Efeso 1:17 - Marahay na Bareta Biblia

¹⁷ hinahagad ko sa Dios ni Jesu-Cristo na satong Kagurangnan, an mamurawayon na Ama, na itao saindo an espiritu nin kadonongan, tanganing masabotan nindo nin orog an kapahayagan dapit sa Dios.

Efeso 1:17 ပူးပေါင်းရင်းမြစ်များ

1 Mga Cronica 29:11

Saimo an kadakulaan, an kapangyarihan, an kamurawayan, an kapangganahan asin an kamahalan, huli ta saimo an gabos na nasa langit asin daga. Saimo an kahadean, O Kagurangnan, asin ika an nangongorog na kagsakop kan gabos.

An Libro ni Job 42:5

An naaraman ko sana dapit saimo iyo an inosip sako kan iba, alagad ngunyan, nahiling taka kan sadiri kong mga mata.

Salmo 24:10

Siisay ining hade nin kamurawayan? An Kagurangnan nin mga hukbo—siya an hade nin kamurawayan.

Salmo 24:7

Magburukas kamo, O mga trangkahan! Magburukas kamo, mga kasuanoy na pintoan, tanganing makalaog an hade nin kamurawayan!

Salmo 29:3

An tingog nin Kagurangnan nasa ibabaw nin katubigan; minadaguldol an Dios nin kamurawayan, an Kagurangnan, sa ibabaw nin mga katubigan.

Exodo 28:3

Ipaapod mo an gabos na tawong tinawan ko nin kakayahan, asin sabihan mo sinda na gibohon an mga gubing ni Aaron, tanganing konsagrahon siya bilang padi na malingkod sako.

Mga Talinhaga 18:15

An tawong madonong danay na nagmamawot asin andam na makanood.

Mga Talinhaga 2:5

dangan masasabotan mo kun ano an pagkatakot sa Kagurangnan, asin maaaraman mo an kahulogan kan pakamidbid sa Dios.

Isaias 11:2

An espiritu nin Kagurangnan maontok sa saiya, an espiritu nin kadonongan saka pakasabot, an espiritu nin hatol saka kosog, an espiritu nin pakaaram asin nin pagkatakot sa Kagurangnan.

Jeremias 2:11

Igwa daw nin nasyon na nagribay kan saiyang mga dios-dios, maski ngani an mga iyan bakong tunay? Alagad rinibayan ako kan sakong banwaan, ako na nagtao sainda nin kaomawan, irinibay sako an mga dios-dios na dai makakatabang sainda.

Jeremias 24:7

Itatao ko sainda an pusong mag-aako na ako iyo an Kagurangnan. Dangan magigin banwaan ko sinda, asin ako an magigin Dios ninda, huli ta mabalik sinda sako sa bilog nindang puso.

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Jeremias 9:24

Kun may boot mag-orgulyo, ipag-orgulyo niya na namimidbidan asin nasasabotan niya ako, huli ta nagdadanay an sakong pagkamoot, saka ginigibo ko an tama asin matanos. Iyan an mga bagay na nawiwilihan ko. Ako, an Kagurangnan, an nagtaram.”

Daniel 10:1

Kan ikatolong taon kan paghahade ni Ciro sa Persia, sarong mensahe an ipinahayag ki Daniel na inaapod man Beltesazzar. Totoo an mensahe alagad masakit na masabotan. Ipinaliwanag idto saiya sa paagi nin sarong bisyon.

Daniel 5:11

Igwa nin sarong lalaki sa saimong kahadean na igwa kan espiritu kan banal na mga dios. Kan an saimong ama iyo pa an hade, ipinahiling kan lalaking ini an marahay na kaisipan, pakaaram asin kadonongan arog kan kadonongan kan mga dios. Ginibo siyang pamayo kan mga parahula, salamangkero, madonong saka mga astrologo ni Hadeng Nebukadnezzar, na saimong ama.

Mateo 11:25

Kan oras na idto, nagtaram si Jesus, “O Ama, Kagurangnan nin langit asin daga! Nagpapasalamat ako saimo ta ipinahayag mo sa mga mangmang an mga bagay na tinago mo sa mga madonong asin sa mga may inadalan.

Mateo 11:27

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana, asin an boot kan Aki na pahayagan.

Mateo 16:17

“Paladan ka, Simon, aki ni Juan! Huli ta bakong tawo an nagpasabot saimo kan katotoohan na ini kundi an sakong Ama sa langit,” an sabi ni Jesus.

Mateo 20:33

Nagsimbag sinda, “Kagurangnan, boot mi na makahiling!”

Mateo 6:13

Hare kami pabayae na madaog nin sogot, alagad agawon mo kami sa maraot.’

Lukas 12:12

Huli ta sa oras na iyan, tutukdoan kamo kan Espiritu Santo kan dapat nindong sabihon.”

Lukas 2:14

“Pag-omawon an Dios sa kaitaasan asin sa daga katoninongan sa mga tawo na saiyang nawiwilihan!”

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Juan 14:17

Siya an Espiritu nin katotoohan na dai maaako kan kinaban. Alagad midbid nindo siya, huli ta nagdadanay siya asin nag-eerok saindo.

