Efeso 4:22 - Marahay na Bareta Biblia

²² Kaya hubaon na nindo an daan na pagkatawo na pinaraot kan saindong mga marumpot na kamawotan.

Efeso 4:22 ပူးပေါင်းရင်းမြစ်များ

An Libro ni Job 22:23

Kaipuhan na magbalik ka sa Dios sa kapakumbabaan asin ontokon mo an gabos na karatan na ginigibo sa saimong harong.

Mga Talinhaga 11:18

Mayong marahay na makukua an maraot na tawo, alagad an nagtatanom nin katanosan magkakamit nin marahay na balos.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Jeremias 49:16

Dinaya ka kan saimong kapalangkawan. Mayo nin natatakot saimo, arog kan iniisip mo. Nag-eerok ka sa mga lungib sa kagapoan, na nasa kaitaasan kan bukid. Alagad maski nag-eerok ka sa halangkaw na lugar arog kan agila, ibababa ka nin Kagurangnan. An Kagurangnan an nagtaram.”

Obadias 1:3

Dinaya ka kan saimong kapalangkawan. An pangenot mong syudad sarong bantayan na gapo; an saimong erokan nasa halangkaw na lugar sa kabukidan, kaya nagsasaboot kang, ‘Siisay an makakapababa sako?’

Roma 6:6

Aram ta na an dati tang pagkatawo ipinako sa krus kaiba ni Cristo, tanganing malaglag an makasalan na hawak asin dai na kita magin oripon nin kasalan.

Roma 7:11

Huli ta nagkaigwa nin oportunidad an kasalan dahel kan togon; dinaya ako kan kasalan saka ginadan sa paagi kan togon na iyan.

2 Corinto 11:3

Alagad natatakot ako na tibaad arog ki Eva na nadaya kan katusohan kan halas, an saindong mga isip mapasuhay sa tunay saka totoong debosyon ki Cristo.

Galacia 1:13

Huli ta aram nindo an gibo ko kaidto kan maimbod pa ako sa Judaismo: pinasakitan ko nin makuri an simbahan nin Dios asin hiningowa kong marumpag iyan.

Efeso 2:3

Kita gabos arog man sainda kaidto; sinunod ta an mga bisyo kan satong laman, an mga kamawotan kan satong hawak saka isip. Huli kaini, maninigo sato kaidto an makuring padusa nin Dios arog kan iba.

Efeso 4:17

Sa ngaran nin Kagurangnan, sinasabihan ko kamo: dai na kamo mamuhay arog kan mga pagano na an mga iniisip mayo nin halaga;

Efeso 4:25

Kaya dai na kamo magputik! An lambang saro magtaram nin totoo sa tugang niya, huli ta kita gabos kabtang kan saro sanang hawak ni Cristo.

Efeso 4:31

Ontokon na nindo an mga kapaitan, pagkaongis, kaanggotan, pagkurahaw, pakaraot saka mga maraot sa boot.

Colosas 2:11

Sinerkomsisyon man kamo diyan sa saiya, alagad bakong arog sa pagserkomsisyon nin tawo, kundi sa pagserkomsisyon ni Cristo na iyo an nagkalda saindo sa kapangyarihan kan parakasala nindong laman.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

Hebreyo 12:1

Kaya huli ta napapalibotan kita nin kadakul na saksi, haleon ta na an gabos na bagay na nakakaolang, saka an kasalan na nakakapurupot sato, dangan padagos tang dalaganon na daing ontok an ipinapadalagan sato.

Hebreyo 3:13

Mantang an tataramon na “ngunyan na aldaw” sa kasuratan ipinapanongod pa sato, magpatarabang-tabang kamo aroaldaw sa pagpakosog kan saindong boot, tanganing mayo saindong madaya kan kasalan saka magin matagas an payo.

Santiago 1:21

Kaya bayaan nindo an gabos na karapsakan saka maraot na ugale. Mahuyong akoon nindo an tataramon na itinanom nin Dios sa saindong mga puso, huli ta iyo iyan an maligtas saindo.

Santiago 1:26

An naghohona na siya maki-Dios, alagad dai tataong magpugol kan saiyang dila, nagdadaya sa sadiri niya; an saiyang pagkamaki-Dios mayong halaga.

1 Pedro 1:18

Aram nindo kun ano an itinubos saindo tanganing makalda kamo sa mayong pakinabang nindong pamumuhay, na minana pa nindo sa saindong mga ginikanan. An itinubos saindo bakong sarong bagay na nawawara, arog kan plata o bulawan,

1 Pedro 4:3

Kanigoan nang panahon an ginamit nindo kaidto sa paggibo kan ginigibo kan mga pagano. Namuhay kamo sa karigsokan, sa mga kamawotan nin laman, sa bururatan, sa sobrang karakanan, sa irinoman asin sa pagsamba sa mga ipinangangalad na dios-dios.

2 Pedro 2:13

babayadan ninda nin kasakitan an mga kasakitan na ginibo ninda sa iba. Ikinakaogma ninda an pagsunod sa anoman na kamawotan kan saindang hawak maski sa kaliwanggan nin aldaw; makasosopog asin makawawara nin onra na makisabay sinda saindo na magkakan, mantang naoogma sinda sa mga pagdaya ninda!

2 Pedro 2:7

Alagad ilinigtas nin Dios si Lot, sarong marahay na tawo na nagmondo dahel sa karompotan kan mga maraot na tawo.

1 Samuel 1:14

Sinabihan niya si Hanna, “Sagkod nuarin ka magigin burat? Mag-ontok ka na sa pag-inom asin magpaomay ka!”