Efeso 4:28 - Marahay na Bareta Biblia

²⁸ An parahabon dai na maghabon, kundi magtrabaho sa matanos na paagi tanganing matabangan niya an mga nangangaipo.

Efeso 4:28 ပူးပေါင်းရင်းမြစ်များ

An Libro ni Job 34:32

tukdoe ako kan dai ko nahihiling; kun nakagibo ako nin karatan, dai ko na iyan gigibohon giraray’?

Exodo 20:15

“Dai kamo maghabon.

Exodo 20:17

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

Exodo 21:16

“An siisay man na magkidnap nin tawo tanganing ipabakal o gibohon na oripon dapat gadanon.

Mga Talinhaga 13:11

Madaling maubos an kayamanan na madali sanang nakamtan, alagad orog na madakul an kayamanan na haloy na pinagpagalan.

Mga Talinhaga 14:23

An gabos na pagpagal igwa nin pakinabang, alagad kadukhaan an aaboton kun gabos sana tataramon.

Mga Talinhaga 21:26

mayo siya nin ginigibo kundi an mag-isip dapit sa mga bagay na boot niyang mapasaiya. Alagad an matanos maogmang nakakapagtao.

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Mga Talinhaga 30:9

Kun ako magyaman tibaad makapagsabi ako na dai taka kaipuhan. Alagad kun ako magin dukha, tibaad manghabon ako asin matawan ko nin kasosopgan an sakong Dios.

Mga Talinhaga 31:20

Matinao siya sa dukha saka sa mayong sukat.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Zacarias 5:3

Dangan sinabihan niya ako, “Nasusurat sa librong iyan an maldisyon na maluwas sa bilog na daga. Sa sarong lado kan libro nasusurat na an lambang mahabon gagadanon, asin sa ibong kaiyan nasusurat na an lambang magsaksi nin putik gagadanon man.

Lukas 19:8

Nagtindog si Zakeo saka nagsabi ki Jesus, “Kagurangnan, itatao ko sa mga dukha an kabanga kan mga rogaring ko asin kun may nadaya ako, duwang doble an ibabayad ko saiya.”

Lukas 3:8

Ipahiling nindo sa gibo na kamo nagbakle na. Dai kamo mangahas na mag-isip na makakaligtas kamo sa padusa huli ta ama nindo si Abraham. Sinasabihan ko kamo, na sa mga gapong ini an Dios makakagibo nin mga aki para ki Abraham.

Juan 12:6

Sinabi niya ini bakong huli ta may pagkamakulog siya sa mga dukha, kundi huli ta parahabon siya. Siya an nagkakapot kan supot nin kwarta, kaya nakakakua siya kan ilinalaog digdi.

Juan 13:29

Huli ta si Judas an nagkakapot kan supot nin kwarta, naghona an iba sainda na pinapabakal si Judas kan kaipuhan ninda sa pyesta, o pinapalimos siya sa mga dukha.

Roma 12:13

Tabangan nindo an mga banal sa saindang mga pangangaipo; padagoson nindo sa harong an mga taga ibang lugar.

1 Corinto 4:12

nagtatrabaho kami nin maigot. Kun kami minamaldisyon, kami minabendisyon; kun kami pinapasakitan, tinitios mi;

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

2 Corinto 8:2

Binalo sinda nin makuri kan mga kasakitan na saindang inagihan; alagad an saindang kaogmahan orog kadakula, mala ta orog logod sindang nagin matinao, maski sinda mga daing sukat.

Galacia 6:10

Kaya sa lambang oportunidad na itao sato, maggibo kita nin marahay sa gabos, orog nang gayo sa kapwa nyato paratubod.

1 Timoteo 6:18

Pagbotan mo sinda na magin marahay, magin mayaman sa marahay na mga gibo, magin matinao saka matinabang.

Tito 3:14

An satong mga kairiba kaipuhan makanood na maghingowa sa paggibo nin marahay, tanganing makatabang para sa anoman na pangangaipo; dapat mamuhay sinda na may pakinabang.

Tito 3:8

An kasabihan na ini totoo. Boot kong itukdo mo nin marahay an mga bagay na ini, tanganing an mga nagtutubod sa Dios maghingowang maggibo nin marahay; ini orog karahay asin mapapakinabangan kan mga tawo.