Deuteronomio 9:4 - Marahay na Bareta Biblia

⁴ “Pakapahalea sainda nin Kagurangnan na saindong Dios para saindo, dai kamo magsabi na itinao niya saindo an dagang iyan huli ta maninigo kamong mag-ako kaiyan. An totoo, papahaleon nin Kagurangnan an mga nasyon na iyan sa pagdangadang nindo huli ta mga maraot sinda.

Deuteronomio 9:4 ပူးပေါင်းရင်းမြစ်များ

Genesis 15:16

Apat na henerasyon pa an maagi bago makabalik digdi an saimong kapagarakian huli ta dai ko papahaleon an mga Amoreo sagkod na dai pa nagsobra an saindang karatan kaya kaipuhan nang padusahan sinda.”

Ezekiel 36:22

“Kaya sabihan mo an mga Israelita na ini an itinataram ko, an Kagurangnan Dios: Banwaan nin Israel, an gigibohon ko bakong huli sa saindo, kundi huli sa banal kong ngaran na dinigtaan nindo sa lambang nasyon na dinumanan nindo.

Ezekiel 36:32

O Israel, boot kong maaraman mo na ginigibo ko an gabos na ini bakong huli saimo. Boot kong mamatean mo an kasosopgan saka an pagkawara nin onra huli kan mga ginigibo mo. Ako, an Kagurangnan Dios, an nagtaram.”

Levitico 18:3

Dai nindo pag-arogon an mga ginigibo kan mga tawo sa daga nin Egipto, na nagin erokan nindo o an mga ginigibo kan mga nag-eerok sa Canaan, na pagdadarahan ko saindo.

Roma 11:20

Totoo iyan. Pinutol sinda huli ta dai sinda nagtubod, mantang ika isinugpon dahel ta nagtubod ka. Alagad dai ka magpaabaw-abaw, kundi matakot ka.

Roma 11:6

Pinili sinda nin Dios huli kan saiyang biyaya, bakong huli sa mga ginibo ninda; ta kun dahel sa gibo, an biyaya nin Dios bakong tunay na biyaya.

1 Corinto 4:4

Malinig an sakong konsyensya, alagad iyan dai nagpapatotoo na mayo ako nin kasalan. An Kagurangnan an naghuhukom sako.

1 Corinto 4:7

Huli ta siisay an nagpalaen saindo? Ano an yaon saindo na dai nindo inako? Kun inako nindo, tadaw ta nag-oorgulyo kamo na garong dai nindo iyan inako?

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Deuteronomio 8:17

Kaya dai nanggad kamo mag-isip na nagyaman kamo huli sa sadiri nindong kakayahan saka kosog.

Deuteronomio 9:24

Magpoon na mamidbid ko kamo, nagin matumang na kamo sa Kagurangnan.

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.

Deuteronomio 9:7

“Giromdoma nindo kun paano nindo pinaanggot an Kagurangnan na saindong Dios duman sa kalangtadan. Tinumangan nindo siya poon na maghale kamo sa Egipto sagkod na makaabot digdi.

2 Timoteo 1:9

Ilinigtas niya kita saka inapod tanganing magin sadiri niya, bakong huli kan ginibo ta, kundi huli sa sadiri niyang katuyohan asin biyaya. An biyayang ini itinao niya sato ki Cristo Jesus bago magpoon an panahon,