Juan 14:26

Alagad an Parasurog, an Espiritu Santo na ipapadara kan Ama sa ngaran ko, iyo an matukdo saindo kan gabos na bagay, dangan maparomdom saindo kan gabos na sinabi ko saindo.

Juan 16:3

An mga bagay na ini gigibohon saindo kan mga tawo huli ta dai ninda namidbid an Ama o ako.

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Juan 20:17

Sinabihan siya ni Jesus, “Dai mo ako pagkapotan ta dai pa ako nakakasakat duman sa sakong Ama. Alagad dumuman ka sa mga tugang ko saka sabihan mo sinda na masakat na ako duman sa sakong Ama asin saindong Ama, sa sakong Dios asin saindong Dios.”

Mga Gibo 6:10

alagad dai ninda siya nadadaog huli ta tinawan siya kan Espiritu Santo nin kadonongan sa pagtaram.

Mga Gibo 7:2

Nagsimbag si Esteban, “Mga tugang saka mga magurang, himatea nindo ako! An Dios nin kamurawayan nagpahiling sa satong ginikanan na si Abraham kan yaon pa siya sa Mesopotamia, bago siya nag-erok sa Haran.

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

Roma 15:6

tanganing kamo gabos sarabay na mag-omaw sa Dios asin Ama ni Jesu-Cristo na satong Kagurangnan.

1 Corinto 12:8

Sa saro itinatao nin Dios sa paagi kan Espiritu Santo an kakayahan na magpahayag nin mensaheng pano nin kadonongan; sa saro, an mensaheng pano nin pakaaram sa paagi kan parehong Espiritu.

1 Corinto 14:6

Kaya, mga tugang, anong karahayan an makukua nindo sako pagdiyan ko saindo kun magtaram ako sa manlaen-laen na lengwahe? Mayo lamang pwera sana kun an ipagtaram ko saindo kapahayagan na hale sa Dios, o an pakaaram kan katotoohan, o propesiya, o anoman na katukdoan.

1 Corinto 2:10

Alagad ipinahayag sato nin Dios an saiyang misteryo sa paagi kan saiyang Espiritu, huli ta an Espiritu iyo an nagsisiyasat kan gabos, maski pa kan mga hararom na katuyohan nin Dios.

1 Corinto 2:8

Mayo maski saro sa mga namamayo kan panahon na ini an nakasabot kan kadonongan na iyan; ta kun aram ninda iyan, dai kutana ninda ipinako sa krus an Kagurangnan nin kamurawayan.

2 Corinto 12:1

Dapat akong mag-orgulyo, maski mayo iyan nin pakinabang. Alagad sasabihon ko ngunyan an mga bisyon saka mga kapahayagan sako kan Kagurangnan.

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Efeso 3:5

Kan mga panahon na nakaagi, dai ipinahayag an misteryong ini sa kiisay man, alagad ngunyan ipinahayag ini kan Espiritu sa mga banal niyang apostol saka sa mga propeta.

Efeso 4:13

Sa paaging ini kita gabos magkakasararo sa pagtubod asin sa pakamidbid sa Aki nin Dios. Magigin kitang mga tawong may kabatiran, sosog sa sukol kan kadakulaan kan kapanoan ni Cristo.

Filipos 3:15

Kita gabos na masarig nang gayo sa pagtubod, dapat na arog kaiyan an kaisipan. Alagad kun an iba saindo igwa nin laen man na kaisipan, ipapahayag man iyan nin Dios saindo.

2 Timoteo 2:25

patin mahuyo maski kun nagsasagwe kan saiyang mga kalaban, huli ta tibaad pa tawan sinda nin Dios nin oportunidad na makapagbakle saka makamidbid kan katotoohan.

Tito 1:1

Surat na hale ki Pablo na sorogoon nin Dios asin apostol ni Jesu-Cristo. Pinili ako saka sinugo tanganing tabangan na magtalubo an pagtubod kan mga tawong pinili nin Dios, asin makasabot sinda kan katotoohan na itinutukdo kan satong relihiyon,

Santiago 2:1

Mga tugang ko, bilang paratubod sa satong Kagurangnan na si Jesu-Cristo, an Kagurangnan nin kamurawayan, dai kamo magpalaen nin tawo.

2 Pedro 1:3

Huli kan saiyang Diosnon na kapangyarihan, tinawan kita nin Dios kan gabos tang kaipuhan tanganing mamuhay na banal sa paagi kan satong pakamidbid ki Jesus, na iyo an nag-apod sato na makihiras sa saiyang kamurawayan asin karahayan.

2 Pedro 3:18

Magpadagos kamong magtalubo sa biyaya saka pakaaram dapit sa satong Kagurangnan asin Paraligtas na si Jesu-Cristo. Mapasaiya an kamurawayan ngunyan asin sagkod pa man! Amen.

Kapahayagan 7:12

mantang nagsasabi, “Amen! Sa satong Dios an kaomawan, kamurawayan, kadonongan, pasasalamat, paggalang, kapangyarihan asin kakosogan sagkod pa man! Amen!”