Deuteronomio 9:7 - Marahay na Bareta Biblia

⁷ “Giromdoma nindo kun paano nindo pinaanggot an Kagurangnan na saindong Dios duman sa kalangtadan. Tinumangan nindo siya poon na maghale kamo sa Egipto sagkod na makaabot digdi.

Deuteronomio 9:7 ပူးပေါင်းရင်းမြစ်များ

Exodo 14:10

Kan mahiling kan mga Israelita na harani na an hade saka an saiyang mga soldados, natakot sinda asin naghagad nin tabang sa Kagurangnan.

Exodo 14:11

Sinabihan ninda si Moises, “Mayo na daw nin mga lulubngan sa Egipto kaya dinara mo kami tanganing digdi sa kalangtadan magadan? Hilinga an ginibo mo sa pagluwasan mo samo sa Egipto!

Exodo 16:2

Duman sa kalangtadan, an gabos na tawo nagreklamo ki Moises asin ki Aaron

Exodo 17:2

kaya nagreklamo sinda ki Moises asin nagsabi, “Tawan mo kami nin tubig na iinomon.” Nagsimbag sainda si Moises, “Tadaw ta nagrereklamo kamo? Tano ta binabalo nindo an Kagurangnan?”

Exodo 23:21

Magdangog kamo saiya asin magsunod sa gabos niyang sasabihon. Dai nindo siya pagkontrahon huli ta sugo ko siya, asin dai niya papatawadon an saindong pagkakasala.

Isaias 48:8

Aram kong dai kamo pwedeng paniwalaan, asin poon sa pagkamundag inapod na kamong mga matumang. Iyan an dahelan kun tadaw ta dai pa nindo nadangog an siring kaini, kun tadaw ta dai pa saindo kaiyan nin nakapagsabi.

Jeremias 11:10

Binalikan ninda an mga kasalan kan saindang mga ginikanan, na habong maghinanyog kan sakong mga tataramon; nagsamba sinda sa ibang mga dios. Linapas kan Israel saka kan Juda an tipan na ginibo ko sa saindang mga ginikanan.

Jeremias 32:30

Magpoon sa kapinonan pinauyam na ako saka pinaanggot kan mga taga Israel asin taga Juda huli kan saindang mga gibo.

Jeremias 44:9

Nalingawan na daw nindo an gabos na karatan na ginibo kan saindong mga ginikanan, kan mga hade nin Juda asin kan saindang mga agom, an mga ginibo nindo asin kan saindong mga agom, sa mga banwa nin Juda saka sa mga tinampo nin Jerusalem?

Ezekiel 20:13

Alagad maski sa kalangtadan, sinuhay ninda ako. Dai sinda naglakaw sosog sa sakong mga pagboot asin tinalikodan ninda an sakong mga togon, na nagtatao nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:43

Dangan magigiromdoman nindo an makauuyam na mga gawe nindo, asin kun paano nindo dinigtaan an saindong sadiri. Mauuyam kamo sa saindong sadiri, huli kan mga maraot na gawe nindo.

Ezekiel 20:8

Alagad nagtumang sinda sako asin dai ninda ako dinangog. Dai ninda itinapok an makauuyam na mga bagay na namotan ninda, asin dai ninda binayaan an mga dios-dios nin Egipto. Andam na kuta akong iula sainda an labi-labi kong kaanggotan duman sa Egipto.

Ezekiel 36:31

Dangan magigiromdoman nindo an maraot nindong mga ugale saka mga gawe. Mauuyam kamo sa saindong sadiri huli kan saindong mga kasalan asin kasombikalan.

Mga Bilang 11:4

Igwa nin mga dayuhan na nagbabaklay kaiba kan mga Israelita. An mga dayuhan nagkaigwa nin sobrang pagmawot na makakakan nin karne asin maski an mga Israelita nagpoon man magreklamo, “Kun igwa kutana kita nin makakakan na karne!

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mga Bilang 17:10

Tinaraman nin Kagurangnan si Moises, “Ibugtak mo giraray an sugkod ni Aaron sa atubangan kan Kaban nin Tipan, tanganing sarayon bilang sarong patanid sa mga rebeldeng Israelita na magagadan sinda sagkod na dai sinda mag-ontok sa pagreklamo.”

Mga Bilang 21:5

asin nagtararam sinda tumang sa Dios saka ki Moises. Naggurumod-gumod sinda, “Tadaw ta ilinuwas mo kami sa Egipto tanganing magadan sa desyertong ini na mayo nin pagkakan asin tubig? Nauuyam na kami sa mayong halagang pagkakan na ini!”

Mga Bilang 25:2

Inalok sinda kan mga babaeng ini na magdolot sa saindang mga dios-dios. Nagkakan an mga Israelita asin nagsamba sa dios-dios

1 Corinto 15:9

Huli ta ako an pinakasadit sa gabos na apostol—dai ngani ako maninigong apodon apostol, huli ta pinasakitan ko an simbahan nin Dios.

Efeso 2:11

Kamong mga pagano, giromdomon nindo kun ano kamo kaidto, bakong pagkaniserkomsisyonado an apod saindo kan mga Judio huli ta sinda sirkomsisyonado (manongod ini sa ginigibo kan mga lalaki sa saindang hawak).

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

Deuteronomio 9:24

Magpoon na mamidbid ko kamo, nagin matumang na kamo sa Kagurangnan.

Deuteronomio 9:4

“Pakapahalea sainda nin Kagurangnan na saindong Dios para saindo, dai kamo magsabi na itinao niya saindo an dagang iyan huli ta maninigo kamong mag-ako kaiyan. An totoo, papahaleon nin Kagurangnan an mga nasyon na iyan sa pagdangadang nindo huli ta mga maraot sinda.