Efeso 2:15 - Marahay na Bareta Biblia

¹⁵ Hinale niya an Katogonan nin mga Judio kaiba an mga pagsusundon kaiyan tanganing hale sa duwang nasyon, lalangon diyan sa saiya an sarong bagong banwaan, nganing magkaigwa nin katoninongan.

Efeso 2:15 ပူးပေါင်းရင်းမြစ်များ

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

2 Corinto 5:17

An siisay man na yaon ki Cristo, saro nang bagong linalang; an daan nakalihis na, an bago nagdatong na.

Galacia 3:10

An mga nagsasarig sa pagkuyog kan Katogonan nasa pag-alaman nin maldisyon. Huli ta nasusurat, “An siisay man na dai naggigibo kan gabos na nasusurat sa libro kan Katogonan nasa pag-alaman nin maldisyon!”

Galacia 3:28

Kaya mayo nin kalaenan an Judio sa pagano, an oripon sa bakong oripon, an lalaki sa babae; kamo gabos saro sana ki Cristo Jesus.

Galacia 6:15

Mayo nin kalaenan kun an sarong tawo pagkaniserkomsisyonado man o bako; an mahalaga iyo an pagigin bagong linalang.

Efeso 2:10

Linalang kita nin Dios. Sa pakisumaro ta ki Cristo linalang kita para sa mga gibong karahayan na dati na niyang inandam tanganing gibohon ta.

Efeso 2:14

Si Cristo mismo an nagdara sato nin katoninongan huli ta pinagsaro niya an mga Judio saka an mga pagano. Linaglag niya an lanob na nasa pagultanan ninda na iyo an nakakaolang kan pagkaolian nin magkaiwal.

Efeso 2:16

Natapos an iriwal kan duwang nasyon kan magadan si Cristo sa krus; pinagsaro niya sinda sa sarong hawak saka ibinalik sa Dios.

Efeso 4:16

Sa pamamayo niya, an gabos na kabtang kan hawak marahay an pagkamugtak; an bilog na hawak pinagsusurugpon nin mga ngalongaloan. Kun an lambang kabtang nagtatrabaho nin marahay, an bilog na hawak nagtatalubo saka nagdadakula sa pagkamoot.

Colosas 2:14

Pinara niya sa listahan an satong mga utang, sagkod an mga pagsusundon na kaiba kaiyan; hinale an gabos na iyan sa paagi kan pagpako kaiyan sa krus.

Colosas 2:20

Nagadan na kamo kaiba ni Cristo asin ilinigtas sa mga espiritu na nagsasakop kan kahiwasan. Tadaw ta namumuhay pa kamo na garo mga taga kinaban? Tadaw ta nagkukuyog kamo kan mga pagsusundon arog kan,

Colosas 3:10

dangan naggubing na kamo nin bagong pagkatawo na danay na binabago kan Dios na Kaglalang sosog sa sadiri niyang ladawan tanganing orog na mamidbidan nindo siya.

Colosas 3:11

Kaya mayo nang kalaenan an Judio sa Griyego, an pagkaniserkomsisyonado sa bakong pagkaniserkomsisyonado, an dayuhan, an bakong sibilisado, an oripon, an tawong talingkas, kundi si Cristo iyo an gabos, asin nasa gabos.

Colosas 3:15

An katoninongan ni Cristo iyo an maghade sa saindong mga puso; sa katoninongan na iyan kamo inapod nin Dios na magkasararo bilang mga kabtang nin sarong hawak. Magpasalamat kamo.

Hebreyo 7:16

Dai siya nagin padi huli sa pagsusundon nin tawo kundi huli sa kapangyarihan nin buhay na mayo nin kataposan.

Hebreyo 8:13

Kan magtaram an Dios dapit sa bagong tipan, ginibo niyang daan an enot na tipan; an anoman na nagdadaan asin nawawaraan nin halaga, madali nang mapara.

Hebreyo 9:23

Kaya an mga bagay na ini kaipuhan sa paglinig kan mga bagay na kaagid sana kan nasa langit; alagad an mga langitnon na bagay nangangaipo nin mas marahay na mga atang ki kan mga ini.