Deuteronomio 9:9 - Marahay na Bareta Biblia

⁹ Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.

Deuteronomio 9:9 ပူးပေါင်းရင်းမြစ်များ

1 Mga Hade 19:8

Nagbangon si Elias, nagkakan saka nag-inom, dangan sa kosog na itinao kan pagkakan na idto, naglakaw siya sa laog nin kwarentang aldaw saka kwarentang banggi pasiring sa Sinai, an bukid nin Dios.

2 Mga Hade 6:22

Nagsimbag si Eliseo, “Dai mo sinda paggadanon. Gagadanon mo daw an mga nabihag mo sa ralaban? Tawe sinda nin pagkakan saka inomon, dangan pabalika sinda sa saindang hade.”

Exodo 24:12

Nagtaram an Kagurangnan ki Moises, “Tumukad ka sa bukid pasiring sako asin maghalat ka huli ta itatao ko saimo an duwang tablang gapo na sinuratan ko kan mga togon asin kan mga pagboot na itutukdo mo sa mga tawo.”

Exodo 24:15

Dangan nagtukad si Moises asin an bukid natahoban nin panganoron.

Exodo 24:18

Nagpadagos sa pagtukad sa bukid si Moises pasiring sa panganoron. Nag-erok siya duman sa laog nin kwarentang aldaw asin kwarentang banggi.

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 32:1

Kan mareparo kan mga Israelita na haloy nang dai naghihilig sa bukid si Moises nagdolok sinda ki Aaron dangan nagsabi, “Dai mi aram kun ano na an nangyari sa Moises na iyan na nangenot samo pagluwas sa Egipto; kaya igibo mo kami nin sarong dios na mangengenot samo.”

Exodo 34:28

Nagdanay si Moises sa kaibahan nin Kagurangnan sa laog nin kwarentang aldaw asin kwarentang banggi; dai siya nagkakan o nag-inom. Isinurat niya sa duwang tablang gapo an mga tataramon kan tipan—an Sampolong Togon.

Mateo 4:2

Nag-ayuno siya sa laog nin kwarentang aldaw saka kwarentang banggi, asin nagutom siya.

Galacia 4:24

Ini an kahulogan kaiyan: an duwang babae iyo an duwang tipan; an sarong tipan ginibo sa Bukid nin Sinai, ilinaladawan iyan ni Agar na an mga aki namundag na oripon.

Deuteronomio 8:3

Ginutom niya kamo dangan pinakakan nin manna, sarong pagkakan na dai pa nanamitan nindo asin kan saindong mga magurang. Ginibo niya idto tanganing tukdoan kamo na an tawo nabubuhay bako sa tinapay sana kundi sa lambang tataramon na minagikan sa ngoso nin Kagurangnan.

Deuteronomio 9:11

Pakatapos kan kwarentang aldaw asin banggi, itinao sako nin Kagurangnan an duwang tablang gapo na sinuratan niya kan tipan.

Deuteronomio 9:15

“Kaya nagbalik ako asin naghilig hale sa nagkakalayong bukid dara an duwang tablang gapo na nasusuratan kan tipan.

Deuteronomio 9:18

Dangan nagdapa giraray ako sa atubang nin Kagurangnan sa laog nin kwarentang aldaw asin banggi; dai ako nagkakan o nag-inom nin ano man. Ginibo ko iyan huli ta nagkasala kamo sa Kagurangnan asin pinaanggot nindo siya.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.