Efeso 3:7 - Marahay na Bareta Biblia

⁷ Ginibo akong ministro kan Marahay na Bareta huli sa balaog kan biyaya nin Dios na itinao sako sa paagi kan saiyang kapangyarihan.

Efeso 3:7 ပူးပေါင်းရင်းမြစ်များ

Isaias 43:13

Ako an Dios asin magdadanay na Dios sagkod pa man. Mayong makakadulag sa sakong kapangyarihan; mayong makakaliwat kan sakong ginigibo.”

Mga Gibo 9:15

Sinabihan siya nin Kagurangnan, “Dumuman ka, huli ta pinili ko siyang maglingkod sako, tanganing ipamidbid niya an sakong ngaran sa mga pagano, sa mga hade saka sa mga Israelita.

Roma 1:5

Sa paagi niya, tinawan ako nin Dios kan balaog nin pagkaapostol tanganing huli ki Cristo madara ko an gabos na nasyon sa pagtubod asin sa pagkuyog ki Cristo.

Roma 12:3

Huli sa biyaya na itinao sako nin Dios, ini an masasabi ko saindo: Dai kamo mag-isip nin labaw pa saindo kundi magin mabini kamo sa saindong pag-isip. Hukoman nindo an saindong sadiri sosog sa sukol kan pagtubod na itinao nin Dios saindo.

Roma 15:16

na magin sorogoon ni Cristo Jesus sa mga pagano. Naglilingkod ako arog sa sarong padi na naghuhulit kan Marahay na Bareta hale sa Dios, tanganing an mga pagano magin sarong dolot na maaako nin Dios, dolot na kinonsagra saiya kan Espiritu Santo.

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

1 Corinto 3:5

Huli ta siisay si Apolos? Siisay si Pablo? Mga sorogoon sana kami nin Dios na ginamit niya tanganing giyahan kamo sa pagtubod sa Kagurangnan. An lambang saro samo naggigibo kan ipinapagibo samo nin Kagurangnan:

2 Corinto 3:6

Siya an nagpakanigo samo na magin paralingkod kan bagong tipan, na bakong sa nakasurat na katogonan kundi sa Espiritu. An nakasurat na katogonan nagdadara nin kagadanan, alagad an Espiritu nagtatao nin buhay.

2 Corinto 4:1

Sa pagkaherak nin Dios, itinao niya samo an ministeryong ini, kaya dai nanluluya an samong boot.

Galacia 2:8

Sa paagi kan kapangyarihan nin Dios, ginibo niya akong apostol para sa mga pagano, arog man ki Pedro na ginibo niyang apostol para sa mga Judio.

Efeso 1:19

asin kun gurano kadakula an saiyang kapangyarihan na yaon sato na mga nagtutubod. An kapangyarihan na ini na yaon sato pareho kan kapangyarihan saka kosog

Efeso 3:2

Nadangog na nindo na huli sa biyaya nin Dios, itinao niya sako an trabahong ini sa ikakarahay nindo.

Efeso 3:20

Sa Dios, na sa paagi kan saiyang kapangyarihan na naghahade sato nakakagibo kan gabos na bagay labi pa sa satong hinahagad o iniisip,

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Efeso 4:16

Sa pamamayo niya, an gabos na kabtang kan hawak marahay an pagkamugtak; an bilog na hawak pinagsusurugpon nin mga ngalongaloan. Kun an lambang kabtang nagtatrabaho nin marahay, an bilog na hawak nagtatalubo saka nagdadakula sa pagkamoot.

Colosas 1:29

Huli kaini nagtatrabaho ako nin maigot sa tabang kan kapangyarihan ni Cristo.

1 Tesalonica 2:13

Igwa pang sarong dahelan kun tadaw ta danay ming pinapasalamatan an Dios; kan ipaghulit mi saindo an mensahe nin Dios, nagdangog kamo saka nagtubod, bakong dahel ta idto hale sa tawo kundi sa Dios, na iyo mananggad an totoo. An bunga kan mensahe nin Dios nahihiling saindo na mga paratubod.

Hebreyo 13:21

Itao logod saindo kan Dios nin katoninongan an gabos na marahay na bagay tanganing magibo nindo an saiyang kabotan; huli ki Jesu-Cristo, gibohon logod niya sato an makakapaogma saiya. Pag-omawon si Cristo sagkod pa man! Amen.