Efeso 1:5 - Marahay na Bareta Biblia

⁵ itinalaga kita nin Dios na magin mga aki niya huli ki Jesu-Cristo; sadiri niyang kabotan iyan saka katuyohan.

Efeso 1:5 ပူးပေါင်းရင်းမြစ်များ

Jeremias 3:19

Nagsasabi an Kagurangnan, “Israel, binoot kong akoon ka bilang sakong aking lalaki asin tawan ka nin sarong matubang na daga, an daga na pinakamagayon sa bilog na kinaban. Binoot kong apodon mo akong ama, asin dai ka na nanggad matalikod sako.

Jeremias 3:4

“Sinasabi mo ngunyan sako, ‘Ika an sakong ama, asin namotan mo na ako magpoon kan ako aki pa.

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Oseas 1:10

An mga taga Israel magigin siring kadakul sa baybay kan dagat, na dai pwedeng takadon o bilangon. Ngunyan sinasabihan sinda nin Dios, “Bako ko na kamong banwaan,” alagad maabot an aldaw na sasabihan niya sinda, “Kamo an mga aki kan Dios na buhay!”

Mateo 1:25

Alagad dai nagdorog si Jose ki Maria sagkod na ikapangaki kaini an sarong aking lalaki na nginaranan niyang Jesus.

Mateo 11:26

Opo, Ama, huli ta ini an ikinaogma mo.

Lukas 10:21

Kan oras man sanang idto si Jesus napano nin kaogmahan kan Espiritu Santo dangan nagsabi, “Ama, Kagurangnan nin langit asin daga, nagpapasalamat ako saimo huli ta ipinahiling mo sa mga mangmang an mga bagay na tinago mo sa mga madonong saka sa mga may inadalan. Opo, Ama, huli ta ini an pinagmarahay mo.

Lukas 11:32

Sa Aldaw nin Paghukom matindog an mga taga Nineve asin ipapakondenar an henerasyon na ini, huli ta sinda nagbakle kan maghulit sainda si Jonas. Alagad uya digdi an mas dakula pa ki Jonas!

Lukas 12:32

“Dai kamo matakot, sadit na ariponpon, huli ta kaogmahan kan saindong Ama na itao saindo an Kahadean.

Juan 1:12

Alagad an mga nag-ako saka nagtubod saiya, tinawan niya nin deretso na magin mga aki nin Dios.

Juan 11:52

asin bako sanang para sa nasyon, kundi tanganing tiponon man an gabos na nagkawaragas na mga aki nin Dios.

Juan 20:17

Sinabihan siya ni Jesus, “Dai mo ako pagkapotan ta dai pa ako nakakasakat duman sa sakong Ama. Alagad dumuman ka sa mga tugang ko saka sabihan mo sinda na masakat na ako duman sa sakong Ama asin saindong Ama, sa sakong Dios asin saindong Dios.”

Mga Gibo 13:48

Pagkadangog kaini, naogma an mga pagano, asin pinamuraway ninda an tataramon nin Dios; dangan nagturubod an mga pinili para sa buhay na daing kataposan.

Roma 8:23

Alagad bako sana an bilog na linalang an nag-aagrangay, kundi kita man na nag-ako na kan Espiritu na iyo an enot kan mga regalo nin Dios sato. Sa satuyang boot nag-aagrangay man kita, mantang pinaghahalat ta an Dios na gibohon kitang mga aki niya saka tuboson an satong hawak sa pagkagapos.

1 Corinto 1:1

Surat na hale ki Pablo na inapod nin Dios na magin apostol ni Cristo Jesus, asin hale ki Sostenes na satong tugang.

1 Corinto 1:21

Huli sa kadonongan nin Dios, ginibo niyang imposible para sa mga tawo na mamidbidan siya sa paagi kan sadiri nindang kadonongan. Alagad pinagmarahay nin Dios na iligtas an mga minatubod saiya huli kan Marahay na Bareta na ipinaghuhulit mi, maski sa paghona kan ibang mga tawo an mensaheng iyan kalolongan.

2 Corinto 6:18

Ako an magigin ama nindo, kamo an magigin mga aki ko, olay kan Makakamhan na Kagurangnan.”

Galacia 3:26

Huli kan saindong pagtubod ki Cristo Jesus, kamo gabos nagin mga aki nin Dios.

Efeso 1:11

An gabos na bagay nahahaman sosog sa plano asin kabotan nin Dios; huli ki Cristo, pinili niya kami na magin sadiri niyang banwaan dahel sa sadiri niyang katuyohan, na dati niya nang inisip poon pa sa kapinonan.

Efeso 1:9

tanganing masabotan ta an hilom na plano na ootobon niya diyan ki Cristo,

Filipos 2:13

huli ta nagtatrabaho saindo an Dios tanganing mawoton asin gibohon nindo an saiyang katuyohan.

Colosas 1:19

Huli ta binoot nin Dios na an bilog niyang pagka-Dios mapasa Aki.

2 Tesalonica 1:11

Ini an dahelan kun tadaw ta danay mi kamong ipinapamibi, tanganing gibohon nin Dios na magin maninigo kamo sa saiyang pag-apod. Papangyarihon logod nin Dios an gabos nindong marahay na mawot sa paagi kan saiyang kapangyarihan, asin mahaman an mga trabaho na ginigibo nindo dahel sa pagtubod.

Hebreyo 2:4

Pinatunayan man iyan nin Dios sa paagi nin mga tanda, ngangalasan, manlaen-laen na milagro asin sa mga balaog na itinao nin Espiritu Santo sosog sa kabotan niya.

1 Juan 3:1

Hilingon nindo kun gurano kadakula an pagkamoot nin Dios sa sato, kun kaya inapod kitang mga aki nin Dios, asin iyan totoo. Dai kita midbid kan kinaban nin huli ta bakong midbid kaiyan an Dios.

Kapahayagan 21:7

An siisay man na manggagana, maako sako kan pamanang ini: ako magigin Dios niya asin siya magigin aki ko.