Efeso 1:12 - Marahay na Bareta Biblia

¹² Kaya kaming mga naenot na naglaom ki Cristo itinalagang mabuhay para sa kaomawan kan saiyang kamurawayan.

Efeso 1:12 ပူးပေါင်းရင်းမြစ်များ

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 45:23

Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Isaias 45:25

Ako, an Kagurangnan, an maligtas sa gabos na kapagarakian ni Jacob, asin oomawon ninda ako.

Jeremias 23:6

Magigin ligtas an Juda sa panahon nin saiyang paghahade, asin an Israel mamumuhay na matiwasay. Aapodon siya sa ngaran na ‘An Kagurangnan Samong Kaligtasan.’

Juan 14:1

Sinabihan sinda ni Jesus, “Dai kamo maghadit. Magtubod kamo sa Dios, magtubod man kamo sako.

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Efeso 2:7

Ginibo niya ini tanganing ipahiling sa maabot pang mga panahon an nagsusupay na biyaya sa pagkamoot na ipinahiling niya sato huli ki Cristo Jesus.

Efeso 3:21

mapasaiya logod an kamurawayan sa simbahan, saka ki Cristo Jesus sa gabos na panahon sagkod pa man! Amen.

2 Tesalonica 2:13

Danay kaming magpasalamat sa Dios para saindo, mga tugang na namomotan kan Kagurangnan. Nagpapasalamat kami huli ta pinili kamo nin Dios bilang enot na ililigtas sa paagi kan kapangyarihan kan Espiritu, na nagpapabanal saindo huli kan saindong pagtubod sa katotoohan.

2 Timoteo 1:12

iyan an dahelan kaya nagtitios ako kan mga bagay na ini. Alagad dai ako nasosopog huli ta midbid ko an sakong tinutubod, asin naniniwala ako na iingatan niya sagkod sa huring Aldaw an ipinaniwala niya sakuya.

Santiago 1:18

Sa kabotan niya linalang niya kita sa paagi kan tataramon nin katotoohan, tanganing kita an magin orog sa gabos niyang linalang.

1 Pedro 1:21

Huli saiya nagtutubod kamo sa Dios, na iyo an nagbuhay liwat saiya asin nagtao saiya nin kamurawayan, tanganing magtubod kamo saka maglaom sa Dios.