Efeso 2:3 - Marahay na Bareta Biblia

³ Kita gabos arog man sainda kaidto; sinunod ta an mga bisyo kan satong laman, an mga kamawotan kan satong hawak saka isip. Huli kaini, maninigo sato kaidto an makuring padusa nin Dios arog kan iba.

Efeso 2:3 ပူးပေါင်းရင်းမြစ်များ

Genesis 5:3

Kan syento treynta na an edad ni Adan, nagkaigwa siya nin aking lalaki na arog saiya. Nginaranan niya ining Set.

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

An Libro ni Job 14:4

Siisay an makakapaluwas nin malinig na bagay hale sa maati? Mayo nin siisay man.

An Libro ni Job 25:4

Paano, kun siring, magigin matanos an sarong tawo sa saiyang atubang? Paano magigin malinig an sarong namundag sa sarong babae?

Salmo 51:5

Uya, namundag ako sa kasombikalan; ipinangidam ako kan sakong ina sa kasalan.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Markos 4:19

alagad pinopoot ini kan mga kahaditan sa buhay na ini, pagkamoot sa kayamanan asin kan kamawotan sa manlaen-laen na bagay. Kaya dai nagbubunga.

Juan 1:13

Bako sindang gikan sa dugo o sa laman o sa kabotan nin tawo, kundi sa kabotan nin Dios.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

Mga Gibo 14:16

Kan nakaaging mga panahon, pinabayaan nin Dios an gabos na nasyon na maggibo kan sadiri nindang kabotan.

Roma 1:24

Kaya pinabayaan sinda nin Dios sa mga maati nindang gibo; naggiribo sinda nin kadustaan sa saindang mga hawak.

Roma 11:30

Kaidto, dai kamo nagkuyog sa Dios, alagad ngunyan naherakan niya kamo dahel kan paglapas kan mga Judio.

Roma 13:14

Isulot nindo an armas na iyo si Jesu-Cristo asin dai nindo pagsunodon an mga kamawotan kan saindong laman.

Roma 2:14

An mga pagano mayo kan Katogonan ni Moises, alagad kun an ginigibo ninda sosog sa nasasabi sa Katogonan, idto nagigin katogonan para sainda, maski mayo sinda kan Katogonan.

Roma 5:10

Dati mga kaiwal kita nin Dios, alagad ngunyan nagin katood na niya kita dahel kan pagkagadan kan saiyang Aki. Kaya ngunyan, orog na kitang ligtas huli ta buhay si Cristo.

Roma 5:9

Ngunyan na pinangagin matanos kita sa Dios huli sa saiyang dugo, orog pa niya kitang ililigtas sa kaanggotan nin Dios.

Roma 6:12

Dai na nindo tugotan na maghade an kasalan sa saindong hawak na magagadanon, tanganing dai kamo magkuyog kan mga kamawotan kaiyan.

Roma 7:18

Aram ko na mayong marahay na yaon sako, boot sabihon, sa sakong laman. Huli ta maski boot kong maggibo nin marahay, dai ko iyan nagigibo.

Roma 9:22

Siring man kaiyan an ginibo nin Dios. Boot niyang ipahiling an saiyang kaanggotan saka ipahayag an saiyang kapangyarihan. Alagad tinios niya an mga tawong nagpaanggot saiya na maninigong tunawon.

1 Corinto 4:7

Huli ta siisay an nagpalaen saindo? Ano an yaon saindo na dai nindo inako? Kun inako nindo, tadaw ta nag-oorgulyo kamo na garong dai nindo iyan inako?

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

Galacia 3:22

Alagad nasasabi sa kasuratan na an bilog na kinaban nasa kapangyarihan nin kasalan; kaya, an ipinanuga nin Dios huli sa pagtubod ki Jesu-Cristo, itinatao sa mga tawong igwa nin pagtubod.

Efeso 2:2

An sinunod nindo kaidto iyo an maraot na gawe kan kinaban na ini; sinunod nindo an prinsipe kan kapangyarihan sa kahiwasan, an espiritu na nagsasakop kan mga aking masombikal sa Dios.

Efeso 4:22

Kaya hubaon na nindo an daan na pagkatawo na pinaraot kan saindong mga marumpot na kamawotan.

Colosas 1:21

Kaidto harayo kamo sa Dios; kaiwal niya kamo huli kan mga maraot na ginibo saka inisip nindo.

1 Tesalonica 4:13

Mga tugang, boot ming maaraman nindo an katotoohan dapit sa mga nagkagaradan na, tanganing dai kamo magmondo, arog kan mga mayo nin paglaom.

1 Tesalonica 5:6

Kaya dai kita dapat magkatorog siring kan iba, kundi dapat kitang magpuka asin danay na magin malinaw an isip.

1 Timoteo 6:9

Alagad an mga boot yumaman nahuhulog sa sogot saka nasisiod sa dakul na mayong kahulogan saka nakakakulog na mga pagmawot, na minaguyod sainda sa karatan asin sa kapahamakan.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

1 Pedro 1:14

Magkuyog kamo sa Dios; dai kamo mamuhay sosog sa mga kamawotan nindo kaidto kan dai pa nindo aram an katotoohan.

2 Pedro 2:14

An saindang mga mata pano nin pagsambay; mga tawong daing sukol an pagkawili sa kasalan. Dinadagka nindang magkasala an mga maluyang tawo. An saindang mga puso tood na sa kapasloan. Minaldisyon na sinda nin Dios!

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.

1 Juan 2:16

Huli ta an gabos na yaon sa kinaban—an karigsokan kan hawak, an karigsokan kan mata, asin an gabos na ipinaghahambog nin tawo sa buhay na ini—bakong gikan sa Ama kundi sa kinaban.

1 Juan 2:8

Alagad an togon na isinusurat ko ngunyan saindo garo man sana bago, huli ta an katotoohan kaini nahihiling ki Cristo saka diyan sa saindo, asin huli ta an kadikloman nawawara na, dangan an tunay na ilaw nagliliwanag na.