasong plata bilang patotoo sa gabos mong kairiba na ika inosente; maaaraman ninda na mayo kang kasalan.”

Salmo 141:5

Pwede akong padusahan o sagweon nin tawong matanos sa pagkaherak; alagad dai ako maako nin kaomawan sa kamot kan tampalasan, huli ta danay akong namimibi tumang sa saindang karatan.

Mga Talinhaga 1:10

Aki ko, dai ka maghonod kun sugotan ka kan mga parakasala.

Mga Talinhaga 1:31

kakakanon nindo an bunga kan saindong gibo asin mababaldi kamo sa saindong mga plano.

Mga Talinhaga 13:18

An tawo na habong makanood magigin dukha asin mapapasopog, alagad an siisay man na naghihinanyog sa pagsagwe gagalangan.

Mga Talinhaga 15:12

An mahambog na tawo habong pagsawayon; dai nanggad siya naghahagad nin hatol sa sarong madonong.

Mga Talinhaga 19:25

Padusahan mo an paraolog-olog asin makakanood maski an mangmang. Sagweon mo an may pakasabot, asin madadagdagan an saiyang naaaraman.

Mga Talinhaga 25:12

An patanid nin madonong sa tataong magdangog orog na mahalaga ki sa bulawan na singsing o alahas na gibo sa pinakapinong bulawan.

Mga Talinhaga 28:4

An tampalasan inoomaw kan mga tawong nagpapabaya kan katogonan, alagad laban sainda an mga tawong nagkukuyog kaiyan.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 29:21

Gagadanon nin Dios an mga nagpapakaraot sa iba, an mga nag-oolang na mapadusahan an mga kriminal, asin an mga nagpuputik tanganing dai makakua nin hustisya an matanos na tawo.

Jeremias 15:17

Dai ko sinayang an sakong panahon sa kaibahan kan mga tawo tanganing mag-ogma saka magpasiram-siram. Nagsolo-solo ako huli ta igwa ka nin ipinagboot sako, asin huli ta pinano mo ako nin kaanggotan.

Levitico 19:17

“Dai kamo magtanom nin maraot na boot sa kiisay man; makipag-olay kamo saiya, tanganing dai kamo magkasala huli saiya.

Mateo 18:15

“Kun an tugang mo nagkakasala saimo, kaolayon mo siya na kamo sanang duwa; itaram mo saiya an sala niya. Kun dangogon ka niya, marahay ta nagkaolian kamo.

Lukas 3:19

Alagad sinagwe niya si Herodes na kagsakop kan Galilea, huli ta inagom kaini si Herodias na agom kan saiya man sanang tugang, saka sinagwe pa si Herodes kan mga maraot na gibo kaini.

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Roma 13:12

Lihis na an banggi; uya na an aldaw. Ontokon ta na an gibo sa kadikloman dangan kuahon ta an armas nin kaliwanagan.

Roma 16:17

Mga tugang, nakikimaherak ako saindo na mag-ingat kamo sa mga tawong ginigikanan nin pagkabaranga saka nin mga kaolangan sa katukdoan na nanodan nindo. Maglikay kamo sainda.

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!

Galacia 6:8

An nagtatanom sa oma nin mga kamawotan sa laman, maani nin kagadanan; an nagtatanom sa oma nin Espiritu, maani nin buhay na daing kataposan.

Efeso 4:22

Kaya hubaon na nindo an daan na pagkatawo na pinaraot kan saindong mga marumpot na kamawotan.

Efeso 5:12

Makasosopog maski an pagsambit kan mga bagay na ginigibo ninda sa hilom.)

Efeso 5:7

Kaya dai nanggad kamo makilabot sa siring na mga tawo.

1 Tesalonica 5:7

Sa banggi natotorog an tawo; sa banggi man nagbuburat.

2 Tesalonica 3:14

Kun igwa nin habong magkuyog sa sinasabi mi sa surat na ini, tandaan nindo siya dangan likayan tanganing masopog siya.

2 Tesalonica 3:6

Mga tugang, sa ngaran ni Jesu-Cristo na satong Kagurangnan, pinagbobotan mi kamo na likayan an mga tugang na hugakon saka dai nagsusunod kan mga itinukdo mi sainda.

1 Timoteo 5:20

Sagweon mo sa atubangan kan gabos an mga padagos na nagkakasala tanganing magkatarakot an iba.

1 Timoteo 5:22

Dai ka magmadali sa pagdoon nin kamot sa pagkonsagra sa kiisay man sa trabaho nin Kagurangnan. Dai ka magpadamay sa kasalan kan iba, kundi magdanay kang malinig.

1 Timoteo 6:5

dangan pasuruhay sa tahaw nin mga tawong dai naggagamit kan saindang mga isip asin dai nakakamidbid kan katotoohan. Naghohona sinda na an relihiyon sarong paagi nin pagpayaman.

2 Timoteo 3:5

magsusunod kan panluwas na tanda kan satong relihiyon, alagad nenegaran ninda an tunay na kapangyarihan kaiyan. Likayan mo an siring na mga tawo.

2 Timoteo 4:2

na ipaghulit mo an mensahe, magmaigot ka sa pagpahayag kaiyan, nasa panahon man o bako; mandagka ka, magsagwe, saka magsadol; gabos gibohon na may kahoyoan asin tanganing makatukdo.

Tito 2:15

Itukdo mo an mga bagay na ini, saka gamita an bilog mong kapangyarihan sa pagsadol saka sa pagsagwe sa mga nagdadangog saimo. Dai mo pagtugotan na pagbasang-basangon ka nin siisay man.

Kapahayagan 18:4

Dangan nakadangog ako nin saro pang tingog hale sa langit na nagsabi, “Lumuwas kamo, banwaan ko! Lumuwas kamo sa saiya, ta tibaad madamay kamo sa mga kasalan niya, ta tibaad madamay kamo sa mga pasakit saiya.