Efeso 4:9 - Marahay na Bareta Biblia

⁹ Ngunyan, ano an kahulogan kan “nagsakat siya”? An boot sabihon, naghilig ngona siya sa pinakairarom kan daga.

Efeso 4:9 ပူးပေါင်းရင်းမြစ်များ

Genesis 11:5

Naghilig an Kagurangnan tanganing hilingon an syudad asin an tore na ginibo kan mga tawo.

Salmo 139:15

Kan an sakong mga tolang hinahaman, maingat na binibilog sa tulak kan sakong ina; kan hilom akong nagtatalubo duman— aram mo nang yaon ako duman.

Salmo 63:9

Alagad an mga nagmamawot na gadanon ako mahuhulog sa kairaroman nin daga.

Salmo 8:5

Alagad ginibo mo siyang hababang kadikit sa mga anghel. Kinoronahan mo siya nin kamurawayan asin kaomawan.

Exodo 19:20

Huminilig an Kagurangnan sa alitoktok kan bukid asin inapod niya si Moises, kaya nagtukad ini.

Mga Talinhaga 30:4

Siisay an nagsakat sa langit dangan naghilig? Siisay an nakapugol kan doros sa saiyang mga kamot? Siisay an nakapatos kan katubigan sa sarong pedaso nin tela? Siisay an nagbugtak kan mga pagdolonan kan kinaban? Siisay siya, kun aram mo? Siisay an saiyang aking lalaki?

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Ezekiel 31:14

Kaya magpoon ngunyan, maski marahay an patubig, mayo nang kahoy na mahalangkaw nin marahay saka mapaabot kan saiyang poro sa mga panganoron. Gabos iyan magagadan arog sa mga tawo; gabos natatalaga sa pakiiba sa mga yaon sa kinaban nin mga gadan.”

Mateo 12:40

Siring na si Jonas tolong aldaw asin tolong banggi sa tulak nin balyena, siring man an Aki nin Tawo tolong aldaw asin tolong banggi sa irarom kan daga.

Juan 20:17

Sinabihan siya ni Jesus, “Dai mo ako pagkapotan ta dai pa ako nakakasakat duman sa sakong Ama. Alagad dumuman ka sa mga tugang ko saka sabihan mo sinda na masakat na ako duman sa sakong Ama asin saindong Ama, sa sakong Dios asin saindong Dios.”

Juan 3:13

Mayo pa nin nakasakat sa langit kundi an Aki nin Tawo na naghilig hale sa langit.”

Juan 6:33

Huli ta an tinapay nin Dios iyo an naghilig hale sa langit na nagtatao nin buhay sa kinaban.”

Juan 6:38

huli ta naghilig ako hale sa langit nganing gibohon an kabotan kan nagsugo sako, bakong an kabotan ko.

Juan 6:41

Naggumod-gumod an mga tawo huli ta nagsabi siya, “Ako an tinapay na naghilig hale sa langit.”

Juan 6:51

Ako an buhay na tinapay na naghilig hale sa langit. Mabubuhay sagkod pa man an magkakan kaini. An tinapay na itatao ko nganing mabuhay an kinaban iyo an sakong hawak.”

Juan 6:58

Iyo ini an tinapay na naghilig hale sa langit. An magkakan kaini mabubuhay sagkod pa man! Bako ining arog kaidtong kinakan kan saindong mga ginikanan na nagkagaradan.”

Juan 6:62

Ano daw kun mahiling nindong nagsasakat an Aki nin Tawo paduman sa dati niyang erokan?

Juan 8:14

Nagsimbag si Jesus, “Maski nagsasaksi ako para sako, totoo an sinasabi ko, huli ta aram ko kun saen ako hale o kun saen ako maduman. Alagad dai nindo aram an sakong hinalean o an sakong padudumanan.

Hebreyo 2:7

Sa dikit na panahon ginibo mo siyang mas hababa ki sa mga anghel, alagad kinoronahan mo siya nin kamurawayan asin kaomawan;

Hebreyo 2:9

Alagad nahihiling ta si Jesus, na sa dikit na panahon ginibong mas hababa ki sa mga anghel, tanganing sa paagi kan biyaya nin Dios, magadan siya para sa gabos na tawo. Ngunyan nahihiling ta siyang nakokoronahan nin kamurawayan asin kaomawan huli kan kagadanan na tinios niya.