Efeso 4:26 - Marahay na Bareta Biblia

²⁶ Kun maanggot kamo, likayan nindo na magkasala; dai nindo pasolnopon an aldaw na dai pa nahale an saindong kaanggotan.

Efeso 4:26 ပူးပေါင်းရင်းမြစ်များ

Salmo 37:8

Likayan mo an kahaditan o an kaanggotan; nagdadara iyan nin kasakitan.

Salmo 4:4

Matakot kamo saiya asin dai magkasala; sa katoninongan maghorophorop kamo sa saindong mga higdaan.

Exodo 11:8

Tinapos ni Moises an saiyang pagtaram kan siya magsabi, “Marani dangan maluhod sako an gabos mong opisyal asin makikimaherak na humale na ako kaiba an sakong mga kahimanwa. Dangan mahale ako.” Pakasabi kaini, anggot na marahay na binayaan ni Moises an hade.

Mga Talinhaga 14:29

An tawong dai tolos naaanggot igwa nin dakulang pakasabot, alagad an madaling maanggot nagpapahiling kan saiyang kalolongan.

Mga Talinhaga 19:11

An marahay na pag-isip nin tawo iyo an minapugol kan saiyang kaanggotan; kamurawayan niya an magpasensya sa mga karatan na ginibo saiya.

Mga Talinhaga 25:23

Kun paano nagdadara nin uran an amihan na doros, nagdadara man nin kaanggotan an paglibak.

Parahulit 7:9

Hare pag-anggot tolos-tolos, huli ta sa lolong an pagrimpos nin maraot na boot.

Mga Bilang 20:24

“Dai makakalaog si Aaron sa dagang ipinanuga kong itatao sa Israel; magagadan siya huli ta dai nindo sinunod an sakong pagboot duman sa Meriba.

Mateo 5:22

Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.

Markos 10:14

Kan mahiling ini ni Jesus, naanggot siya asin sinabihan sinda, “Pabayae nindong magdolok sako an mga aki! Dai nindo sinda pag-olangon, huli ta para sa mga arog sainda an Kahadean nin Dios.

Markos 3:5

Anggot na hiniling ni Jesus an mga tawo asin nagmondo siya huli sa katagasan kan saindang puso. Sinabihan niya an lalaki, “Unata an kamot mo.” Inunat kan lalaki an kamot niya dangan naomayan idto.

Deuteronomio 24:15

Aroaldaw, bago magsolnop an aldaw, tandanan nindo siya para sa trabaho sa aldaw na iyan, huli ta siya dukha asin iyan an saiyang pinaglalaoman. Kun dai nindo siya bayadan, maagrangay siya sa Kagurangnan laban saindo asin magkakasala kamo.

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.

Santiago 1:20

An kaanggotan nin tawo dai nakakatabang sa matanos na katuyohan nin Dios.

1 Samuel 20:34

Naghale si Jonatan sa dakulang kaanggotan; dai siya nagkakan nin ano man kan ikaduwang aldaw kan Pyesta kan Gimata nin Bulan; namondo siya nin marahay para ki David, huli ta sinopog siya kan saiyang ama.