Efeso 3:16 - Marahay na Bareta Biblia

¹⁶ Hinahagad ko sa Dios, sa paagi kan saiyang Espiritu, na tawan niya kamo nin kosog nin buhay na espiritwal, gikan sa kayamanan nin saiyang kamurawayan,

Efeso 3:16 ပူးပေါင်းရင်းမြစ်များ

An Libro ni Job 23:6

Gamiton daw nin Dios an gabos niyang kapangyarihan laban sako? Dai, dadangogon niya ako.

Salmo 138:3

Kan mag-agrangay ako saimo, nagsimbag ka; huli kan saimong kosog, pinakosog mo ako.

Salmo 28:8

An Kagurangnan kosog nin saiyang banwaan, ligtas na pailihan kan saiyang linahidan.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Jeremias 31:33

Siring kaini an gigibohon kong tipan sa mga taga Israel: Ibubugtak ko an sakong togon sa saindang isip saka isusurat ko iyan sa saindang puso. Ako an magigin Dios ninda, asin sinda an magigin banwaan ko.

Zacarias 10:12

Papakosogon ko an sakong banwaan; sasambahon asin kukuyogon ninda ako.” An Kagurangnan an nagtaram.

Mateo 6:13

Hare kami pabayae na madaog nin sogot, alagad agawon mo kami sa maraot.’

Roma 2:29

Kundi, an tunay na Judio iyo an Judio sa puso; an tunay na pagkaniserkomsisyon iyo an pagkaniserkomsisyon sa boot, sosog sa Espiritu Santo asin bakong sa nakasurat na Katogonan. An tawong siring kaiyan inoomaw nin Dios, bako nin tawo.

Roma 7:22

Sa puso ko, maogma kong sinusunod an katogonan nin Dios.

Roma 9:23

Ginibo niya ini tanganing mabantog an kayamanan nin saiyang kamurawayan na itinao niya sato na mga naherakan niya asin mga inandam niya para sa saiyang kamurawayan.

1 Corinto 16:13

Magpuka kamo asin magdanay na masarig sa pagtubod; magmaigot kamo saka magmakosog.

2 Corinto 12:9

Alagad an simbag niya iyo ini: “An sakong biyaya tama na para saimo; huli ta an sakong kapangyarihan orog na makosog kun ika maluya.” Kaya ikinakaogma kong maluya ako, tanganing mamatean ko an kapangyarihan sako ni Cristo.

2 Corinto 4:16

Kaya dai nanluluya an samuyang boot. Maski ngani an samong hawak pinanluluya na, alagad an samong espiritu pinapakosog aroaldaw.

Efeso 1:18

Hinahagad ko na maliwanagan an isip nindo tanganing manodan nindo kun ano an paglaom na inapodan niya saindo, kun ano an nagsusupay na biyaya na ipinanuga niya sa saiyang mga banal,

Efeso 1:7

Tinubos kita ni Cristo huli kan saiyang dugo, pinatawad kita kan satong mga kasalan, sosog sa kayamanan kan biyaya nin Dios,

Efeso 2:7

Ginibo niya ini tanganing ipahiling sa maabot pang mga panahon an nagsusupay na biyaya sa pagkamoot na ipinahiling niya sato huli ki Cristo Jesus.

Efeso 3:15

na iyo an nagtatao nin ngaran sa gabos na pamilya na nasa langit asin sa daga.

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Efeso 6:10

Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.

Filipos 4:13

An gabos magigibo ko huli ki Cristo na nagpapakosog sako.

Filipos 4:19

An sakong Dios, sa bilog niyang kayamanan ki Cristo Jesus, iyo an matao kan gabos nindong kaipuhan.

Colosas 1:11

Mapakosog man logod kamo kan gabos na kakosogan hale sa saiyang mamurawayon na kapangyarihan, tanganing matios nindo an gabos na bagay. Maogma kamong magpasalamat sa Ama huli ta pinapagkanigo niya na ibilang kamo sa mga banal na magmamana kan kahadean nin liwanag.

Colosas 1:27

Binoot nin Dios na ipahayag sa sainda kun gurano kadakula sa mga pagano an kayamanan kan kamurawayan kan misteryong ini. An misteryo iyo ini: si Cristo nasa saindo, saindong paglaom sa kamurawayan.

Colosas 2:2

Ginigibo ko ini tanganing kumosog an saindang boot saka mabugkos sinda sa pagkamoot. Sa siring na paagi magkakaigwa sinda kan bilog na kayamanan nin pakasabot saka pakaaram ki Cristo na iyo an misteryo nin Dios.

2 Timoteo 4:17

Alagad dinamayan ako kan Kagurangnan saka tinawan nin kosog sa pagbalangibog kan Marahay na Bareta sa mga pagano, kaya nakaligtas ako sa kagadanan.

Hebreyo 11:34

sinigbo ninda an naglalaad na kalayo, patin nadulagan ninda an kagadanan sa espada. Mga maluya sinda, alagad nagin mga makosog; mapangyari sinda sa ralaban saka nadaog ninda an mga hukbo kan mga dayuhan.

1 Pedro 3:4

Kundi magkaigwa kamo nin kagayonan na hale sa saindong puso, kaiba an dai mawawarang kayamanan nin sarong mahuyo asin matoninong na espiritu, na iyo an pinakamahalaga sa atubang nin Dios.