Efeso 3:14 - Marahay na Bareta Biblia

¹⁴ Huli kaini, minaluhod ako sa atubang kan Ama,

Efeso 3:14 ပူးပေါင်းရင်းမြစ်များ

1 Mga Hade 19:18

Alagad matada ako nin pitong ribo katawo sa Israel—an mga dai nagluhod ki Baal saka dai naghadok saiya.”

1 Mga Hade 8:54

Nakaluhod si Solomon sa atubangan kan altar asin nakaitaas an saiyang mga kamot mantang namimibi. Kan matapos an saiyang pamibi,

2 Mga Cronica 6:13

Nagpagibo si Solomon nin sarong bronseng plataporma na ipinabugtak niya sa tahaw kan patyo. Igwa ini nin sukol na dos metros, beynte sentimetros an laba, dos metros, beynte sentimetros an lakbang saka sarong metro, treynta sentimetros an langkaw. Nagsakat siya duman, dangan nagluhod na atubang sa katiriponan nin Israel asin initaas an saiyang mga kamot.)

Esdras 9:5

Kan oras na kan pagdolot kan pangbangging sakripisyo, nagtindog ako hale sa pagmondo asin mantang sulot ko pa an gisi kong gubing saka alikboy nagluhod ako asin initaas ko an sakong mga kamot sa pagpamibi sa Kagurangnan na sakuyang Dios.

Salmo 95:6

Madya, magduko asin magsamba kita, lumuhod kita sa atubang nin Kagurangnan na satong Kaglalang!

Isaias 45:23

Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Daniel 6:10

Kan maaraman ni Daniel na pinirmahan na an pagboot, nagpuli siya sa saiyang harong. Sa sarong kwarto sa itaas kan saiyang harong, igwa nin mga bintana na nakaatubang sa Jerusalem. Duman, sosog sa dati niyang ginigibo, nagluhod siya sa may mga bukas na bintana asin namibi sa Dios tolong beses sa sarong aldaw.

Lukas 22:41

Dangan nag-oroenotan siya sainda na may sarong daklag nin gapo an distansya, asin nagluhod saka namibi.

Mga Gibo 20:36

Pakataram ni Pablo kaini, nagluhod siya dangan namibi kaiba ninda gabos.

Mga Gibo 21:5

Pakatapos kan pitong aldaw, nagpadagos na kami kan samong pagbyahe. Hinatod kami kan mga disipulo, kairiba an saindang mga agom saka mga aki, sagkod sa luwas kan syudad. Kami gabos nagluhod sa baybayon dangan namibi.

Mga Gibo 7:60

Dangan nagluhod siya saka nagkurahaw, “Kagurangnan, hare sinda pagsingila kan kasalan na ini!” Pakataram niya kaini nautsan siya.

Mga Gibo 9:40

Pinaluwas sinda gabos ni Pedro sa kwarto, saka nagluhod siya asin namibi. Dangan nag-atubang siya sa bangkay asin nagsabi, “Tabita, magbangon ka!” Nagmuklat si Tabita, dangan kan mahiling si Pedro, nagtukaw siya.

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Efeso 3:15

na iyo an nagtatao nin ngaran sa gabos na pamilya na nasa langit asin sa daga.

Filipos 2:10

Kaya sa ngaran ni Jesus, maluhod an gabos sa langit, sa daga saka sa irarom kan daga,