Deuteronomio 9:24 - Marahay na Bareta Biblia

²⁴ Magpoon na mamidbid ko kamo, nagin matumang na kamo sa Kagurangnan.

Deuteronomio 9:24 ပူးပေါင်းရင်းမြစ်များ

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Exodo 32:22

Nagsimbag si Aaron, “Dai ka maanggot sako; aram mong desidido an mga tawong ini sa paggibo nin maraot.

Isaias 48:8

Aram kong dai kamo pwedeng paniwalaan, asin poon sa pagkamundag inapod na kamong mga matumang. Iyan an dahelan kun tadaw ta dai pa nindo nadangog an siring kaini, kun tadaw ta dai pa saindo kaiyan nin nakapagsabi.

Jeremias 4:17

asin mapalibot sa Jerusalem, siring sa mga lalaking nagbabantay sa oma, huli ta an mga tawo duman nagrebelde tumang sa Kagurangnan. An Kagurangnan an nagtaram.

Ezekiel 20:8

Alagad nagtumang sinda sako asin dai ninda ako dinangog. Dai ninda itinapok an makauuyam na mga bagay na namotan ninda, asin dai ninda binayaan an mga dios-dios nin Egipto. Andam na kuta akong iula sainda an labi-labi kong kaanggotan duman sa Egipto.

Mga Bilang 14:9

Dai kamo magtumang sa Kagurangnan. Dai man kamo matakot sa mga nag-eerok duman huli ta madali ta sindang madaog. Kaiba ta an Kagurangnan asin nadaog na niya an mga dios-dios na nagsusurog sainda; kaya dai kamo matakot.”

Mga Bilang 17:10

Tinaraman nin Kagurangnan si Moises, “Ibugtak mo giraray an sugkod ni Aaron sa atubangan kan Kaban nin Tipan, tanganing sarayon bilang sarong patanid sa mga rebeldeng Israelita na magagadan sinda sagkod na dai sinda mag-ontok sa pagreklamo.”

Mga Bilang 23:21

Mayo akong nahihiling na kapahamakan ki Jacob; O ano man na kasakitan sa Israel. An Kagurangnan na saindang Dios yaon sainda; Siya an ipinapahayag nindang hade.

Mga Bilang 32:14

Ngunyan kamo an nakasalihid sa saindong mga ama, sarong bagong henerasyon nin parakasalang mga lalaki na mapaanggot giraray sa Kagurangnan laban sa Israel.

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Deuteronomio 9:4

“Pakapahalea sainda nin Kagurangnan na saindong Dios para saindo, dai kamo magsabi na itinao niya saindo an dagang iyan huli ta maninigo kamong mag-ako kaiyan. An totoo, papahaleon nin Kagurangnan an mga nasyon na iyan sa pagdangadang nindo huli ta mga maraot sinda.