Efeso 3:13 - Marahay na Bareta Biblia

¹³ Kaya hinahagad ko saindo na dai manluya an saindong boot huli na lamang kan tinitios ko para saindo; ini gabos para sa karahayan nindo.

Efeso 3:13 ပူးပေါင်းရင်းမြစ်များ

Sofonias 3:16

Maabot an panahon na sasabihan an Jerusalem, “Dai ka matakot, O syudad nin Sion! Pakosoga an saimong mga kamot!

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”

2 Corinto 1:6

Kun kami nasasakitan, iyan para sa saindong karangahan asin kaligtasan; kun kami rinaranga, natatabangan man kamo saka natatawan nin kosog tanganing matagalan nindo an mga sakit na arog kan tinitios mi.

2 Corinto 4:1

Sa pagkaherak nin Dios, itinao niya samo an ministeryong ini, kaya dai nanluluya an samong boot.

Galacia 6:9

Kaya dai kita mapagal sa paggibo nin karahayan; huli ta kun dai kita magmaluya, maabot an panahon na maani kita.

Efeso 3:1

Huli kaini, ako, si Pablo, na bilanggo ki Cristo Jesus para sa karahayan nindong mga pagano, namimibi sa Dios.

Deuteronomio 20:3

‘Pagdangog, Israel. Makikigera kamo ngunyan na aldaw. Magmaisog kamo; dai kamo magtakig o matakot sa saindong mga kaiwal.

Filipos 2:18

Siring man, dapat kamong mag-ogma asin makipag-ogma sako.

Colosas 1:24

Maogma ako ngunyan dapit sa sakong mga kasakitan dahel saindo, huli ta sa paaging ini pinapadagos ko an mga kasakitan na tinitios ni Cristo, asin sakong tinitios para sa simbahan na iyo an hawak ni Cristo.

2 Tesalonica 3:13

Mga tugang, dai kamo dapat mapagal sa paggibo nin karahayan.