Efeso 4:29 - Marahay na Bareta Biblia

²⁹ Dai kamo maggamit nin mga tataramon na makakaraot, gamiton nindo an mga tataramon na makakapakarahay saka tama sa panahon, nganing pakinabangan kan mga makakadangog.

Efeso 4:29 ပူးပေါင်းရင်းမြစ်များ

Salmo 45:2

Ika an pinakagwapo sa mga kalalakihan; ika sarong marahay na parataram; kaya benebendisyonan ka nin Dios sagkod lamang.

Salmo 5:9

Huli ta mayo nin katotoohan sa saindang ngoso; karatan an nasa saindang puso. An saindang halonan sarong bukas na lulubngan; an saindang dila pano nin kaputikan.

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Salmo 71:24

Bilog na aldaw an sakong dila magtataram kan saimong katanosan, huli ta nawaran nin dangog asin nasopog, an mga nagmamawot magtao sako nin kulog.

Mga Talinhaga 12:13

An maraot na tawo nasisiod kan sadiring tataramon, alagad nakakalikay sa anoman na pag-alaman an matanos.

Mga Talinhaga 15:23

Nakakaogma an pakakua kan tamang tataramon para sa tamang okasyon!

Mga Talinhaga 15:7

An pakaaram pinapalakop kan mga tawong madonong, bako kan mga lolong.

Mga Talinhaga 16:21

An madonong namimidbid huli kan saiyang pakasabot. An mahamis niyang tataramon orog na nakakadagka.

Parahulit 10:12

An tataramon nin sarong madonong na tawo nagdadara saiya nin kaomawan; alagad an lolong nararaot kan sadiri niyang mga tataramon.

Isaias 50:4

Tinukdoan ako nin Kagurangnan Dios kan sakong sasabihon, tanganing mapakosog ko an napapagal. Aga-aga, pinupukaw niya ako tanganing magdangog kan itutukdo niya.

Mateo 5:16

Dapat arog kamo kaiyan. Paliwanagon nindo an saindong ilaw sa gabos na tawo, tanganing mahiling ninda an mga marahay nindong gibo; huli kaiyan oomawon ninda an saindong Ama na nasa langit.

Lukas 4:22

Inomaw siya kan gabos; nagngalas sinda kan magayon na mga tataramon na sinabi niya. Olay ninda, “Bakong iyo ini an aki ni Jose?”

Juan 1:37

Pakadangog kaini kan duwang disipulo, nagsunod sinda ki Jesus.

Roma 14:19

Kaya hingowahon ta an mga bagay na nagdadara nin katoninongan, asin nagtatabang sa pagpakosog kan pagtubod nin lambang saro.

Roma 15:2

Dapat gibohon kan lambang saro sato an ikakaogma saka ikakarahay kan satong kapwa, nganing kumosog an pagtubod ninda.

1 Corinto 14:19

Alagad sa simbahan, mas boot ko pang maggamit ako nin limang tataramon na nasasabotan tanganing makatukdo ako sa iba, ki sa maggamit ako nin rinibong tataramon sa manlaen-laen na lengwahe na dai nasasabotan.

Efeso 4:12

Ginibo niya ini tanganing andamon sa paglingkod an gabos na banal, asin tanganing magtalubo an hawak ni Cristo.

Efeso 4:16

Sa pamamayo niya, an gabos na kabtang kan hawak marahay an pagkamugtak; an bilog na hawak pinagsusurugpon nin mga ngalongaloan. Kun an lambang kabtang nagtatrabaho nin marahay, an bilog na hawak nagtatalubo saka nagdadakula sa pagkamoot.

Colosas 4:6

An saindong pakipag-olay sainda, kaipuhan danay na marahay saka makawiwili, asin kaipuhan tatao kamong magsimbag sa lambang saro.

1 Tesalonica 5:11

Kaya pakosoga an saindong boot saka magpatarabang-tabang kamo siring kan ginigibo na nindo ngunyan.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.

1 Pedro 3:1

Siring man, kamong mga babae dapat na magpasakop sa saindong agom, tanganing kun igwa sainda nin dai minatubod sa tataramon nin Dios, madara sinda sa pagtubod huli kan saindong marahay na gawe. Dai na kaipuhan na magtaram pa kamo nin anoman,

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.